“Pag-ihap sa mga Adlaw sa Dili Pa Moabot ang Pasko sa Pagkatawo ni Kristo,” Alang sa Kalig-on sa mga Kabatan-onan, Dis. 2023.
Pag-ihap sa mga Adlaw sa Dili Pa Moabot ang Pasko sa Pagkatawo ni Kristo
Guntinga ang inyong kaugalingong belen!
Sulod sa kataposang 10 ka adlaw paingon sa Pasko, paggunting og usa matag adlaw. Pagkat-on bahin sa unang Pasko pinaagi sa pagbasa sa impormasyon ug sa mga kasulatan diha sa luyo. Sa Adlaw sa Pasko, kompleto na kini.
Mahimo usab kamong maghunahuna mahitungod sa pagpakigbahin sa belen ngadto sa usa ka higala, mohatag nila sa tinagsa-tagsa ka piraso o ihurot ang tanan.
Disyembre 16: Maria
Lucas 1:26–38; Alma 7:10: Ang anghel nga si Gabriel misulti kang Maria, kinsa birhen pa, nga mahimo siyang inahan sa Manluluwas. Misalig siya sa Ginoo ug midawat sa Iyang kabubut-on.
Disyembre 17: Jose
Mateo 1:18–25; 2:13–15: Si Jose usa ka “buotan nga tawo” kinsa nanalipod ug nag-atiman ni Maria ug ni Jesus.
Disyembre 18: Pasungan
Lucas 2:1–7: Ang pasungan usa ka kahon nga butanganan sa pagkaon sa mga hayop. Sa gabii sa pagkatawo ni Jesus, si Maria “mipahiluna [sa Manluluwas] sa usa ka pasungan kay wala na may luna sa balay nga abotanan.”
Disyembre 19: Mga Hayop
Tungod kay ang Manluluwas gipahigda sa pasungan, tingali adunay mga hayop sama sa mga asno, mga iro, mga karnero, mga kamilyo, ug mga baka sa duol.
Disyembre 20: Anghel
Lucas 2:8–14: Usa ka anghel ang mipahayag sa balita sa pagkatawo sa Manluluwas ngadto sa mga magbalantay sa karnero nga nagbantay sa ilang mga panon.
Disyembre 21: Mga Magbalantay sa Karnero
Lucas 2:15–20: Human makadawat sa balita bahin sa pagkatawo sa Manluluwas, ang mga magbalantay sa karnero “midali pag-adto” aron motan-aw sa Manluluwas ug unya mipakigbahin sa maayong balita ngadto sa uban.
Disyembre 22: Bituon
3 Nephi 1:13–21: Sa gabii nga natawo si Kristo, usa ka bag-ong bituon ang mipakita sa kalangitan.
Disyembre 23: Maalamon nga Tawo
Mateo 2:1–8: Bisan kon kasagaran naghunahuna kita og “tulo” ka maalamon nga mga tawo, wala gayod kita mahibalo kon pila kabuok. Gisunod nila ang bag-ong bituon paingon sa Judea ug nangutana ni Herodes kon asa ang Manluluwas.
Disyembre 24: Maalamon nga Tawo
Mateo 2:9–11: Ang Maalamon nga mga Tawo mipadayon sa pagsunod sa bituon hangtod nga nakita nila ang Manluluwas, apan wala sila maabot sa gabii nga Siya natawo. Si Jesus usa ka “bata” sa ilang pag-abot dala ang mga gasa nga bulawan, insenso, ug mira.
Disyembre 25: Batang Jesus
Isaias 9:6: Ang tinuod nga rason nga kita nagsaulog sa Pasko mao ang Manluluwas, si Jesukristo. Nagsaulog kita sa Iyang pagkatawo, bisan kon naghinumdom usab kita nga Siya nag-antos ug namatay aron ang matag usa nato mabuhi pag-usab.