“Tain Kaetan Bwaai,” Ibukin Kakorakoraia Kairake, Turai 2022.
Reirei iaon te Reirei
Tain Kaetan Bwaai
Reiakinna bwa tera ana reirei te Abotoro ae Betero ngke e tuangiia aomata taekan Kaokan Bwaai.
Te Moan Kaotioti, iroun Walter Rane
boong ni kamaiu
“Boong ni kamaiu” Betero e taekina taekan manga okin Iesu Kristo riki. Imwiin te Kauaoki, “ te aonaba e na manga kaboouaki ma ni karekea mimitongina ni bwaretaiti.” (Taekan te Onimaki 1:10).
tain kaetan bwaai ni kabane
“Taain kaetan bwaai ni kabane” e kaineti nakon manga Kaokakin te euangkerio. Anne te tai n reitii boong aika kaitira (ara bong!) ao ngkana e a manga oki Iesu Kristo.
Kaokan Bwaai nanon kaokaki ke kaokia. Manga kaokan te euangkerio e moanaki n tain bwebweraken aroka n 1820, ngke a kaoti te Tama are i Karawa ao Iesu Kristo nakon Iotebwa Timiti. Anne ngke bwaai aika mwaiti a na moana kaokakiia nako aon te aba n ikotaki ma ana koaua ae itiaki Iesu Kristo, te nakoanibonga, ao te Ekaretia.
ni kabane ana burabeti aika tabu ni moan rikin te aonaaba
N taai ake ngkoa, burabeti a tuangaki bwa Natin te Atua, Iesu Kristo, e na roko nako aon te aba ao n riki bwa ara Tia Kamaiu. A tuangaki naba bwa Iesu Kristo e na manga roko te kauatai.
Ao burabeti naba a tuangaki bwa imwain rokon te Tia Kamaiu, E na kaoka Ana euangkerio ao Ana Ekaretia nakon aon te aba. Kaokan bwaai are a kaman taekinna burabeti e a riki inanon ara bong.