Ի՞նչ է աշակերտությունը և ինչպե՞ս լինել արդյունավետ աշակերտ

Դեյվիդ Ա. Էդվարդս

Եկեղեցու ամսագրեր

Որպեսզի իմանաք, թե ով եք դուք իրականում և ով կարող եք դառնալ, ընդունեք, թե ի՞նչ է Հիսուս Քրիստոսի աշակերտությունը և ինչպե՞ս լինել արդյունավետ աշակերտ:

alt text

Ներբեռնել PDF

«Ո՞վ եմ ես»:

Սա հարց է, որի պատասխանը փնտրում են շատ երիտասարդներ։ Երբ դուք աճում եք, սովորում և զարգանում ձեր ուրույն ձևով, բնականաբար մտածում եք, թե ինչն է ձեզ բնորոշում, ինչն է ձեզ ինքնություն տալիս: Նախագահ Ռասսել Մ. Նելսոնը որոշակի արժեքավոր ուղղորդում է տվել այս հարցի վերաբերյալ:

«Ո՞վ եք դուք: Նախ և առաջ՝ դուք Աստծո զավակն եք, ուխտի զավակ և Հիսուս Քրիստոսի աշակերտը: Երբ դուք ընդունեք այս ճշմարտությունները, մեր Երկնային Հայրը կօգնի ձեզ հասնել ձեր վերջնական նպատակին` հավերժ ապրել Իր սուրբ ներկայության մեջ» («Ընտրություններ հավերժության համար» [չափահաս երիտասարդների համաշխարհային հոգևոր հավաք, մայիսի 15, 2022], broadcasts.ChurchofjesusChrist.org):

Նախագահ Նելսոնն ուսուցանել է, որ ոչ մի պիտակ չպետք է ավելի կարևոր լինի ձեզ համար, քան այս երեք տարբերակող տիտղոսները՝ «Աստծո զավակ», «ուխտի զավակ» և «Հիսուս Քրիստոսի աշակերտ»:

Աշակերտի ինքնությունը

Եկեք մի փոքր խոսենք այս երրորդ տիտղոսի՝ Հիսուս Քրիստոսի աշակերտի մասին: Ինչպե՞ս եք դուք իրականում ընդունում այս ինքնությունը և դառնում աշակերտ:

Որպեսզի հետևեք Փրկչին և լինեք Նրա աշակերտը, դուք պետք է կենտրոնանաք նրա վրա, թե ինչ եք դուք անում, և ինչպես եք դուք անում:

Օրինակ՝ Փրկիչը կամենում է, որ մենք տանք ուրիշներին և ծառայենք նրանց, բայց Նա հրավիրում է մեզ անել դա պատրաստակամորեն և ուրախությամբ, այլ ոչ թե դժկամությամբ: Երբ մենք կամենում ենք տալ և ծառայել, մենք ստանում ենք ճշմարիտ աշակերտ լինելու մեծագույն պարգևները: (Տես Բ Կորնթացիս 9.7, Մորոնի 7.8:)

Ուստի, եկեք տեսնենք, թե ի՞նչ են անում աշակերտները և ինչպե՞ս են նրանք անում այդ:

Ի՞նչ է անում աշակերտը

Ահա այն մի քանի քայլերը, որ Քրիստոսի աշակերտը կարող է կատարել՝ Փրկչին հետևելու համար:

• Գործադրեք հավատք այնպես, ինչպես աշակերտներն են հավատք գործադրում:

• Ծառայեք այնպես, ինչպես աշակերտներն են ծառայում:

• Աղոթեք այնպես, ինչպես աշակերտներն են աղոթում:

• Ուսումնասիրեք այնպես, ինչպես աշակերտներն են ուսումնասիրում:

• Ապաշխարեք այնպես, ինչպես աշակերտներն են ապաշխարում:

• Մտածեք այնպես, ինչպես աշակերտներն են մտածում:

• Սիրեք Աստծուն այնպես, ինչպես աշակերտներն են սիրում Աստծուն:

• Սիրեք ուրիշներին այնպես, ինչպես աշակերտներն են սիրում:

• Ուսուցանեք այնպես, ինչպես աշակերտներն են ուսուցանում:

• Դիմացեք այնպես, ինչպես աշակերտներն են դիմանում:

Ինչպե՞ս է աշակերտն անում այդ

Ահա մի քանի նկարագրություններ, թե աշակերտն ինչպես կարող է անել այդ: Այս նկարագություններից շատերը կարող են վերաբերել դրանցից մի քանիսին: Դրանցից մի քանիսը կարող են վերաբերել բոլորին:

• Սրտով և մտքով կենտրոնացած Հիսուս Քրիստոսի վրա

• Պատրաստակամորեն

• Խոնարհաբար

• Սիրով

• Ջանասիրաբար

• Կանոնավորապես

• Ամբողջ սրտով

• Հաստատակամորեն

• Անկեղծորեն

• Առանց նախապաշարմունքների կամ մոլեռանդության

• Համբերությամբ

• Համարձակությամբ

• Քաջաբար

• Կենտրոնանալով ուրիշների կարիքների վրա

• Կենտրոնացած սուրբ գրություններում

• Անսասանորեն

• Առաքինությամբ

• Հույսով լի

• Երկնային Հորը և Հիսուս Քրիստոսին նմանվելու ցանկությամբ

• Առանց շեղումների

Դուք կարող եք օգուտ քաղել նրանից, թե ինչ եք անում՝ Փրկչին հետևելու համար, և ինչպես եք անում այդ: Եթե զգում եք, որ պետք է որոշակի փոփոխություններ կատարեք երկու խմբերում, ապա հիանալի է: Հավանաբար Հոգին հուշում է ձեզ` նույնիսկ ավելի լավ աշակերտ դառնալ:

Ընդունելու և գնահատելու ինքնություն

Ինչպես նախագահ Նելսոնն է ասել, Հիսուս Քրիստոսի աշակերտ լինելը ձեր ինքնության կաևոր մասն է կազմում: Երբ դուք ընդունում և գնահատում եք այս ինքնությունը, ձեր Երկնային Հայրը կօգնի ձեզ դառնալ այն մարդը, որն, ըստ Նրա, դուք կարող եք դառնալ, այն մարդը, որը դուք հոգու խորքում ուզում եք դառնալ:

Աշակերտ

Մեկը, ով սովորում է ուսուցչից կամ վարպետից (աշակերտի կամ սկսնակի նման): Հիսուս Քրիստոսի աշակերտները սովորում են Նրանից, հետևում են Նրա ուսմունքերին և փորձում են լինել Նրա նման: