Ia Avea ma Soo Fifilemu o Keriso
O Nai Vaega
Mo i tatou i le Ekalesia o loo tauivi ia avea ma soo fifilemu o Keriso, o loo i ai se aso sili atu o loo faatali mo i tatou a o tatou taulai atu i lo tatou Alii ma le Faaola, o Iesu Keriso. O tofotofoga o se vaega o le olaga faitino ma e tupu i olaga o tagata uma i le lalolagi atoa. …
E fesiligia soo taitai o le Ekalesia, “Aisea e faataga ai e se Atua amiotonu mea leaga e tutupu, aemaise lava i tagata lelei?” …
Tatou te le iloa tali uma; ae ua tatou iloa ni mataupu faavae taua ua mafai ai e i tatou ona fetaiai ma tofotofoga, puapuaga ma faigata faatasi ma le faatuatua ma le mautinoa i se lumanai sili atu o loo faatalitali mai mo i tatou taitoatasi. …
Ua tatou iloa e toetoe o i tatou uma lava ua feagai ma afā faaletino ma faaleagaga i o tatou olaga, o nisi na faataumaoia. Ua tuuina mai ia i tatou e se Tama i le Lagi alofa ma Lona Alo, o Iesu Keriso, o le ao o Lana Ekalesia toefuataiina, ia tusitusiga paia ma perofeta e saunia i tatou, lapata’ia i tatou e uiga i mea mata’utia, ma tuuina mai ia i tatou le taitaiga e tapena ai ma puipuia ai i tatou. O nisi faatonuga e moomia ai ona faatino loa lava, a o nisi e saunia ai le puipuiga mo le tele o tausaga i le lumanai. …
… O olaga e tutumu i le faamanu, musika, ma le faafetai e tulagaese lava le faamanuiaina. O le tumu i le olioli ma faalagolago i le fesoasoani mai le lagi e ala i le tatalo o se ala mamana lea e avea ai ma soo fifilemu o Keriso. O le taumafai malosi e le aunoa ia fiafia, e fesoasoani lea e aloese ai mai le atuatuvale i le agaga. …
I le avea ai ma se Aposetolo a le Alii o Iesu Keriso, ou te molimau atu o le a maua e “soo fifilemu o Keriso” le filemu patino i lenei olaga ma se toefaatasiga mamalu faalelagi.