Tuha’a purera’a nō te avatea sābati
’A feruri tiretiera !
Hu’a parau
’Ua ha’api’i mai au ē, e mea fa’ahiahia mau te fa’anahora’a a te Metua i te ao ra nō tātou, ’e te mau mea tā tātou e rave i roto i teie orara’a, e faufa’a rahi tō te reira, ’e nā te tāra’ehara a te Fa’aora e fa’atupu i te fa’anahora’a a tō tātou Metua […]
I teie mahana, nō te tauturu ia ’outou ’ia fa’ari’i i te mau ha’amaita’ira’a faufa’a tā tō tātou Metua i te ao ra i fa’ata’a nō ’outou, tē ani atu nei au ia ’outou ’ia pe’e i te ravera’a o te « feruri tiretiera ! » […]
Nō reira, e au mau taea’e, e au mau tuahine, nāhea ’e i hea ’e i pīha’i iho ’ia vai e hina’aro ai ’outou e ora e a muri noa atu ? Tītauhia ia ’outou ’ia mā’iti.
’Ia rave ana’e ’outou i te mau mā’itira’a, te ani atu nei au ia ’outou ’ia rave i te hō’ē hi’ora’a atea—hō’ē hi’ora’a mure ’ore. ’A tu’u ia Iesu Mesia i mua nō te mea, tō ’outou ora mure ’ore, tei te huru ïa o tō ’outou fa’aro’o iāna ’e i tōna tāra’ehara. Tei te huru ato’a ’o tō ’outou ha’apa’o i tāna mau ture […]
’A rōtahi noa ai ’outou i ni’a i te ferurira’a tiretiera, e nehenehe ’outou e fārerei i te pāto’ira’a […]
’Ia feruri tiretiera ana’e ’outou, e taui marū noa tō ’outou ’ā’au. E hina’aro ïa ’outou e pure pinepine hau atu ’e ma te ’ā’au tae hau atu […]
Mai te mea e feruri tiretiera ’outou, e ’ite ’outou ia ’outou iho ’ia fa’aru’e i te mau mea ato’a e fa’a’ere ia ’outou i tō ’outou ti’amāra’a […]
’Ia feruri tiretiera ’outou, e tauturu ato’a te reira ia ’outou ’ia ha’apa’o i te ture nō te vi’ivi’i ’ore […]
Mai te mea e feruri tiretiera ’outou, ’e hi’o ’outou i te mau tāmatara’a ’e te pāto’ira’a i roto i te tahi atu hi’ora’a ’āpī […]
’Ia feruri tiretiera ana’e ’outou, e tupu tō ’outou fa’aro’o i te rahi […]
E tītau te ’aufaura’a i te tuha’a ’ahuru i te fa’aro’o, ’e e ha’apūai ato’a te reira i te fa’aro’o i te Atua ’e i tāna Tamaiti here.
Te mā’itira’a ’ia ora i te hō’ē orara’a vi’ivi’i ’ore i roto i te hō’ē ao faufau ’e te poritita, e ha’apūai te reira i te fa’aro’o.
Te hōro’ara’a hau atu i te taime i roto i te hiero, e ha’apūai te reira i te fa’aro’o.