“N na kanga n riki bwa te katoto nakoia kaain au utu ake a korakai n tou mwiin ana reirei Iesu Kristo?” Ibukin Kakorakoraia Kairake, Turai 2023.
Titiraki ao Kaekaia
“N na kanga n riki bwa te katoto nakoia kaain au utu ake a korakai n tou mwiin i maiuakina ana reirei Iesu Kristo?”
Kaotia, Mwakuri n Ibuobuoki, ao Tibwaia
Kaotia nakoia am utu bwa e kanga te euangkerio n anganiko namakinan te kukurei. Ko na ibuobuoki ao n tibwa am taneiai ma ngaiia. Ko kona ni kaoiia mitinare bwa a na karaoa te bootaki ni utu n te tairik ni mweengam.”
Luciana M., 18, Mendoza, Argentina
Ukeuke bwa Ko na Oota
“Tabeman man au utu a tia ni karaoi bwaai ake e aki boorai ma ana kanibaire te Atua. Kataia n oota bwa tera bukin nanon te bwai are a karaoia. E aki nanonak bwa ko na karaoa te bwai are a karaoia. Ae kakawaki riki, tangiriia n aki taraia bwa tera ae a karaoia ke a taekinna.”
Melody E., 13, Texas, USA
Iriirakin te Tia Kamaiu
“I kataia n riki bwa te katooto ibukiia au utu man tataekinan ana reirei te Ekaretia. N taainako I kataia n toua mwiin Kristo. I ataia bwa ngkana I toua Mwina, N na kona n riki bwa te banna ni katooto nakoia au utu ao ni buoka uotakin ootan Kristo nako nanon maiuia.”
, Adalia C., 19, Rio Grande do Sul, Brazil
Katanga te Katangitang ae Kaunganano
“I katobibiai ma bwaai ni kareke rongorongo aika a tamaroa are e uota te Tamnei inanon mweengau. Katangan te kuna n taromauri iaon te biano e buokai n namakina te kimwareirei riki ngkana kaain au utu a korakai. Reitinako n onimakina te Tia Kamaiu ibukin te kimwareirei ao te rau, riki ngkana tabeman ake a mena irarikim a aki.”
Lauren B., 14, Maryland, USA
Tangiriia
“Ko aki kona ni bita aia rinerine kaain am utu nakon riki are a kona ni bitiko, ma ko kona n teimatoa n tangiriia. Te Atua e kaota ana tangira ae bati nakoia aomata ake aki booraoi ma Ngaia ke n tangiria. Ni kabane aomata bon natin te Atua ao rinanon am tangira, a na kona n namakina ana tangira Tamara are i Karawa.”
Brooklyn D., 17, Utah, USA
Ukoria n Nooria ngkai E Nooria te Uea
“Ni karekea te tangira ae Ai aron Kristo ao ni kataia n noora aron mamaraia e kona ni buokiira n ota bwa tera are a mena inanona. Iesu Kristo e ataira n tatabemaniira nako ni koaua. Ao ti na kona ni waaki n nooria ao ni buokiia tabeman n aron are E karaoia ngkana ti bubuti Nakoina bwa e na kairiira.”
John K., 17, Indiana, USA
Tai Momotikitaeka
“I reiakinai bwa N na tangiriia, n akoi nakoia, ao n aki motikitaekaia.”
Logan C., 18, Utah, USA