«Մարգարեների խորհրդին հետևող մարգարեները», Երիտասարդներին զորացնելու համար, սեպտ. 2023
Պատրաստվել գերագույն համաժողովին
Մարգարեների խորհրդին հետևող մարգարեները
Յուրաքանչյուր ոք կարող է օրհնություններ գտնել՝ հետևելով մարգարեին, նույնիսկ առաքյալներին:
Մեզ անընդհատ խնդրում են հետևել մարգարեին: Բայց ոմանք կարող են զարմանալ, թե ինչու է այդքան կարևոր հետևել մարգարեի ձայնին:
2017 թվականի ապրիլի գերագույն համաժողովում նախագահ Թոմաս Ս. Մոնսոնը՝ այն ժամանակվա մարգարեն, խնդրեց Եկեղեցու անդամներին ամեն օր ուսումնասիրել, ոչ թե պարզապես կարդալ Մորմոնի Գիրքը: Նախագահ Ռասսել Մ. Նելսոնը և նախագահ Հենրի Բ. Այրինգը հետևեցին մարգարեի խորհրդին և խոսեցին տեղի ունեցածի մասին:
Հնազանդ Առաքյալ
Նախագահ Նելսոնն ասել է. «Ես փորձել եմ հետևել [նախագահ Մոնսոնի] խորհրդին: Ի թիվս այլ բաների՝ ես ցուցակներ եմ կազմել, թե ինչ է,Մորմոնի Գիրքը, ինչ է այն հաստատում, ինչ է հերքում, ինչ է կատարում, ինչ է պարզաբանում, և ինչ է բացահայտում: Այդ ոսպնյակների միջոցով Մորմոնի Գրքին նայելը խորաթափանց և ոգեշնչող վարժությո՛ւն էր»:1
Նախագահ Նելսոնը շարունակել է բացատրել, որ ինքը նմանատիպ հարցեր է տվել ուրիշներին և պարզել, որ նախագահ Մոնսոնի խորհրդին հետևելը այնքան շատ կյանքեր է փոխել: Տերն առաջնորդում է մեզ բոլորիս մեր մարգարեի, սուրբ գրությունների և անձնական հայտնության միջոցով:
Հավատարիմ առաքյալ
Նախագահ Այրինգն ասել է. «Ես 50 տարի շարունակ ամեն օր կարդացել եմ Մորմոնի Գիրքը: Այսպիսով, ես միգուցե հիմնավորված մտածեի, որ Նախագահ Մոնսոնի խոսքերն ուրիշ մեկի համար են։ Բայց ձեզանից շատերի նման ես զգացի մարգարեի հորդորը, և նրա խոստումը հրավիրեց ինձ ավելի շատ ջանքեր գործադրել այդ ուղղությամբ։ …
Նախագահ Այրինգը շարունակեց. «Հնազանդվելով Նախագահ Մոնսոնի խորհրդին, ես հասել եմևս երկու հրաշալի արդյունքի իմ կյանքում․ առաջինը, նրա խոստացած Հոգին ստեղծել է լավատեսության զգացում ապագայի հանդեպ, նույնիսկ այն պարագայում, երբ խառնաշփոթությունն աշխարհում շարունակում է աճել։ Եվ երկրորդը, Տերն ինձ և ձեզ շնորհել է ավելի մեծ սեր այն մարդկանց հանդեպ, ովքեր գտնվում են նեղության մեջ»։2
Յուրաքանչյուր մարդ
Յուրաքանչյուր մարդ կարող է և պետք է հետևի մարգարեի խորհրդին, որը տրվում է գերագույն համաժողովում: Անկախ նրանից, թե որտեղ եք գտնվում ձեր հոգևոր ճամփորդության ընթացքում, դուք միշտ կարող եք կատարելագործվել, անկախ նրանից՝ առաքյալ եք, նորադարձ, թե դրանց միջև: Դա չի նվազեցնում անձնական հայտնության մեր կարիքը. դա ևս մեկ միջոց է, որով Աստված կարող է օրհնել մեզ: Եթե նույնիսկ առաքյալները կարող են լրացուցիչ օրհնություններ գտնել այս կերպ, մենք, մնացածներս, նույնպես կարող ենք: