E parauhia te here i’ō nei
Hu’a parau
I teie mahana, paraparau ana’e nō ni’a i e toru reo nō te here ’evanelia […]
’A tahi, te reo ’evanelia nō te māhanahana ’e te mana’o tura […]
Ma te māhanahana ’e te mana’o tura, e fa’atumu tā tātou mau purera’a ’ōro’a ’e te tahi atu mau rurura’a i ni’a ia Iesu Mesia […]
Tāmau noa ana’e i te paraparau ma te māuruuru tāmāhanahana ’e te mana’o tura nō te ’ohipa ’e te hanahana o te Atua, nā reira ato’a nō te maita’i, te tahiti’a ’e te aroha o Iesu Mesia ’e nō tāna tusia tāra’ehara.
Te piti, te reo ’evanelia nō te tāvinira’a ’e te fa’atusiara’a […]
E rāve’a te mau pi’ira’a ’ia tāvini i te Fatu ’e i te tahi ’e te tahi i roto i tāna ’Ēkālesia, nō te fa’arahi i tō tātou aumihi, te ’aravihi ’e te ha’eha’a […]
E fa’arahi tātou i te tū’atira’a ’e e ’aro tātou i te vai-’āta’a-ra’a ’a aupuru tāmau ai tātou ma tō tātou ’ā’au i roto i tō te tahi ’e tō te tahi ’utuāfare ’e te veutupura’a […]
Nā tā rātou mau ’ātivite fa’anahonaho-maita’i-hia e tauturu i te fa’atupura’a i te mana’o i roto i te mau ta’ata ato’a ē, tē ha’afaufa’ahia nei rātou, tē fa’ari’ihia nei ’e tē anihia nei ’ia amo i te hō’ē ti’ara’a faufa’a roa […]
E fa’ahaere te fa’aro’o, te tāvinira’a ’e te fa’atusiara’a ia tātou i ni’a atu ia tātou iho, piri a’e i tō tātou Fa’aora […]
’Ua tae ïa tātou i te reo ’evanelia nō te tā’amura’a fafaura’a […]
E rāve’a maita’i a’e tā Iesu Mesia—e mau tā’amura’a tei niuhia i ni’a i te fafaura’a hanahana, pūai a’e i te tā’amu o te pohe. E ti’a i te tā’amura’a fafaura’a i te Atua ’e i te tahi ’e te tahi ’ia fa’aora i te māuiui ’e ’ia ha’amo’a i tō tātou mau tā’amura’a poihere-roa-hia. Te parau mau, e rahi a’e tōna ’ite ’e tōna here ia tātou, i tō tātou iho ’ite ’e te here ia tātou iho. Te parau mau, ’ia fafau tātou i tō tātou iho tā’āto’ara’a, e hau atu tā tātou e riro mai i tō tātou nei vaira’a. E ti’a i te mana ’e te pa’ari o te Atua ’ia ha’amaita’i ia tātou i te mau hōro’a maita’i ato’a, i tōna taime ’e tāna rāve’a.