Faavae Malolosi

Mauaina o se Aiga, Alofa, ma le Auai

Ata na tusia e Jessica Parker

Sa ono ou tausaga ae ou tuua loa lo’u aiga na fanau mai ai. Sa matuai faanoanoa lava ma taufaafefe. I ni nai masina talu ona tupu lenei mea, sa ou faalogo muamua ai e uiga ia Iesu Keriso.

Sa amata ona ou asiasi i se aiga na avea ma o’u aiga tausi. Sa toatele a latou fanau o e sa agalelei mai ia te au ma alolofa i le Faaola. Sa faataga a’u e lo’u aiga fou ou te alu i le lotu faatasi ma i latou, ma sa ou lagonaina le saogalemu ma le fiafia iina.

Sa alu ni nai tausaga o le alu i le lotu ma le faitauina o tusitusiga paia faatoa ou malamalama po o le a le talalelei, ma sa ou matuai manao lava ia papatisoina. Sa 12 o’u tausaga i le taimi na iu ai ina vaetamaina a’u e lo’u aiga tausi, ma sa faatagaina a’u e papatiso pe afai ou te manao ai!

I lo’u papatisoga, sa tuuina atu la’u molimau ma lagonaina le alofa o le Atua o siomia a’u i se malosiaga tele.

O le faitauina o le Tusi a Mamona ma le aoao e uiga ia Iesu ua fesoasoani ou te iloa ai e le o tuua na o au ma o au o se afafine o le Atua. E tusa lava pe le ogatusa mea ma vaega ou te manao ai, o le a i ai pea o Ia iina mo a’u.

Violet B., Hawaii, ISA