“Ang mga Patay Mobarog atubangan sa Dios,” Alang sa Kalig-on sa mga Kabatan-onan, Dis. 2023.
Pagtulon-an human sa usa ka Pagtulon-an
Ang mga Patay Mobarog atubangan sa Dios
Sa iyang pagpadayag, nakita ni Juan ang Kataposang Paghukom.
He Comes Again to Rule and Reign [Moanhi Siya Pag-usab aron Magmando ug Maghari], Ni Mary Sauer
ang mga patay, inila ug dili inila, nagbarog atubangan sa Dios
Ang gahom sa Pagkabanhaw ni Jesukristo nagdala sa tanang katawhan ngadto sa atubangan sa Dios aron pagahukman (tan-awa sa Alma 11:42–44; 33:22; 40:21; Helaman 14:15–17; Mormon 9:13–14).
mga basahon gibuksan
Kini nga mga basahon nagrepresentar sa mga rekord nga gitipigan dinhi sa yuta sa kon unsay gihimo sa katawhan dinhi sa yuta aron masubay ang dalan sa pakigsaad (tan-awa sa Doktrina ug mga Pakigsaad 128:7).
ang basahon sa kinabuhi
“Sa usa ka pagsabot ang Basahon sa Kinabuhi mao ang suma total sa mga hunahuna ug binuhatan sa usa ka tawo—ang talaan sa iyang kinabuhi. Hinuon, ang mga kasulatan nagpasabot usab nga usa ka langitnon nga talaan gitipigan sa matinud-anon, lakip sa ilang mga ngalan ug mga kasaysayan sa ilang matarong nga mga binuhatan” (Giya ngadto sa mga Kasulatan, “Basahon sa Kinabuhi,” scriptures.ChurchofJesusChrist.org).
pagahukman
Ang Kataposang Paghukom moabot human ang mga tawo mabanhaw. Si Jesukristo mao ang Maghuhukom sa matag tawo. Kini nga paghukom motino sa mahangturon nga himaya nga madawat sa matag tawo. (Tan-awa sa Giya ngadto sa mga Kasulatan, “Paghukom, ang Kataposan nga,” scriptures.ChurchofJesusChrist.org; Alma 41:3–5; Doktrina ug mga Pakigsaad 88:26–32.)
sumala sa ilang mga buhat
Ang matag tawo hukman sumala sa ilang mga buhat ug sumala sa kon unsay ilang gitinguha (tan-awa sa Doktrina ug mga Pakigsaad 137:9). Hukman sila paagi kon sila nagmasulondon ba sa mga sugo sa Dios ug nagbuhat subay sa unsa nga kahayag ug kamatuoran nga ilang nadawat niining kinabuhia.