“Dawata ang Espiritu alang sa Inyong Giya,” Alang sa Kalig-on sa mga Kabatan-onan, Okt. 2023.
Kataposang Pulong
Dawata ang Espiritu alang sa Inyong Giya
Ang atong Amahan sa Langit nasayod nga sa mortalidad magsagubang kita og mga hagit, kalisdanan, ug kasamok; nasayod Siya nga manlimbasog kita sa mga pangutana, mga kasagmuyo, mga tentasyon, ug mga kahuyang. Aron mahatagan kita og mortal nga kalig-on ug balaanong giya, gihatagan kita Niya sa Balaang Espiritu.
Pinaagi sa balaanong buluhaton, ang Espiritu nagdasig, nagpamatuod, nagtudlo, ug nag-aghat kanato nga maglakaw diha sa kahayag sa Ginoo. Kita adunay sagradong responsibilidad nga magkat-on sa pag-ila sa Iyang impluwensya diha sa atong kinabuhi ug molihok.
Unsaon man nato sa paghimo niana?
Una, maningkamot kita aron mahimong takos sa Espiritu.
Ikaduha, kinahanglan gayod nga andam kita nga modawat sa Espiritu.
Ikatulo, kinahanglan gayod kitang makaila sa Espiritu kon moabot kini.
Ikaupat, kinahanglan gayod kitang molihok sa unang pag-aghat.
Hinaot nga seryoso natong dawaton ang panawagan sa Ginoo nga “paglipay, kay Ako mogiya kaninyo” (Doktrina ug Mga Pakigsaad 78:18). Siya mogiya kanato pinaagi sa Espiritu Santo. Hinaot nga magpakabuhi kita nga duol sa Espiritu, molihok dayon sa atong una nga mga pag-aghat, kay kita nasayod nga kini nagagikan sa Dios. Mohatag ko sa akong pagsaksi bahin sa gahom sa Espiritu Santo nga mogiya kanato, mobantay kanato, ug magauban kanunay kanato.