Savavali i le Sootaga i le Feagaiga ma Keriso
O Nai Vaega
O le a tali mai le Alii ia i tatou taitoatasi i o tatou taimi o puapuaga pe a tatou filifili e tāmau o tatou olaga faatasi ma Ia. Ua uma ona Ia folafola mai e savali faatasi ma i tatou i le ala.
Tatou te ta’ua lenei mea o le savalia o le ala o feagaiga—o se ala e amata i le feagaiga o le papatisoga ma e tau atu ai i feagaiga e loloto atu tatou te osia i le malumalu. … O se feagaiga e le na o se konekarate e faatatau i ai, e ui ina e taua lena mea. E faatatau i se sootaga. …
O Lana, o se misiona e oo lava i tulaga aupito maualalalo. O le a faafetaui i tatou e Iesu Keriso i le mea o loo tatou i ai i o tatou tagata o i ai. O le mafuaaga lea o le faatoaga, le satauro, ma le tuugamau. Na auina mai le Faaola e fesoasoani ia i tatou e faatoilalo. Ae o le nopia’i ai i le mea o tatou i ai, o le a le aumaia ai le lavea’iga o loo tatou sailia. … O Lana foi, o se misiona ina ia siitia maualuga atu. O le a galue o Ia i totonu o i tatou e si’i a’e i tatou i luga i le mea o i ai o Ia ma, i le faagasologa, ia mafai ai ona tatou avea e faapei o Ia. Na afio mai Iesu Keriso e siitia i tatou. E finagalo o Ia e fesoasoani ia avea i tatou ma ni ō. O le mafuaaga lea o le malumalu. E tatau ona tatou manatua: ua lē na o le gasologa o le a faaeaina ai i tatou; o le mafutaga—a lo tatou Faaola. Ma o le mafuaaga lenei o le sootaga i le feagaiga. …
… Amata i le mea lena e te i ai. Aua nei faatagaina le tulaga o e i ai e faalavelaveina oe. Manatua, o le saoasaoa po o le tulaga i luga o le ala, e le tutusa le taua ma le agaigai i luma. …
O le mea e faafetai ai, tatou te savavali faatasi i lenei ala, ma valaau atu le faamalosiauga i le ala. A o tatou faasoa atu o tatou aafiaga patino ma Keriso, o le a tatou faamalolosia le tuuto patino.