“Unsaon nako pagkahimong tigpasiugda og kalinaw kon ang mga tawo sa akong palibot dili magkasinabot?” Alang sa Kalig-on sa mga Kabatan-onan, Okt. 2023.
Mga Pangutana ug Mga Tubag
“Unsaon nako pagkahimong tigpasiugda og kalinaw kon ang mga tawo sa akong palibot dili magkasinabot?”
Tabang Kon Kinsa ang Imong Matabangan
“Usahay dili nato mapakalma kadtong maoy hinungdan sa kasamok, apan mahupay nato kadtong gipasakitan. Nasinati ko kini nga sitwasyon. Imbes nga atubangon ang mga nangaway, matabangan nato ang uban nga nalambigit. Makahatag kita kanila og kalinaw.”
Eddy A., 17, Guatemala
Pagpatunga
“Kon ang akong mga igsoon mag-away o maglalis ug ang akong mama maproblema na og maayo, makapasiugda ko og kalinaw pinaagi sa pagpatunga ug tabangan ang akong mama. Sa pagbuhat niana, kaming tanan mahimong magkasuod.”
London H., 15, Alabama, USA
Pangitaa ang Dios
“Makaampo kita sa atong kasingkasing ug mangutana kon unsaon nga mahimong tigpasiugda og kalinaw. Usahay moabot ang tubag dihadiha dayon, ug sa ubang panahon kinahanglan mosalig ta sa Dios. Kon mosunod kita sa Dios ug magtinguha nga mahimong sama Kaniya, atong madala ang Espiritu bisan asa.”
Adelyn A., 13, Colorado, USA
Maminaw
“Kasagaran, ang mga tawo kinahanglan lang nga mahimong maayo nga mga tigpaminaw. Kon tinud-anay ka nga maminaw sa uban, makakat-on ka sa pagtan-aw sa uban sama sa pagtan-aw sa atong Langitnong Amahan: isip mga anak sa Dios. Nakatabang kini kanako sa pagsulbad bisan sa labing lisod nga panaglalis ngadto sa akong mga higala ug pamilya.”
Anna G., 17, California, USA
Magmabination
“Pagpakita og maayong ehemplo niadtong anaa sa imong palibot. Mapalig-on nato ang atong mga relasyon ngadto sa uban pinaagi sa pagpaningkamot nga maminaw ug morespeto sa ilang mga opinyon ug mga pagbati. Usahay mas maayo pa nga magmabination kay sa magpakahusto.”
Joy H., 15, Maryland, USA