“Asa Padulong ang Ikapulo ug mga Halad sa Puasa?,” Alang sa Kalig-on sa Kabatan-onan, Dis. 2023.
Asa Padulong ang Ikapulo ug mga Halad sa Puasa?
Tan-awa unsay mahitabo sa inyong mga donasyon.
Nakahunahuna ba kamo unsa kahay mahitabo sa ikapulo ug sa mga halad sa puasa nga inyong gihatag sa Simbahan? Aniay daklit nga paglantaw sa unsay mahitabo ug sa kaayohan nga mahimo niini ngadto sa katawhan sa inyong palibot ug sa tibuok kalibotan.
Unsaon sa Paghatag
Mahimo kamong mosumiter sa inyong donasyon pinaagi sa online diha sa donations.ChurchofJesusChrist.org o ihatag kini ngadto sa sakop sa inyong bishopric o kapangulohan sa branch.
Mga paghulagway pinaagi ni Katy Dockrill
Ikapulo
Modonar kamo og 10 porsyento sa inyong kinitaan alang sa ikapulo (tan-awa sa Doktrina ug mga Pakigsaad 119:3).
Pinaagi sa inspirasyon, ang Unang Kapangulohan, Korum sa Napulog Duha ka Apostoles, ug ang Presiding Bishopric mohimo og mga desisyon kon unsay gamitan sa mga pundo sa ikapulo, sigon sa gisugo sa Ginoo (tan-awa sa Doktrina ug mga Pakigsaad 120).
Tali sa daghan pang mga butang, ang ikapulo ibayad alang sa …
-
Welfare ug makitawhanong mga paningkamot.
-
Misyonaryo nga buhat.
-
Mga programa sa edukasyon sa Simbahan.
-
Pagsiksik sa Family history.
-
Pagtukod ug pagmintinar sa mga templo, mga simbahan, ug uban pang mga gambalay [building].
-
Mga kasulatan ug ubang mga materyal.
Mga Halad sa Puasa
Ang pagbayad og mga halad sa puasa usa ka oportunidad sa pagtabang sa atong mga kaigsoonan sa espirituwal o temporal nga panginahanglan. Ania kon sa unsang paagi ang pagpalihok niini:
Alang sa mga halad sa puasa, idonar ninyo ang kwarta nga inyo untang magasto para sa pagkaon sulod sa duha ka kan-anan nga wala ninyo kan-a samtang nagpuasa.
Ang inyong donasyon ideposito sa banko diin ang mga pundo magamit sumala sa mga panginahanglan sa mga miyembro sa inyong ward o sa inyong branch.
Ang bishop, presidente sa Relief Society, ug ubang mga lider sa ward mainampoong magtinambagay sa pagtino sa panginahanglan sa mga miyembro, ug ang mga halad sa puasa magamit aron itabang sa pagbayad sa mga grocery, sa abangan, mga medikal nga galastohan, o ubang tabang.