O Le Mana Faamau
O Nai Vaega
E tau lilifa o tatou manatu i le pule o faamauga e faapea, e na o ni sauniga patino o le malumalu e faaaoga i ai, ae o lena pule e tatau ai e faia ai soo se sauniga ia aoga ma fusifusia ai i talaatu o le otil. …
O le aoga lea e tuuina atu e le mana o faamauga i sauniga o le perisitua e aofia ai, ioe, sauniga sui e faatinoina i le nofoaga ua atofaina mai e le Alii—Lona malumalu. … O lenei mana faamau o se faailoaga atoatoa lea o le faamasinotonu, alofa mutimutivale, alofa o le Atua.
O le maua ai o le mana o faamauga, e faaliliuina moni ai o tatou loto ia i latou o e ua maliliu. O le faapotopotoina i aso e gata ai i le feagaiga e sopo atu i le veli. …
O le faailoaga aupito maualuga ma paia o le mana o faamauga o loo i ai lea i le tuufaatasiga e faavavau o se alii ma se tamaitai i le faaipoipoga, ma le sootaga o tagata i o latou augatupulaga uma. …
Ua mafai ona tatou iloa ai le pogai “o le faaipoipoga i le va o le alii ma le tamaitai, ua faauuina e le Atua ma o le aiga o le totonugalemu lea o le fuafuaga a Le Foafoa mo le taunuuga e faavavau o Lana fanau” [“O Le Aiga: O se Folafolaga i le Lalolagi,” Potutusi o le Talalelei]. I le taimi lava foi lea, tatou te iloa ai i le taimi nei lē atoatoa, e le o le mea tonu lea pe o se mea foi o mafai mo nisi. Ae ua i ai lo tatou faamoemoe ia Keriso. …
Ou te molimau atu o le mana o faamauga ma le pule na toefuatai mai i le lalolagi e ala ia Iosefa Samita e moni, o mea foi e fusifusia i le lalolagi e fusifusia moni foi i le lagi.