“Lewena na Timi Vata,” Me iSakisaki ni iTabagone, Julai 2023.
Lewena na Timi Vata
Sa yaco me rau veitokani bula-taucoko na rua na veilecavi e koronivuli oqo.
iTaba mai vei Jeffery Barker Edwards
Sa vo toka ga e ono na macawa nona kaulotu ki Ositerelia o Sister Dil e qai kila ni na vakacavara tiko na veimacawa oqori ena nona veiqaravi kei Sister Tuala!
“Oqori sara ga na iotioti ni ka au na sainitaki au kina,” e kaya o Sister Dil.
O Sister Dil kei Sister Tuala erau sa tekivutaka tiko na nodrau dauqito me baleta na nodrau dui koronivuli torocake ni veisisivi e cake na timi ni basketball mai Okaladi, Niu Siladi. Era a veilecavi. Era na dau sota vakawasoma ena sotasota, ka sega soti ni vinaka.
”Me biu vakaibalebale vakalailai,” e kaya o Sister Tuala, ”keirau na biubiu mai rara ena drakusi kei na dabuiloa.”
O Sister Dil kei Sisita Tuala erau a tereni vakalevu ka qito basketball. “E neitou bula na basketball,” e kaya o Sister Dil.
Ni rau sa tauriivola mai na koronivuli torocake, erau a vakauqeti ruarua me rau laki kaulotu—dina ga ni sega ni dua vei rau a bau gadreva me veiqaravi e liu.
Vakayacora na Digidigi mo Veiqaravi
Vei Sister Tuala, e taura na gauna me veidonuitaka na lomana kei na loma ni Turaga. “Au a yabaki 21 ena noqu vakatulewa meu cakacaka ena veivakauqeti,” e kaya o koya. ”Au a vala sara vakalevu me yacova niu sa tiko ena waqavuka.”
A yaco yani o Sister Tuala ki na nona kaulotu e Ositerelia ena gauna ni matedewa na COVID-19, ka dina ga ni a dredre sara, e vakavinavinakataka o koya ni sa lomana sara me veiqaravi.
“Au sega ni raitayaloyalotaka rawa niu sai Sister Tuala niu se qai yabaki 21. Au vakila vakaidina niu sa tubu.”
A vakauqeti o Sister Dil me “matata ka dusimaki” me laki kaulotu ni sa ciqoma na nona veivakalougatataki vakapeteriaki. Ni oti e dua na gauna, a nanuma me muria na veivakauqeti me veiqaravi, baleta “na loma ni Turaga sa dau sala dodonu ka digidigi vinaka duadua.” A yaco mai na kaci, ka mai vakatawana na nona kato me laki veiqaravi e Ositerelia.
Lewena na Timi Vata ena Vanuayawa
Baleta ga ni rau a veiqaravi ena tabana ni kaulotu vata o Sister Dil kei Sister Tuala e sega ni kena ibalebale ni rau veitokani totolo sara. Ni oti na nodrau veilecavi ena dua na gauna balavu, erau se sotava tikoga o Sister Dil kei Sister Tuala e dua na gauna dredre ni rau veiraici me vaka e dua tale na ka.
Na imatai ni siga a raici Sister Tuala kina o Sister Dil, e dua na imatai ni nona vakanananu oya, “Au sega ni kila kevaka e dodonu meu taleitaki koya.”
Tini na Veilecalecavi
Ena gauna rau sa lesi kina o Sister Tuala kei Sister Dil me rau veiqaravi vata, e a duatani dina sara.
E tiko ruarua na vakasama me baleti rau ka yavutaki ena nodrau qito ena buturara ni basketball. Erau dui nanuma ni kena ikarua e yalokaukauwa, veisisivi, ka yaloca.
Ia sa tekivu me veisau na veika ni rau sa veikilai vinaka. A qai kila o Sister Dil ni o Sister Tuala sa “veibasai taucoko sara” ni nona dau raici koya. ”O koya e dua dina na tamata dauloloma—e dua vei ira na itokani loloma duadua au se qai bau veiqaravi vata,” e kaya o Sister Dil.
A yaco na ka vata vakaoqo vei Sister Tuala. A sega ni kila o koya ni nona nanuma ni veilecavi vei Sister Dil a “veilecalecavi tawananumi vakadua” ena nona bula.
A vakaisosomitaki na yalo ca ni veisaqasaqa ena vakatulewa ena loloma kei na veiciqomi ni sa tekivu me raica o cei dina o Siiter Dil. E dina ga ni nanuma o Sister Tuala ni galugalu o Sister Dil, e raica ni o Sister Dil e “rawa ni vosa!“
Ena nodrau veitokani kunevou, erau qai kila kina o Sister Dil kei Sister Tuala ni rairai rau a sega mada ni veimecaki dina.
“Ena basketball o tara cake ena nomu vakasama na vakasama oqo me da qaqa kina, kei na vo ni timi kece sara na meca,“ e kaya o Sister Dil. “Sa qai oti na basketball, o qai kila, ‘Isa, era a sega tiko ga mai ni meca. E rairai era a sega beka ni meca dina.’”
Ia oqo, rau sa raica o Sister Dil kei Sister Tuala ni rau sa tautauvata tiko ena “timi”—timi ni Kalou.
Karisito ni tu e Loma, mai vei Judith Mehr
Na Solibula i Jisu Karisito sa Baleti Keda Kece
Erau vakila ruarua na marama na liga ni Kalou ena nodrau ilesilesi vakaveitokani ka kila na kaukauwa ni Veisorovaki i Jisu Karisito e vakatarai rau me rau sotava na veivakabulai kei na veisau.
“A vakayacora o Jisu Karisito na solibula oya me rawa ni vakabulai kina na veika kece oqo ka sa caka oti e liu, caka dodonu, ka vinaka cake,” e kaya o Sister Dil. “E rawa ni da veivosoti. Eda rawa ni da guilecava. E rawa ni da toso tikoga, ka veisau na ka kecega.”
E sega walega ni rau a vakabula o Sister Tuala kei Sister Dil na nodrau veisaqasaqa, ia erau vulica talega me rau raici ira na tani me vaka nona raici ira na Kalou.
“Niu lako mai ke ka rawa ni raici noqu itokani kei ira tale eso ena duatani na kena cina, au sa qai kila ni veika e baleta na italanoa ni tamata yadua,” e kaya o Sister Tuala. “Ia e gadreva na tamata kecega na Veisorovaki nei Jisu Karisito.”
Erau vulica ni dina ga ni rawa ni dredre, e rawa vei rau e rua na tamata ka rau a veiraici ena dua na gauna me vaka na meca me rau lako vata mai ena loloma.
“E sega ni dua na ka se yabaki ni bula cava o tiko kina se na nomu ivakarau ni bula,” e kaya o Sister Tuala, “se o sega ni kalougata se daulotu se lotu.
“Kevaka au rawa ni cakacaka vata kei na dua e sega ni tiko vei au e dua na veiwekani vinaka sara, ka keirau lako vata mai ena dua na inaki bibi, sa na rawa talega vei ira na tamata tale eso.“