“Ae faapefea pe afai e ta‘u mai e se tasi ia te a‘u e le faamaonia e le saienisi se mea tatou te talitonu i ai?,” Mo le Malosi o le Autalavou, Iulai 2023.
Tuusa‘o i le Mataupu
Ae faapefea pe afai e ta‘u mai e se tasi ia te a‘u e le faamaonia e le saienisi se mea tatou te talitonu i ai?
Na aoao mai Peresitene Russell M. Nelson : “O le Atua o le punavai o upumoni uma. O Le Ekalesia a Iesu Keriso o le Au Paia o Aso e Gata Ai e taliaina upumoni uma ua tuuina mai e le Atua i Ana fanau, pe latou te aoaoina i se potu suesue faasaienitisi, pe mauaina e ala i faaaliga tuusa’o mai ia te Ia” (“O le a le Mea e Moni?” Konafesi aoao Oke. 2022 [Liahona, Nov. 2022, 30]).
Afai e fai mai tagata o le saienisi e feteenai ma se upumoni o le talalelei, o mea nei e manatua:
E tatau ona e mauaina mea moni. Saili po o a mea e ta‘u mai e le saienisi (ma mea e le o ta‘u maia), faapea foi ma mea o loo ta‘u mai e le talalelei toefuataiina a Iesu Keriso (ma e le o ta‘u maia). Tuu atu le faamuamua i le suesueina o tusitusiga paia ma upu a perofeta.
E moni le malamalama faaleagaga. O le saienisi o se metotia mo le aoaoina o upumoni e uiga i le lalolagi faaletino. Ae e i ai nisi o upumoni e na o faaaliga e tuuina mai ai e le Atua ia i tatou. E mafai ona e maua le faatuatua o le Agaga Paia “e tautala mai e uiga i mea e pei ona i ai moni lava” (Iakopo 4:13).
O le faatuatua e manaomia ai le onosai. O le malamalama faasaienisi e toe faafouina i le aluga o taimi. O nisi taimi e tatau lava ona tatou faatalitali mo le saienisi e pu‘epu‘e maua mai upumoni e faavavau ua faaalia mai. E mafai ona tatou pipiimau i upumoni faaleagaga tetele atu a o faatumuina ia faamatalaga.