11 Raoi Karaki aika a Kimototo ibukin Tibwauan te Euangkerio

Ao ko kona n tibwaia naba ngkoe!

Kaotia E Kanga te Euangkerio n Ibuobuoki

Te bong teuana I mena n au kiraati n tekateka irarikin raoraou. Ti a bon tauraoi ni karaoa te ukeuke, ao e tuangai teuanne bwa e rangi n nakonnano. I namakinna bwa N na riai n reireinna n tataro. Ngkanne ti a kabarakii atuura ao n tataro ni mabu ibukin buokara n te ukeuke. I kaaitau bwa te tataro e kona ni kanakoraoa nakonnanon raoraou.

Abigail, Uruguay

Buokiia Aomata ake a Rootaki n te Kainnano

Iai te unaine ae ea kara n ara uoote are e aki kona n roko nakon te bootaki n toa ibukin aki marurungina n te aoraki. Tamau ao Ngai ti butiia te bitiobi ngkana ti kona ni uota te toa nakon ana auti ni katoa wiiki. Kainabana, are e bon aki bati n roroko, e moanna n anaa te toa naba. Ikotakiia Iteraera e nanonaki bwa ti kainanoaki ni kaoiia tabeman n roko nakon Iesu Kristo. Te mwakuri n ibuobuoki bon mwakorona mai iai ae bubura.

Shion, Utah, USA

Kakao nakon te waaki ni kakukurei

I bon bwabwatika irarikin te ekaretia ngke I nooriia aomata aika mwaiti a taenti ikekei. I wetea te ataeinimwaane (arana Courage) ao tuangnga bwa tera ae karaoaki. E taku bwa a rooroko ibukin te kiraati ae arana te tieminari. E tuangai bwa e na karaoaki te waaki ni kakukurei n te ekaretia ao n tuangnga ngkana I kona n iria. Te ninikoria, ngkai raorau, e bita maiu man bubuokai n ataa taekan te euangkerio.

David, Ghana

Ko na Riki bwa te Banna ni Katooto

I reiakina ae mwaiti man tarataraakin tariu ae ikawai. I tatangira te takakaro n te witeo ao te butibooro, ao, koauana, N na bon karaoi bwaai ni kabane akanne n taainako ngke arona bwa akea ngaia. E tatangiri bwaai akanne naba, ao e mwaiti te tai ae ti kaai n takakaro iai, ma n taainako e karekea ana tai n rikirake ao n tamaroa. I aki mwaninga ngke a tuangai raoraou bwa ti na anaa te turaki ngke ti mena n te reirei. I waekoa n iangoa tariu ao n ataia bwa tera ae na rineia: ibukina I tangiria ni kan riki n ai arona, I karaoa au rinerine ae eti ao n taku I aki.

Emilio, Tennessee, USA

Buokiia Tabeman n Namakina Ana Tangira Kristo

N tain ana maungatabu te FSY, I rangi n namakina te maroaa. I tataro ni katoabong, te kantaninga n namakina te Tamnei ao ana tangira Iesu Kristo. Imwiin teuana te taetae, te ataeinnaine ae I aki rangi n kinaa e roko nakoiu ao e rabwatai. I namakina ana tangira Kristo ngke e rabwatai neiei, kanga ai aron ae E tuangai bwa E tangirai.

Natalie, Chile

Iriira te Wrikiriki

Teuana te bong I karekea te wirikiriki n tamnei bwa N na riai ni kaoa raoraou man te reirei nakon te taromauri. I tangiria bwa N na aki mwannanoa te wirikiriki, ma n tokina I kanakoa au tekiti nakoina te bong are mai imwaina. Ngke ti tekateka n te taromauri, I bon nakonnano. Ma ngke e bwara te bootaki, e karekea te moangare iaon moamoana. Bon te kauring nakoiu are te Atua e ataiia Natina riki nakon are I karaoia ao bwa I riai n taainako n rimwiin te wirikiriki n tibwauaan ana euangkerio Iesu Kristo.

Eliza, Minnesota, USA

Tataro Bwa Tera ae Kona Taekinna

Mwaneu ao Ngai bon tii ngaira membwa n ara Ekaretia n ara reirei. Aomata a kinaira ae ti kaokoro ao n taainako a titiraki. N te moan I bon nakonnano n taetae nakoia, ma I tataro bwa N na kona n taekina te bwai ae eti, ao a ongora ao ni karinea au rinerine.

Ruben, Norway

Tibwaua Koauan te Euangkerio n te Aonrain

Ibukin te kouru, I rinanon Nakomai, Iriirai ao ni kunei koroboki aika tabu ao taetae n tibwaia iaon bwaai ni kareke rongorongo. I karekei tabeua kaeka mairouiia aomata ae a taku bwa a namakina te Tamnei rinanon au bwai ae I katokai. Tibwauaan te euangkerio e kona ni buokiia tabeman n aanga aika mwaiti are ti aki kona n iangoia n te tai anne.

Raquel, Brazil

Kaota am Kakauiango

N au reirei n au kiraati teuana, ti wareka te boki are e tiriburea taekan te Ekaretia. I ataia I riai n taekina koauan te euangkerio ae kaokaki. Ngaia are I a katea baiu. E weteati te tia reirei, ma I aki ataia bwa tera ae N na taekinna. N iai bukina tabeua, I moanna n anenea te kuna ae Taekan te Onimaki. N miimiu, iai te rau ma te karinerine ae namakinaki inanon te ruu. Imwiina e karako te nanououa, ao au tia reirei ao raou n reirei a karaoi marooro inanon te kiraati ao ngai ma te karinerine riki.

Monique, Massachusetts, USA

Ko na Riki bwa te Ota

Ngke 15 au ririki, I iangoia bwa N na kakaea te tabo n taromauri are N na iria. Tabeua te bong imwiina, I a rena ma te ataeinnaine n te reirei are e taraa n iai te ota irouna. Uoua te wiiki imwina, e a kaoai nakon ana auti. Ngke I roko ikekei, a kaoai ana utu bwa N na iriira aia bootaki ni utu n te tairiki. I a moanna ni kan ongora taekan Ana Ekaretia Iesu Kristo ibukiiaAika Itiaki ni Boong aika Kaitira, are e a boboto riki iaon kukureiia ana utu raoraou n te tairiki anne.

McKaylie, Colorado, USA

Tibwaua ae Nako man te Tangira

Ai tariu e kaungaai bwa ti na kaaitibo ma mitinare, I iango, ibukina bwa neiei e tangiriabwa N na karekei kakabwaia ake e karekei n te tai anne. I namakinna bwa ai tariu ao raoraou, ae Enoch, e tangirai ao n tangiria bwa a na nakoraoi bwaai ibukiu. E anganai te mwengaraoi n roroko nakon te taromauri.

Eric, Ghana