«Ես խորհրդի կարիք ունեմ՝ երիտասարդների միջոցառումները ծրագրելու համար։ Ի՞նչ լավ գաղափարներ ունեք», Երիտասարդներին զորացնելու համար, հունվ. 2024թ.»:
Հարցեր և պատասխաններ
«Ես խորհրդի կարիք ունեմ՝ երիտասարդների միջոցառումները ծրագրելու համար։ Ի՞նչ լավ գաղափարներ ունեք» հարցին։
Հերթի դրեք և ծրագրեք միասին
«Մենք հերթով ամեն շաբաթ ծրագրում ենք միջոցառումներ: Նախ՝ դա հեռացնում է լարվածությունը մեկ անձից, բացի այդ՝ մենք ձեռք ենք բերում տարբեր գաղափարներ: Օգտակար են նաև այնպիսի միջոցառումները, որոնք բոլորդ եք ծրագրում։ Մենք սիրում ենք խաղեր խաղալ, միասին ծիծաղել և ծառայել»:
Ադելին Ս․, 17 տարեկան, Յուտա (ԱՄՆ)
Ինչպես ուրիշներին բերել Փրկչի մոտ
«Հարցրեք ձեր դասարանի կամ քվորումի անդամներին, թե ինչ են սիրում անել: Ընտրեք միջոցառումներ, որոնք ավելի կհամախմբեն երիտասարդներին միմյանց և Փրկչի հետ, և ուղղակի զվարճացեք միասին: Ծառայության միջոցառումները միշտ էլ եղել են իմ նախընտրածների շարքում: Ես միշտ նոր ընկերներ եմ ձեռք բերում»։
Քեթի Գ., 18 տարեկան, Վաշինգտոն (ԱՄՆ)
Փորձեք ներառել բոլորին
«Միջոցառումները, որոնց կարող են մասնակցել բոլորը, կարող են օգնել մյուսներին ավելի ընդունված զգալ: Շատ օգտակար կլինի, եթե ձեր խմբին հարցնեք, թե ինչ հոբբիներ կամ այլ բաներ են սիրում»:
Լիլի Դ., 13 տարեկան, Արիզոնա (ԱՄՆ)
Երեք հարցեր
«Իմ դասարանը հաճախ է ծրագրում միջոցառումներ, որոնք հիմնված են երեք հարցերի վրա` Ի՞նչը պետք է բարելավենք: Ո՞ւմ մենք պետք է աջակցենք: Արդյոք ժամանա՞կն է մի միջոցառման, որն ավելի քիչ ժամանակ ու եռանդ է խլում, քան մյուս միջոցառումները: Ունենալով այս ամենը ձեր մտքում, աղոթեք, խորհեք և խորհրդակցեք միմյանց հետ: Դուք կարող եք անել սա։
Իզաբելլա Ռ., 14 տարեկան, Օրեգոն (ԱՄՆ)
Հոգևոր շրջանակ
«Ձեզ անհրաժեշտ կլինեն Եկեղեցու մի քանի ամսագրեր, որպեսզի կարողանաք կտրել ձեզ համար ոգեշնչող հոգևոր պատկերներ կամ ուղերձներ: Ապա ձեր կտրած պատկերները տեղադրեք հատուկ շրջանակի մեջ: Դուք կարող եք այն դնել մի տեղ, որտեղ կարող եք նայել դրան»:
Ֆլորենս Մ., 14 տարեկան, Բրիտանական Կոլումբիա (Կանադա)