Te mau muhumuhu a te Vārua
Hu’a parau
Tē ani mai nei te Fatu ia tātou ’ia ’imi pāpū i te mau hōro’a maita’i a’e, ’e tae noa atu i te mau hōro’a pae vārua. Tē hōro’a nei ’oia i te mau hōro’a pae vārua nō te ha’amaita’i ia tātou ’e nō te ha’amaita’i ia vetahi ’ē […]
Te fa’a’ohipara’a i te mau hōro’a pae vārua, e tītau te reira i te fa’a’eta’etara’a tino pae vārua […]
Te auhoara’a tāmau o te Vārua Maita’i ’o te hō’ē ïa o te mau hōro’a pae vārua rahi a’e e fana’ohia e te feiā mo’a i te mau mahana hope’a nei […]
Tē hina’aro nei au e hōro’a ato’a ia ’outou e maha tumu parau arata’i ’o tē nehenehe e tauturu ia ’outou ’ia ani ’e ’ia ’ite i te mau muhumuhu a te Vārua.
Te mātāmua ’oia ho’i ’ia ti’a i te mau vāhi mo’a […]
Te piti, ’a ti’a i pīha’i iho i te mau ta’ata mo’a […]
Te toru, ’a fa’a’ite pāpū i te mau parau mau mo’a ma te pinepine e ti’a ia ’outou […]
Te parau tumu hope’a ’o te fa’aro’ora’a ïa i te Vārua Mo’a […]
’A feruri noa ai ’outou i teie mau parau tumu nō te tītau manihini ’e nō te ’ite i te Vārua, ’a feruri i teie mau parau fa’aarara’a i muri nei.
’A ha’apāpū i tō ’outou mau fa’auru’a’ī pae vārua […]
’Ia pāpū ē, te mau mana’o tā ’outou e fa’ari’i ra e tū’ati ïa i ni’a i tā ’outou ’ohipa […]
E’ita te mau ’ohipa pae vārua e ti’a ’ia fa’ahepohia […]
’A fa’a’ohipa i tō ’outou iho ha’avāra’a maita’i a’e […]
E ’ōpani au ma te hō’ē anira’a manihini tā’ā ’ē, nō te feiā ’āpī tā’āto’a ! E rave rahi o ’outou e ha’amata nei i tō ’outou mahana nā roto i te ti’ara’a i mua i te hō’ē hi’o. Ananahi, i teie hepetoma, teie matahiti, i te mau taime ato’a, ’a fa’aea ri’i ma’a taime ’a hi’o ai ’outou ia ’outou iho i roto i te hi’o. ’A feruri ia ’outou iho, ’aore rā ’a parau ha’apūai mai te mea e hina’aro ’outou, « Waoo, ’a hi’o na iā’u ! E mea fa’ahiahia vau ! E tamari’i au nā te Atua ! ’Ua ’ite ’oia iā’u ! ’Ua here ’oia iā’u ! ’Ua fa’ari’i au i te mau ō—’ua fa’ari’i au i te Vārua Maita’i ’ei hoa tāmau nō’u ! »