Ako Makahimo sa Tanan nga Butang pinaagi kang Kristo

Ang kabatan-onan nagpakigbahin kon sa unsang paagi si Kristo milig-on kanila sa pagbuhat sa lisod nga mga butang (tan-awa sa Mga Taga-Filipos 4:13).

Kon Mobati Kang Nag-inusara

Usahay sa akong kinabuhi, ako nakigbisog sa akong pagbati nga nag-inusara. Usahay ako mibati nga ako dili importante o wala kinahanglana. Gibati nako nga bisan ang akong labing suod nga mga higala ug pamilya wala makasabot sa hingpit unsay akong nasinati.

Apan sa dihang ako miadto sa komperensiya sa AKK, gibati nako ang kakomportable ug kalinaw gikan sa Espiritu Santo. Kini nakatabang nako nga makaila kinsa gayod ako ug nga ang ebanghelyo tinuod. Nagsugod ko sa pagtan-aw ni Kristo ug pagsalig Kaniya ug sa Iyang Pag-ula. Nakaamgo ko nga Siya nakaila nako ug nakasabot unsay akong gibati. Ang akong panglantaw nausab, ug karon naningkamot ko sa pagtabang sa uban nga moduol ngadto Kaniya.

Jacob C., Utah, USA