«Սովորելու բազմաթիվ ուղիներ», Երիտասարդներին զորացնելու համար, հունվ. 2024 թ.։
Սովորելու բազմաթիվ ուղիներ
Ցանկանու՞մ եք աշխարհը մի քիչ ավելի լավը դարձնել: Դա սկսվում է սովորելուց, թե ինչպես անել այդ:
Նկարը` Դին Մակադամի
Ի՞նչ կապ ունի մազ կտրել սովորելը բեմի լույսերի տեղադրման հետ:
«Այս ամենը իմ ծրագրի մի մասն է», - ասում է Լիզան, մի չափահաս երիտասարդ, որն այժմ քոլեջի առաջին կուրսում է:
16 տարեկանում Լիզան սկսեց հաճախել կոսմետոլոգիայի դպրոց: Նա նույնիսկ մի ծրագիր գտավ, որը թույլ էր տալիս նրան ավելի կարճ օրեր հաճախել ավագ դպրոց, որպեսզի կարողանար ցերեկը պարապել կոսմետոլոգիայի դպրոցում: Այն փաստը, որ նա այժմ թատերական տեխնոլոգիաներ էր սովորում քոլեջում, չի նշանակում, որ կոսմետոլոգիա ուսումնասիրելու իր ջանքերը (որը ներառում է սրահում աշխատելը) հաջող չեն եղել: Իրականում ամեն ինչ զարգանում էր ճիշտ այնպես, ինչպես նա ակնկալում էր:
«Ես ուզում էի հմտություն ձեռք բերել, որպեսզի օգտագործեի այն` վճարելու քոլեջի համար»,- ասաց Լիզան: «Բացի այդ, դա ինձ թույլ է տալիս ծառայել այլ մարդկանց և գումար խնայել ընտանեկան սանրվածքների վրա իմ մնացած կյանքի ընթացքում»:
Ինչու ենք մենք սովորում
Երկնային Հայրը ցանկանում է, որ Իր դուստրերն ու որդիները միշտ սովորեն»:1 Ահա բազմաթիվ ուղիներից մի քանիսը, որ ողջ կյանքի ընթացքում սովորելը մեծ օրհնություն է.
-
Դուք կարող եք ավելի լավ օգնել և սովորեցնել ձեր ընկերներին, ընտանիքին և ուրիշներին:
-
Դուք կարող եք ավելի լավ ծառայել Եկեղեցում և համայնքում:
-
Դուք կունենաք ավելի շատ շուկայական հմտություններ ինքնապահովման համար:
-
Դուք կկարողանաք ձեր գիտելիքները ձեզ հետ տանել մահից հետո:
-
Երբ դուք ակտիվորեն վարժեցնում եք և աշխատեցնում ձեր ուղեղը, այն ավելի առողջ է մնում:
Ինչպես ենք մենք սովորում
Սուրբ գրություններից մենք գիտենք, որ պետք է «Ուսում փնտրենք, այսինքն ուսումնասիրելով և նաև հավատքով» (Վարդապետություն և Ուխտեր 88.118, տես նաև 130.18): Այսօր սովորելու ավելի շատ հնարավորություններ կան, քան երբևէ նախկինում, ինչպիսիք են.
-
Լիարժեք կրթությունը, ներառյալ քոլեջը, համալսարանը և առևտրային դպրոցները:
-
Գիտելիք փնտրելը «լավագույն գրքերից» (Վարդապետություն և Ուխտեր 88.118): Դուք կարող եք նաև ավելացնել «լավագույն թվայնացված աղբյուրներ»:
-
Սովորելով ուղղակիորեն ընկերներից և ընտանիքի անդամներից։
միջոցառման գաղափար Կազմակերպեք «հմտությունների փոխանակման» ուսուցողական վարժություն ձեր ճյուղում կամ ծխում: Բոլորը գալիս են պատրաստ` սովորեցնելու մի բան, որը գիտեն, թե ինչպես անել:
-
Աղոթք և սուրբ գրությունների ուսումնասիրություն:
-
Հավատարմությամբ ապրելով՝ արժանի լինել Սուրբ Հոգու մշտական ընկերակցությանը, ով «ամեն բան ձեզ կուսուցանի» (Հովհաննես 14.26):
-
Փորձեր, ստեղծագործական մտածողություն և ջանք: Ամենահրաշալին այն է գիտելիքների վերաբերյալ, որ ամեն օր ավելին ես սովորում: Դուք կարող ենք ավելացնել գիտելիքների համաշխարհային պահեստին:
Երբ ենք մենք սովորում
Ի վերջո, անկախ նրանից՝ Լիզայի նման դուք սովորում եք, թե ինչպես կտրել մազերը, թե սովորում եք՝ ինչպես զարգացնել հաջորդ սերնդի էներգետիկ տեխնոլոգիան, նախագահ Նելսոնը հիշեցնում է մեզ, որ միշտ կա մի լավագույն ժամանակ նման առաջադրանքների համար.
«Այո, մենք պետք է սովորենք անցյալից, և այո, մենք պետք է պատրաստվենք ապագայի համար։ Բայց միայն հիմա կարող ենք դա անել։ Այժմ է ժամանակը սովորելու։ … Այժմ է ժամանակը, երբ մենք կարող ենք օրհնել ուրիշներին»։2
Հիմա, ուրեմն: Ի՞նչ կկամենայիք սովորել այսօր։