Josué T.

17, Abidjan, Ivory Coast

Imahe

batan-ong lalaki

Litrato pinaagi ni Christina Smith

Kon mogawas ko kauban sa mga misyonaryo, sulayan nako ang pagtabang sa mga tawo sa mga butang nga gikalisdan kaayo nila. Sa akong gipuy-an, ang mga tawo dili kaayo ganahan nga makig-istorya sa mga misyonaryo. Ang ubang mga tawo dili gayod ganahan nga magpatudlo ninyo. Ang akong mga higala usahay mobugalbugal nako kay mosulti ko nila mahitungod sa Simbahan ni Jesukristo. Apan wala kana makawala sa akong kadasig. Kanunay ra kong mopadayon. Nakatabang kini nga molambo ko. Para nako, ang pag-apil sa buhat sa Ginoo usa ka talagsaong oportunidad aron mobati nga duol Kaniya.

Dihang gibunyagan ko, gisuportahan gayod ako sa mga elder. Sa akong bunyag, nalipay kaayo ko. Mibati ko nga mibiya sa karaan nakong kinabuhi ug nagsugod og bag-ong kinabuhi. Ang akong bunyag nakatabang nako nga masakop sa Simbahan ni Jesukristo ug maandam sa pagdawat sa ubang mga ordinansa.

Gibuhat nako ang tanan sa pagbasa sa mga kasulatan kay kini sa tinuod nagpaduol kanako sa Dios. Ang mga kasulatan nagtabang nga mobati ko nga mas kalma, ug kon kalmado ko, mas madungog nako ang Espiritu.