Te tamaiti hueāvai ’e te purūmu arata’i i te ’utuāfare
Hu’a parau
The Return of the Prodigal Son [Te ho’ira’a te tamaiti pūhara], nā Richard Burde
’O vai ho’i i rotopū ia tātou ’aita i fa’aru’e a’enei i te ’ē’a nō te mo’ara’a, ma te mana’o ma’ama’a ē, e ’itea mai te ’oa’oa rahi atu ā nā te haerera’a i tō tātou iho arati’a ?
’O vai i rotopū ia tātou ’aita i mana’o ha’eha’a a’enei, i māuiui te ’ā’au, ’e te hia’ai i te fa’a’orera’a hara ’e te aroha ?
Pēnei a’e ’ua uiui ato’a te tahi o tātou, « e nehenehe ānei e ho’i ? E fa’ao’ō’ohia rā ānei au, e hurihia i rāpae, ’e e ’apehia nā tō’u mau hoa tahito ? E ’ere ānei i te mea au a’e ’ia vai mo’e noa ? E aha te mana’o o te Atua ’ia tāmata vau e ho’i ? »
Tē hōro’a mai nei [te] parabole [o te tamaiti pūhura] ia tātou i te pāhonora’a.
E horo mai tō tātou Metua i te ao ra ia tātou, ma te aroha mau […]
E ’oa’oa tō te Ra’i i tō tātou ho’ira’a mai […]
Noa atu ē ’ua arata’i-’ē-hia ’outou i te ātea ’ē i te Fa’aora ’e i tāna ’Ēkālesia, tē ti’a nei te Fatu Fa’aora i ni’a i te purūmu e fa’aho’i i te fare, nō te fāri’i poupou mai ia ’outou. ’Ei melo nō te ’Ēkālesia a Iesu Mesia i te Feiā Mo’a i te mau Mahana Hope’a nei, tē hina’aro nei tātou e pe’e i tōna huru ’e tāhopu ia ’outou ’ei tu’ane ’e tuahine, ’ei hoa. E ’oa’oa ’e e ’oroa tātou […]
’Aita vau e parau nei ē e mea ’ōhie te ho’i-fa’ahou-ra’a mai. Tē fa’a’ite pāpū nei rā vau nō te reira. Parau mau, e nehenehe te reira e riro mai ’ei mā’itira’a teimaha roa a’e nō ’outou.
Tē fa’a’ite pāpū nei rā vau ē, ’ia fa’aoti ana’e ’outou e ho’i ’e e ta’ahi i te ’ē’a o tō ’outou Fa’aora ’e Tara’ehara, e tomo mai tōna pūai i roto i tō ’outou orara’a ’e e tauihia ’outou.