“Nganong importante kaayong makontrol nako ang akong sinultihan?,” Alang sa Kalig-on sa mga Kabatan-onan, Okt. 2023.
Direkta sa Punto
Nganong importante kaayong makontrol nako ang akong sinultihan?
Ang Ginoo ug ang Iyang mga propeta sa kasagaran nagtudlo kanato sa pagkontrol sa unsay atong isulti. Nagtudlo usab sila kanato sa mga rason sa pagbuhat niini. Ania ang pipila lang niini:
Ang imong mga pulong mopakita kon unsay anaa sa inyong kasingkasing. Si Jesukristo nagtudlo, “Kay unsa gani ang nakapuno sa kasingkasing mao usab ang isulti sa baba” (Mateo 12:34). “Seguradoha nga ang imong sinultihan magpakita sa gugma sa Dios ug sa uban” (Alang sa Kalig-on sa mga Kabatan-onan: Usa ka Giya sa Paghimo og mga Pagpili [2022], 12).
Ang pagkontrol sa imong sinultihan magpakita og disiplina sa kaugalingon. Si Santiago nagtudlo, “ Ang tawo nga dili masayop sa iyang pagpanulti hingpit ug makahimo sa pagpugong sa iyang kaugalingon” (Santiago 3:2).
Ang mga pulong sa usa ka disipulo kinahanglan nga makabayaw. Si Apostol Pablo nagtudlo, “Ayaw kamo paggamit ug daotang mga pulong kondili ang makatabang lamang ug makaayo sa mamati kaninyo” (Mga Taga-Efeso 4:29).
Kon unsa ang inyong isulti moapekto sa imong abilidad sa pag-angkon sa Espiritu. “Ang hugaw nga sinultihan makapaubos ug makadaot sa espiritu” (Gospel Topics, “Profanity,” topics.ChurchofJesusChrist.org).