“Tera ngkana temanna e tuangai bwa te tiaienti e aki kariaia te bwai are ti kakoaua?,” Ibukin Kakorakoraia Kairake, Turai 2023.
Nakon Raoi te Iango
Tera ngkana temanna e tuangai bwa te tiaienti e aki kariaia te bwai are ti onimakinna?
Beretitenti Russell M. Nelson e reirei: Te Atua bon oin koaua ni kabane. Ana Ekaretia Iesu Kristo Ibukiia Aika Itiaki ni Boong aika Kaitira e mwanei ni kawakin ni kabane koaua are e anga te Atua nakoia Natina, bwa tao e reiakinaki n te tabo n tiaeanti ke man te kaotioti a bon roko ma Irouna. (“What Is True?” Okitobwa 2022 maungatabu ni kabuta [Riaona, Nobembwa 2022, 30]).
Ngkana aomata a taku bwa te tiaienti e kantabaa ana koaua te eungkerio, aikai bwaai ake kam na taua iroumi:
Ko riai ni karekea koauana. Kakaea bwa tera ae taekinna te tiaienti (ao ae e aki taekinna), ai aron naba bwa tera ae taekinna ana euangkerio Iesu Kristo ae kaokaki (ao ae e aki taekinna). Moanibwaia ni kamatebwai koroboki aiki tabu ao aia taeka burabeti.
Te atatai n te maiu n tamnei e bon koaua. Te tiaienti bon te kawai ibukin kamatebwaian te koaua iaon rabwatan te aonaaba. Ma iai tabeua koaua are e anga te Atua tii rinanon te kaotioti. Ko ko kona ni karekea te onimaki are e taekinna te Tamnei ae Raoiroi “bwaai aika ngkai, ma aika a na roko” (Iakobwa 4:13).
Te onimaki e kainnanoa te taotaonakinnano. Te atatai iaon te tiaienti a bitaki ngkana a kuneaki rongorongo aika a boou. N tabetai ti bon tataninga te tiaienti ni uarokoia n taian koaua aika a kaokaki ae akea tokina. Ti kona n teimatoa n tauiikoaua aika a korakora n te maiu n tamnei ngkai a karinakirongorongoia.