“Unsa ang ‘Sama sa kang Abraham nga mga relihiyon’?” Alang sa Kalig-on sa mga Kabatan-onan, Dis. 2023.
Direkta sa Punto
Unsa ang “Sama sa kang Abraham nga mga relihiyon”?
Abraham, pinaagi ni Robert T. Barrett
Sa kasagaran, makadungog ka og tawo nga maghisgot og “Sama sa kang Abraham nga mga relihiyon.” Sama pananglit, si Presidente Dallin H. Oaks kausa miingon, “Ang pagpanghatag ngadto sa nanginahanglan usa ka baroganan sa tanang sama sa kang Abraham nga relihiyon ug sa uban usab” (Okt. 2022 nga kinatibuk-ang komperensiya [Liahona, Nob. 2022, 6]).
Nan, unsa man ang “sama sa kang Abraham nga mga relihiyon”? Ang mubo nga tubag mao ang: Judaismo, Kristiyanismo, ug Islam. Ang rason nga gitawag kini og ingon niini mao nga tungod kay nagtuo sila nga si Abraham usa ka propeta ug nga ang ilang relihiyon miabot ngadto kanila pinaagi kaniya.
Ang mga Judeo ug mga Kristiyano mikuha sa ilang mga gituohan mahitungod kang Abraham gikan sa Daang Tugon. Ang mga gituohan sa mga Muslim mahitungod kang Abraham naggikan sa ilang kasulatan, ang Koran.
“Ang mga Muslim ug ang mga Santos sa Ulahing mga Adlaw nagtan-aw kang Abraham … isip usa ka ehemplo sa pagkamatinud-anon, pagkamatinuoron, ug pagkamasulundon ngadto sa Dios. Nakakita sila og usa ka panaghigalaay tali sa Islam, Kristiyanismo, ug Judaismo tungod sa komon nga espirituhanon nga kabilin nga nagsumpay ngadto ni Abraham. Tungod niini nga rason, kining tulo ka relihiyon kasagaran gitawag og ‘Mga tinuhoan ni Abraham’” (Muslims and Latter-day Saints: Beliefs, Values, and Lifestyles, Gospel Library).