“Ang Manluluwas Makatabang Nako sa Eskwelahan,” Alang sa Kalig-on sa mga Kabatan-onan, Okt. 2023.
Ako Makahimo sa Tanan nga Butang pinaagi kang Kristo
Ang kabatan-onan nagpakigbahin kon sa unsang paagi si Kristo milig-on kanila sa pagbuhat sa lisod nga mga butang (tan-awa sa Mga Taga-Filipos 4:13).
Ang Manluluwas Makatabang Nako sa Eskwelahan
Pipila ka bulan na ang milabay, ako naglisod sa eskwelahan. Dili maayo ang akong gibati mahitungod niini tungod kay ang akong mga higala wala maglisod sama kanako. Ako nasagmuyo ug nadismaya sa akong kaugalingon, ug ako nagtuo nga walay usa nga nakasabot nako.
Apan dayon ako mitan-aw sa kinatibuk-ang komperensiya. Ako nakaamgo nga ang Ginoo nakasabot nako sa hingpit. Sa pagpangita og tabang ug kahupayan, kinahanglan ko nga mas mopaduol ngadto Kaniya. Ang akong mga problema adunay kasulbaran kon ako motutok diha ni Jesukristo.
Usahay ako wala makasabot ngano nga ako moagi sa lisod nga mga butang, apan ang Manluluwas nakasabot. Siya nasayod unsa ang akong kaya nga himoon. Ako nasayod nga ang Langitnong Amahan ug si Jesukristo nahigugma nako ug makatabang nako nga molambo kon ako maningkamot.
Ana Sofia P., Puebla, Mexico