Gafatia le Aso ia Keriso
O Nai Vaega
Ua ou aoaoina mai le aafiaga patino e faapea o le sauniuniga faaleagaga mo le afio mai o le Alii e le gata ina tatau ai ae na pau lea o le auala e maua ai le filemu ma le fiafia moni.
Sa o se aso malū ma le la susulu o le tautoulu ina ua ou faatoa faalogo i upu “Ua maua oe i le kanesa.” …
Talu ai ona o Iesu Keriso ma Lana talalelei toefuata’i, pe a faapea ou te oti, o le a faamafanafanaina, faamalolosia, ma toefuata’i i se aso lo’u aiga. Pe a faapea ou te ola, semanu e mafai ona ou maua le mana silisili i lenei lalolagi e fesoasoani ai, lagolago, ma faamaloloina a’u. I le i’uga, ona o Iesu Keriso, e mafai ai ona LELEI mea uma. …
O Iesu Keriso e mafai ai foi ona tatou “gafatia le aso.” O le gafatia o le aso e le faapea o le faaopoopo i se lisi-o-mea-e fai ua matua faatupula’ia. Mafaufau i se tioata faamatatetele. O lona faamoemoega tupito e le na ona faafoliga matatetele ai mea. E mafai foi ona faaputuputu ma taulai le sulu ia atili malosi ai. E manaomia ona faafaigofie, taulai a tatou taumafaiga, ma avea ma ē aoina le Malamalama o Iesu Keriso. Tatou te manaomia ni aafiaga e sili atu ona paia ma maufaaaliga. …
O le ola faavavau o le olioli e faavavau. O le olioli i lenei olaga, i le taimi nei—e le ona o luitau o o tatou taimi ae ona o le fesoasoani a le Alii e a’oa’o mai ai ma i’u ai ina faatoilalo i latou—ma le olioli e le mafuatiaina i le olaga a sau. O le a soloiesea loimata, o le a fonoa loto nutimomoia, o le a maua mea na leiloloa, o le a fo’ia atugaluga, o le a toefuata’i aiga, o mea uma foi a le Tama o le a avea mo tatou.