O le Atalii Faamaumau Oa

Ua ole atu se atalii fouvale mo lona tofi ma tuua le aiga.

Ua ia faamaimauina mea uma na tuuina atu e lona tamā ia te ia e fiafia ai.

Ua oo mai se oge, o lea ua ia galue ai e fafaga puaa.

I se tasi aso ua ia iloa ai e mafai ona ia alu i le fale ma fesili atu mo se fesoasoani.

Ina ua taunuu o ia i le fale, ua ia talosaga e avea ma se auauna i lona aiga, e lei talitonu e tatau ona toe taulimaina o ia e pei o le atalii a lona tamā.

Ae ua faamagalo e lona tamā le atalii faamaumau oa ma talia o ia o lona atalii, ma ua patipatia e le aiga le toe foi mai o le atalii.

O Le A Lona Uiga

O le atalii faamaumau oa e suitulaga ia i tatou pe a tatou fouvale i lo tatou Tama Faalelagi. Ae po o fea lava ua tatou o i ai po o mea ua tatou faia, e finagalo le Tama Faalelagi ia tatou toe foi atu i le aiga ia te Ia ma le talalelei a Iesu Keriso.

E le faapea se’i tatou atoatoa. E tatau ona tatou salamo ma lotomaualalo, o mai ia Keriso, ma salamo. O le a faaofuina i tatou e le Atua i le mamalu ma faaali mai ia i tatou lo tatou agavaa moni.