“Mga Mamumuo diha sa Ubasan,” Alang sa Kalig-on sa mga Kabatan-onan, Dis. 2023.
Ang mga Sambingay sa Manluluwas
Mga Mamumuo diha sa Ubasan
Mga paghulagway pinaagi ni Albert Pinilla
Sayo sa buntag, ang usa ka tawo nanuhol og mga mamumuo aron motabang niya diha sa iyang ubasan. Siya miingon nga bayaran niya ang matag usa nila og usa ka denario.
Upat ka laing higayon nianang adlawa, ang tawo nanuhol og daghan pang trabahante ug misaad nga bayaran sila unsay eksakto.
Sa pagtapos sa adlaw, gihatagan niya ang matag trabahante og parehas nga kantidad sa kwarta, bisan kon ang uban mas dugay nga nagtrabaho kay sa uban.
Ang mga mamumuo nga nagtrabaho sa tibuok adlaw mireklamo nga ang tawo dili patas.
Apan siya mipahinumdom nila nga matag usa nila nakadawat sa unsay ilang gikauyonan sa pagsugod nianang adlawa ug ang kamanggiloy-on sa Ginoo nakatabang sa tanang trabahante.
Unsa ang Atong Makat-onan?
Ingon nga ang tawo manggiloy-on ngadto sa iyang tanang trabahante, ang Dios manggiloy-on ngari kanato. Siya gusto nga kitang tanan moadto kuyog Kaniya sa Iyang gingharian. Dili pa gayod ulahi nga mosulod o mobalik sa dalan sa pakigsaad ug maningkamot nga mahimong sama sa Manluluwas. Dayon, Siya makapanalangin nato. Dili kita kinahanglang masina kon ang Dios mopili sa pagpanalangin usab sa uban. Kon dili, kita magmalipayon alang nila ug magmalipayon sa mga butang nga gihatag sa Dios kanato. Ug ang panahon nga atong gigahin sa pagtrabaho diha sa ubasan sa Dios usa ka panalangin usab!