ʼO Iesu Mesia te tao’a
Hu’a parau
Above All [Nā ni’a i te mau mea ato’a], nā Kelsy ’e Jesse Lightweave
’Ua parau te peropheta o te Buka a Moromona, ’o Iakoba, ’ia fa’ariro ’ei ’ohipa fa’ari’ihia, ’aore rā ’ia fa’aiti i te faufa’a o te mau mea fātata mai ’a parau ai nō ni’a i « te hi’ora’a i’ō atu i te tāpa’o » [Iakoba 4:14] […]
E ti’a ia tātou ’ia ara i te reira hina’aro, ’a ’ere ho’i tātou ia Iesu Mesia i roto i tō tātou orara’a ’e ’ia ’ore ho’i e ’ite i te mau ha’amaita’ira’a rau tāna e hōro’a mai ia tātou. E hina’aro tātou iāna […] Mai te mea e feruri hape tātou ē, e hina’arohia te tahi mea i ’ō atu i tāna e hōro’a mai nei, tē huna ra ’aore rā tē fa’aiti ra ïa tātou i tōna faito ’e tōna mana i roto i tō tātou orara’a […] ’O Iesu Mesia tā tātou tao’a.
’Ua hōro’a mai te Fa’aora ia tātou e rave rahi huru nō te fa’atumu i ni’a iāna, ma tō tātou iho hina’aro, tae noa atu i te ti’ara’a ’ia tātarahapa i te mau mahana ato’a. I te tahi taime, tē ha’afaufa’a ’ore nei tātou i te faufa’a rahi o teie ha’amaita’ira’a i pūpūhia mai […]
E roa’a ia tātou te mau ha’amaita’ira’a faufa’a o te ’ōro’a mo’a i te mau taime ato’a e haere tātou i te purera’a ’ōro’a […] E ha’amaita’i te Vārua Maita’i ia tātou i tōna mana ha’amo’a ’ia ti’a ia tātou ’ia tāpe’a noa i te matarara’a o tā tātou mau hara, i terā hepetoma ’e terā hepetoma […]
’Ia vai ana’e te Vārua Maita’i i roto ia tātou, e fa’auruhia ’e e arata’ihia tātou nō te rave ’e nō te fa’atura i te tahi atu mau fafaura’a mai terā tā tātou i rave i roto i te hiero. Nā te reira e fa’ahōhonu i tō tātou tā’amura’a ’e te Atua […] E mea ti’a i te pūai o tā tātou fafaura’a ’ia haere i te hiero fātata, ’ia ’aifaito i te pūai ’ia haere i te hiero ātea.
[…] Mai te mea e ti’aturi tātou i te peropheta a te Atua i ni’a i te fenua nei i teie mahana, ’e mai te mea e ha’apa’o tātou i tāna mau parau a’o, e ’itehia ia tātou te ’oa’oa, ’e e fa’aorahia ato’a tō tātou ma’i. ’Aita e tītauhia ia tātou ’ia ’imi ātea atu ā.