“O Taimi o le Toefuatai Mai,” Mo Le Malosi o le Autalavou, Iulai 2023.
LeaFuaitau i luga o Lea Fuaitau
O Taimi o le Toefuatai Mai
Aoao i mea na ta’u atu e le Aposetolo o Peteru i tagata e uiga i le Toefuataiga.
O Le Uluai Faaaliga, saunia e Walter Rane
taimi o le faafouina
O “taimi o le faafouina” na talanoa ai Peteru e uiga i le taimi e toe afio mai ai Iesu Keriso. A mavae le Afio Mai Faalua, “o le a faafouina le lalolagi ma maua lona mamalu faaparataiso” (Mataupu Faavae o le Faatuatua 1:10).
taimi e toefuatai ai mea uma
O “taimi o le toe fuatai mai o mea” e faasino i le Toefuataiga o le talalelei. O lena taimi e aofia ai aso e gata ai (o tatou aso!) ma pe a toe afio mai Iesu Keriso.
O leToefuataiina o lona uiga o le toe aumai pe toe faafoi mai. Na amata le Toefuataiga o le talalelei i le tautotogo o le 1820, ina ua faaali mai le Tama Faalelagi ma Iesu Keriso i le Perofeta Iosefa Samita. O le taimi lena na amata ai ona toe aumai le tele o mea i le lalolagi, e aofia ai upumoni mama a Iesu Keriso, pule o le perisitua, ma le Ekalesia.
o ana perofeta paia uma talu mai le amataga o le lalolagi
Talu mai aso anamua, ua valoia e perofeta o le Alo o le Atua, o Iesu Keriso, o le a afio mai i le lalolagi ma avea ma o tatou Faaola. Sa latou valoia foi o le a toe afio mai Iesu Keriso mo le taimi lona lua.
Ma sa muai ta’u mai foi e perofeta a o lei toe afio mai le Faaola, o le a Ia toefuatai mai Lana talalelei ma Lana Ekalesia i le lalolagi. O le Toefuataiga na valoia e perofeta o loo tupu i o tatou aso.