O Iesu Keriso O Le Oa
O Nai Vaega
Above All, saunia e Kelsy ma Jesse Lightweave
Sa faatatau e Iakopo le perofeta o le Tusi a Mamona i le manatu māmā po o le lē faatauaina o le mea o lata ane, o le “vaai i tala atu o le faailoga.” [Iakopo 4:14]. …
… E manaomia ona tatou puipuia faasaga i lea lilifaga ne’i o tatou misia Iesu Keriso i o tatou olaga ma lē mafai ai ona tatou iloa le tele o faamanuiaga ua Ia ofoina mai ia i tatou. Tatou te manaomia o Ia. … Afai tatou te manatunatu sese faapea e manaomia se mea o i tala atu o le mea ua Ia ofoina mai, ua tatou faafitia pe faaitiitia le avanoa ma le mana e mafai ona Ia aumaia i o tatou olaga. … O Iesu Keriso o la tatou ‘oa.
Ua tuuina mai e le Faaola le tele o auala e taulai atu ai ia te Ia ma le loto atoa, e aofia ai le avanoa i aso taitasi e salamo ai. O nisi taimi tatou te le faatauaina ai le maoa’e o lenei faamanuiaga ua ofoina mai. …
… O faamanuiaga faapelepele o le faamanatuga o loo avanoa mo i tatou i taimi uma tatou te auai ai i le sauniga faamanatuga. … E faamanuia i tatou e le Agaga Paia i Lona mana faapaia, ina ia mafai ai ona tatou faatumauina pea se faamagaloga o a tatou agasala i lea vaiaso ma lea vaiaso. …
A faatasi le Agaga Paia ma i tatou, o le a musuia ma taialaina i tatou e osia ma tausia isi feagaiga, e pei o feagaiga tatou te osia i malumalu. O le faia o lena mea, e faalolotoina ai la tatou sootaga ma le Atua. … O la tatou tautinoga e auai atu e tatau ona pei o le malosi pe a latalata mai le malumalu, faapei foi ona i ai pe a mamao.
… Pe a tatou faatuatuaina le perofeta a le Atua o i le lalolagi i le asō, ma faatino ana fautuaga, o le a tatou maua le fiafia, ma mafai ai foi ona faamaloloina i tatou. E le toe manaomia ona tatou toe sailia se isi mea.