Taro kei na Kena iSau

“Meu na ivakaraitaki vakacava vei ira na lewe ni noqu matavuvale kevaka era kunedredre tiko me ra bulataka na ivakavuvuli i Jisu Karisito?”

“Sa yaco me da nodra ivakarau na vakabauta ena noda bulataka na kosipeli i Jisu Karisito ena vosa, ena ivalavala, ena loloma, ena lomadina, kei na yalosavasava. Ni da sa cakava oqo, ena caudre yani na noda rarama me ra raica na tani.”

Peresitedi Thomas S. Monson (1927–2018), “Mo iVakaraitaki ka Dua na Rarama,” koniferedi raraba ni Oko. 2015, (Ensign se Liaona, Nove. 2015, 86).

Vakaraitaka, Veiqaravi, ka Veiwasei

goneyalewa

“Vakaraitaka ki na nomu matavuvale na sala e vakamarautaki iko kina na bulataki ni kosipeli. E rawa ni o qaravi ira ka wasea vei ira na veika o sotava. Sa rawa talega mo sureti rau na daukaulotu me vakayacori e dua na lotu vakamatavuvale ena nomu itikotiko.”

Luciana M., 18, Mendoza, Argentina

Vakasaqara mo Kilamatata.

goneyalewa

“Eso na noqu lewe ni matavuvale era sa cakava eso na ka e sega ni sala vata kei na ivakatagedegede ni Kalou. Tovolea mo kilamatata na vuna era cakava tiko kina. E sega ni kena ibalebale mo cakava na veika era sa cakava tiko. E bibi cake, lomani ira se cava ga na ka era cakava se tukuna.”

Melody E., 13, Texas, Amerika

Muria na iVakabula

goneyalewa

“Au dau saga tu ga meu ivakaraitaki ki na noqu matavuvale ena noqu tukuna na ivakavuvuli ni Lotu. Au dau tovolea meu iloilotaki Karisito vei au. Au kila ni kevaka au muri Koya, au na rawa ni ivakaraitaki vinaka ki na noqu matavuvale ka vukea me kauta mai na rarama i Karisito ki na nodra bula.”

Adalia C., 19, Rio Grande do Sul, Brazil

Vakatagitaka na Sere e Veilaveti

goneyalewa

“Au vakavolivoliti au ena itukutuku raraba vinaka e kauta mai na Yalotabu ki na noqu vale. Na vakatagitaki ni dua na serenilotu ena piano e vukei au meu vakila na reki ena gauna mada ga era kunedredre kina na noqu lewe ni matavuvale. Tomana tiko nomu vakararavi vua na iVakabula me kune reki kei na vakacegu, kevaka sara mada ga era sega na wavokiti iko tu.”

Lauren B., 14, Maryland, Amerika

Lomani ira.

“Ena sega ni rawa ni o veisautaka na nodra digidigi na nomu lewe ni matavuvale mai na nodra rawa ni veisautaka na nomu, ia e rawa ni o lomani ira tikoga. E vakaraitaka na Karisito na loloma levu vei ira na tamata era sega ni duavata se vinakati Koya mada ga. Na tamata kece e luve ni Kalou, ia ena nomu loloma, e rawa ni ra vakila na loloma ni Tamada Vakalomalagi.”

Brooklyn D., 17, Utah, Amerika

Vakasaqara mo Raica me Vaka e Raica na Karisito

cauravou

“Ni tiko vei keda na loloma va-Karisito ka tovolea me da raibaleta na nodra malumalumu e rawa ni vukei keda me da kila na veika era lako curuma tiko. E kilai keda vakavinaka sara o Jisu Karisito. Ka sa rawa ni da tekivu raica ka vukei ira na tani me vakataki Koya kevaka eda kerei Koya me tuberi keda.”

John K., 17, Indiana, Amerika

Kakua ni Vakalelewa

“Au sa vulica tiko meu lomani ira, dau yalovinaka vei ira, ka meu kakua ni lewai ira.”

Logan C., 18, Utah, Amerika

Na vei isau ni taro sa kena inaki me veivuke ka veivakararamataki, ka sega ni ivakaro vakadonui ni ivunau ni Lotu.

Na Cava na Nomu Nanuma?

“E sega ni dua e koronivuli e wasea na noqu ivakatagedegede. Meu na vaka itokani vinaka vakacava e kea?”

Vakauta mai na nomu isaunitaro kei na itaba ni bera na ika 15 ni Epereli, 2023.

Imeli mai e na [e-mail]. Se gole ki na ftsoy.ChurchofJesusChrist.org ka kilikitaka na “Submit Your Work.” Curu e na nomu Akaude ni Lotu ka digitaka na “For the Strength of Youth” e na ruku ni “Choose Magazine.” Kilikitaka na “Add File” mo digitaka na nomu faile kei na itaba, ka qai kilikitaka na “Submit” mo vakavodoka ka vakauta mai na nomu faile.

E na rawa ni moici na nomuni itukutuku me baleta na kena balavu se kena matata.