Kōm̧ōkajļo̧k Karōkin Jerbal in an Irooj!
Jen Elder S. Gifford Nielsen
Jen Jiljilimjuonn̄oul eo
Jej aikuj kōļapļo̧k im bōk karōk in ikkure in ad make kōn itok-limo n̄an jerbal iturinlo̧k mijenede ro rej jerbal aolep raan.
Jet iiō ko rem̧ootļo̧k iaar kōņaan kōnono n̄an kōrā eo ippān juon iaan bisop ro ilo stake eo am, kōn menin iaar taļboon e m̧weo m̧weier. Ļaddik eo nejier edik eaar uwaak e taļboon eo. Iaar ba, “Iakwe. Epād ke jinōm̧?”
Uwaak eo an: “Aet, en̄ e. Ij tōn ba en itok. Wōn in?”
Uwaak eo aō: “Ba ñane en̄in ej Būreejtōn Nielsen.”
Eaar ikun̄ jidik, innām, kōn juon ainikien laudin̄din̄, iaar ron̄, “Ah, M̧am̧a, BūreejtōnHinckley’s e ilo taļboon e!”
Ijjab maron̄ jeļā ta eo eaar ļōmņak e. Eaar bōlen etetal eo eaitoktata ej kab kōm̧m̧ane n̄an bōk taļboon eo. Pepe eo ekar jiktok ilo kōļmenļo̧kjeņ eo aō: “Iaikuj ke?” ijjab, bōtaab kōm kar ettōn̄. Kiiō bwe ij ļōmņak kake, liin eaar emaron̄ in kar kanooj illu n̄an kōnono n̄an eō.
Ta eo kwon kar kōm̧m̧an eļan̄n̄e rikanaan eo an Irooj en kar kūr eok? Ekwe, em̧ōj an! Būreejtōn Thomas S. Monson, āinwōt an kar bar juon alen kiiō jibbon̄, eaar kūr kajjojo iaad n̄an juon jerbal elukkuun aorōk. Eaar ba, “Kiiō etōrāān n̄an an membōr ro im mijenede ro kuktok ippān doon, n̄an jerbal ippān doon, n̄an jerbal ilo jikin kaļļib in an Irooj n̄an bōktok jetōb ko n̄an Ippān” (“Faith in the Work of Salvation” [kōnono eo kar kwaļo̧k ilo kadiwōjļo̧k āinjuon an ritōl aolepāl laļ in, June 23, 2013]; lds.org/broadcasts).
Em̧ōj ke ad kar ron̄jake?
Aolep peļaakin laļ in ilo, stake ko, district ko, im mijen ko rej en̄jake juon ijjjino eo ekāāl, enaaan eo an Rilo̧mo̧o̧r n̄an Joseph Smith ilo 1832 em̧ōj an kūrm̧ool: Lo, Inaaj kwaļo̧k jerbal eo aō ilo tōre eo an (lale D&C 88:73).
Ro jeiū im jatū, tōre eo ejkiiō! ijen̄jake, im ijeļā kom̧ij barāinwōt en̄jake.
Ikar kōņaan ukōt itok-limo eo aō im tōmak eo aō ilo Jisōs Kraist ñan em̧akūtkūt. N̄e ij ikkure football, ij ļōmņak kōn kilen im repeltan ikkure. Eaar ejjeļo̧k am pere ilo am jino juon ikkure bwe eļan̄n̄e tiim eo am eaar pojak kōn ikkure ko rekkar, enaaj em̧m̧an am kōm̧m̧ane. Botab, Iaar kōnono ippān coach eo ebun̄bun̄ an BYU LaVell Edwards kōn karōk in ikkure ko am, innām eaar ba, “Ijjab kea kain ikkure rōt eo kom̧ij kōm̧m̧ane, men eo de eo elañn̄e jowin. Āinwōt juon iaan quarterback ro, iaar ļōmņak ekapokpokļo̧k jān in, ak bōlen tōmak eo an eļam waan ej un eo juon jikin ikkure kar etōņake etan.
Kōnke jej aolep pād ilo tiim eo an Irooj, ewōr ke adwōj kajjojo make karōk in ikkure n̄an wiin ? Jej ke pojak n̄an ikkure? Eļan̄n̄e kōj, āinwōt membōr ro, jelukkuun iakwe baam̧le eo ad, ro m̧ōttad, im ro ipeļaakid, jen jab ke kar kōņaan kwaļo̧k naan in kam̧ool eo ad kōn jepļaaktok eo an ko̧jpeļ in ippāer?
Ilo jemenaar eo n̄an mijen būreejtōn ro rekāāl kar kōm̧m̧an ilo Juun, juon lo̧o̧k in 173 būreejtōn ro rekāāl kobaļo̧k kōrā ro ippāer raar bōk katak ko āliktata m̧okta jān aer jino jerbal. Aolep 15 membōr in Būreejtōnji eo Kein Kajuon im Doulul eo an Jon̄oulruo Rijilōk ro raar kōnono n̄an kumi in eaorōk.
