Ki Utona

Vakacava ke dua e tukuna vei au ni sa vakacala na vadidike ni dua na ka eda vakabauta?

E vakavuvulitaka o Peresitedi Russell M. Nelson: “Na Kalou sa ivurevure ni dina kecega. Na Lotu i Jisu Karisito ni Yalododonu Edaidai sa ciqoma na dina taucoko e tukuna na Kalou vei ira na Luvena, e vulici ena volau ni vakadidike se ciqomi ena ivakatakila e solia ga mai o Koya” (“Na Cava e Dina?” Koniferedi Raraba ni Oko. 2022 [Liaona, Nove. 2022, 30]).

Kevaka era kaya na tamata ni didike e saqata e dua na dina ni kosipeli, oqo na ka me da nanuma tiko:

E dodonu mo rawata na kena dina. Raica na veika sara ga e tukuna tiko na didike (ka sega ni taura), vakakina na veika e kaya na kosipeli vakalesuimai i Jisu Karisito (ka sega ni taura). Vakaliuca na vulici ni ivolanikalou kei na nodra vosa na parofita.

E ka dina na kila-ka vakayalo. Na didike e dua na ivalavala ni kena vulici na dina me baleta na vuravura vakayago. Ia e tiko eso na dina e solia vei keda na Kalou ena ivakatakila. E rawa ni o vakabauta ni Yalo Tabu e “tukuna na veika me vaka na kena ituvaki dina” (Jekope 4:13).

Na vakabauta sa gadrevi kina na vosota. Na kila-ka ni didike e sa vakavoutaki ena vei gauna. Ena so na gauna eda na waraka ga na didike me yacova mai na dina tawamudu sa vakatakilai mai. E rawa ni da tautauri toka ena veidina vakayalo levu cake ni vakaleweni tiko kena matailalai.