’Auē ho’i tō ’outou ’oa’oa rahi
Hu’a parau
I teie mahana, tē paraparau nei au i te feiā pa’ari ’aravihi e rave rahi i roto i te ’Ēkālesia ’o tē nehenehe e tāvini ’ei misiōnare. Hina’arohia ’outou e te Fatu […]
I to’u fārereira’a i te mau misiōni nā te ao ato’a nei, ’ua ’ite au i te tāvinira’a fa’ahiahia a tō tātou mau misiōnare pa’ari. E mea pāpū maita’i ē, tē oa’oa nei rātou i te ravera’a i « te hina’aro o te Fatu » ’e te ravera’a i « tā te Fatu ’ohipa » [Te Ha’api’ira’a Tumu ’e te mau Fafaura’a 64:29] […]
’Ua pi’i au e rave rahi ta’ata fa’aipoipo nō te tāvini ’e ’ua hi’o vau i te Māramarama o te Mesia tei fa’a’ī i tō rātou hōho’a mata. I tō rātou ho’ira’a mai, ’ua fa’ahiti rātou i te tupura’a i te rahi i pīha’i iho i te Fatu ’e ’ua ha’afātata atu i te tahi ’e te tahi, ma te fāri’i i te Vārua o te Fatu i nini’ihia i ni’a iho ia rātou, ’e ma te ’ite ē, ’ua taui rātou i te mau orara’a. ’O vai tē ’ore e hina’aro i te reira ? […]
’Ei ’āpōsetolo nā te Fatu Iesu Mesia, tē ani nei au ia ’outou ’ia tāvini ’ei misiōnare i roto i te ha’aputuputura’a ia ’Īserā’ela e pēnei a’e, ’ia tāvini fa’ahou […]
Tē fafau ato’a nei au ē, mai te mea e haere ’outou e tāvini, e ’ite ’outou i te here o te Fatu i roto i tō ’outou orara’a, e ’ite ’outou iāna, e ’ite ’oia ia ’outou ’e « ’auē ho’i tō ’outou ’oa’oa rahi » [Te Ha’api’ira’a Tumu ’e te mau Fafaura’a 18:15]. Nā tā ’outou tāvinira’a pūpū ia Iesu Mesia e fa’auru ’e e ha’amaita’i i tō ’outou ’utuāfare, tā ’outou mau mo’otua, ’e te mau hina. « E rahi roa te hau, ’e te here » [Iuda 1:2] i roto i tō rātou orara’a e rave rahi matahiti i muri mai.