“Ikonektar,” Alang sa Kalig-on sa mga Kabatan-onan, Okt. 2023.
Ikonektar
David G.
12, Heredia, Costa Rica
Gilitratohan ni Christina Smith
Kon mag-ampo ko, bation nako nga ang Dios kanunay nga mag-uban nako. Sukad nga nabunyagan ko ug nagsugod sa pag-ampo. gibati nako nga nagtabang Siya nako ug nagbira nako padulong sa unahan aron ko makabalik ngadto Niya sa kataposan.
Dihang ang tanang tawo sa akong pamilya nagkasakit, nag-ampo ko gikan sa kinahiladman sa akong kasingkasing nga ang Ginoo motabang namo nga makalatas nga wala nay laing grabe pa nga mahitabo. Gibati nako nga Iya kong gitubag ug nga Siya motabang namo. Mibati ko og hilabihan nga kamaya, ug kini nakapahimo nako nga mas matuohon Kaniya ug sa Iyang Anak, si Jesukristo.
Aron mas kanunay nga makadungog Kaniya, akong gibati nga kinahanglan gayod kitang mag-ampo, apan dili lang basta makaampo. Hinuon, mag-ampo kita gikan sa kasingkasing. Siya maminaw nato. Dili gayod Siya mobiya nato, ug kanunay Siya nga mag-uban kanato.