«Ի՞նչ կարող եմ անել, եթե զգում եմ, որ չունեմ հոգևոր փորձառություններ», Երիտասարդներին զորացնելու համար, Երիտասարդներին զորացնելու համար, սեպտ. 2023
Հարցեր և պատասխաններ
«Ի՞նչ կարող եմ անել, եթե զգում եմ, որ չունեմ հոգևոր փորձառություններ»
Խորհեք և գրի առեք
«Օրվա վերջում ես ժամանակ եմ տրամադրում խորհելու և իմ օրագրում գրելու այն հոգևոր փորձառությունների մասին, որոնք ես ստացել եմ այդ օրը: Երբ ես դա անում եմ, ես խաղաղություն եմ զգում: Այն նաև հիշեցնում է ինձ ամեն օր հոգևոր փորձառություններ փնտրել»։
Քիաննա Գ., 16, Զամբոանգա դե Նորտե (Ֆիլիպիններ)
Խնդրեք Աստծուն
«Սուրբ գրությունների շարունակական ընթերցումը և ամենօրյա աղոթքը հիանալի միջոց է Աստծուն ցույց տալու, որ ցանկանում եք ունենալ հոգևոր փորձառություններ: Եթե զգում եք, որ հոգևոր փորձառություններ չունեք, ապա անկեղծորեն խնդրեք Աստծուն, որ օգնի ձեզ նկատել դրանք: Նա սիրում է ձեզ և կպատասխանի ձեր աղոթքներին, երբ դուք փորձեք կատարել ձեր բաժինը»:
Իլիջա Ս., 15 տարեկան, Յուտա (ԱՄՆ)
Եղեք համբերատար
«Եղեք համբերատար։ Ձեր փորձառությունները միշտ չէ, որ նման կլինեն ուրիշների փորձառություններին»:
Իզաբելլա Ֆ․, 16 տարեկան, Սան Պաոլո (Բրազիլիա)
Ապրեք ավետարանով
«Մենք ձեռք կբերենք հոգևոր փորձառություններ՝ կարդալով սուրբ գրությունները, լսելով մարգարեի խոսքերը, ծոմ պահելով, աղոթելով, գնալով տաճար և ծառայելով ուրիշներին: Այդ քայլերն օգնում են մեզ ավելի մոտենալ Քրիստոսին և ավելի ընկալունակ լինել Սուրբ Հոգու հուշումներին, որոնք մեզ խաղաղություն են բերում»:
Նելլի Ռ., 16, Հիդալգո (Մեքսիկա)
Ուշադրություն դարձրեք
«Մենք միշտ պետք է հիշենք, որ շատ ուշադիր լինենք Սուրբ Հոգու հուշումների հանդեպ: Մենք կարող ենք Սուրբ Հոգուց հուշումներ ստանալ աննշան թվացող ձևերով: Թեև Սուրբ Հոգու հուշումները կարող են աննշան թվալ, դրանց հետևելով կարող ենք հավերժական օրհնություններ ստանալ»:
Մելիսա Ա., 14, Պարաիբա, (Բրազիլիա)