Elder L. Tom Perry eaar bōktok jem̧ļo̧kin ekōnono ko im ba: “En̄in ej tōre eo ekabwilōn̄lōn̄ tata ilo bwebwenato an Kabun̄ in. En̄in juon men eo ekobalok ippān men ko reļļap me raar waļo̧k ilo bwebwenato m̧okta, āinwōt m̧adenļo̧k eo an Joseph Smith kein kajuon, āinwōt menin letok eo an Bok in Mormon, āinwōt Jepļaaktok in ko̧jpeļ eo, āinwōt aolep men ko me kalōki ioon pedped eo n̄an kōj n̄an wōnm̧aanļo̧k wōt im katakin ilo aelōn̄ in kiin̄ eo an Jemed ilo Lan̄” [kōnono eo kar kwaļo̧k ilo jemenaar n̄an mijen būreejtōn ro rekāāl, Juun 26, 2013], 1, Church History Library, Salt Lake City).
Kōj jeaikuj bōk kūņad im jañin kar āinwōt mokta im kobalok ilo itok-limo eo an ritōl ro ad im wūjļepļo̧k eo an mijenedeo ro ad rej jerbal aolep raan. Bwe jerbal in ejamin em̧akūt m̧anļo̧k ilo karōk eo an Irooj n̄e ejjab kōj! Āinwōt an Būreejtōn Henry B. Eyring kar ba, “Jekdo̧o̧n ewi jon̄an rūtto eo ad, ta kapeeļ ko ewōr ippād, ta kūr eo ad ilo Kabun̄ in, ak ia eo jej jokwe ie, jaar aolep kūr n̄an jerbal ippān doon n̄an jipan̄ E ilo lo̧mo̧o̧ren jetōb ko” m̧ae Enaaj bar itok” (“Jej Juon Wōt,” Ensign ak Liahona, May 2013, 62).
In kwaļo̧k n̄an kom̧ juon karōk in ikkure Iaar eñjake n̄an karōk ikkure eo aō make ālkin aō kejekļo̧kjeņ kōn iminene in, im kar jar, riit jepta 13 in Preach My Gospel,im kejōkļo̧kjeņ kōn en̄jake ko m̧oktaļo̧k? Ij karuwaineneik kom̧ n̄an ļōmņak kōn aorōk kein jilu ilo ami ļōmņake karōk eo ami make.
M̧oktata, jar emakijkij n̄an bōktok juon n̄an an epaakeļo̧k Rilo̧mo̧o̧r eo im ko̧jpeļ eo An aolep raan. Komij jab maron̄ kōm̧m̧ane menin kōn lo aolep armej āinwōt ļaddik im leddik ro nejin Anij jipan̄ doon ilo iaļ eo aer n̄an kapijuknen. Ļōmņak kōn ro m̧ōttami rekāāl kom̧ij kōm̧m̧ane.
Kein karuo, jar kōn mijenede ro rej jerbal ilo eria eo am im rikatak ro aer kōn etaer kajjojo raan. Wāween eo n̄an kōm̧m̧ane menin ej kauwaineneik er, kalimjek pāāj eo aer (Em̧m̧an, jemaroñ), kūr er kōn etaer, idik peier, kajjitōk wōn ro rej katakin er. Elder Russell M. Nelson eaar kwaļo̧k, “Mae iien eo kwoj jeļā etan armej eo im mejen, Irooj ejjab maron̄ jipan̄ eok jeļā kōn būruwōn.”
Iaar pād ilo juon peptaij an juon sister em̧m̧an, me eaar kwaļo̧k naan in kam̧ool eo an. Inaaj indeeo kememej wōt an ba, “Ejjan̄in kar lōn̄ armej rej jar kōn n̄a im en̄jake eļap iakwe!. Ijeļā jeral in ej m̧ool!”
Kajilu, kūr juon m̧ōttami n̄an juon m̧akūtkūt ilo m̧weo im̧ōm ak jikin ko jet. Jekdo̧o̧n ijo kom̧ij etal ie ak jekdo̧o̧n ta eo kom̧ij kōm̧m̧ane, kejekļo̧kjeņ wōn eo enaaj m̧ōņōņō kōn m̧akūtkūt eo innām ron̄jake an Jetōb eo ilo an tōl kom̧.
Rilo̧mo̧o̧r eo eaar katakin eō juon katak eo epen ilo katak eo aō make ilo ko̧jpeļ eo me, ij tōmak, ebōk aolep em̧m̧an n̄an “kōm̧ōkajļo̧k.” N̄e ij laudin̄din̄ kōn jet men, ej kwaļo̧k ilo aō jeje im ekkā an kairuj aō, bwe kōn juon meļeļe ej kwaļo̧k “en̄jake eo ekajoor [ak juon] kōkaļļe eo eļap an aorōk” (Merriam-Webster’s Collegiate Dictionary, 11th ed. [2003], “exclamation point”).
Iaar jino itok limouō kōn eoon ko kōn “ koba toke o” ej ej kōjem̧ļo̧k kōn punctuation mark kar jino an waļo̧k tok āinwōt kajjitōk eo an būruwōn Alma: “O bwe in kar juon enjeļ, im kar tōpar aolep kōņaan ko an buruō, bwe in maron̄ ilo̧k im kōnono kōn jilel an Anij, kōn ainikien eo enaaj kōm̧akūtkūt laļ, im kūr ukwelo̧k n̄an armej otemjeļo̧k!” (Alma 29:1).
Ilo etale eo aō ewōr 65 peij ko rej kwaļo̧k en̄jake kain kajoor rōt in an mijenede ro, ekoba men kein:
Rilo̧mo̧o̧r eaar ba bwe eļapļo̧k An lan̄lōn̄ n̄e juon armej ej ukweļo̧k …
Im eļan̄n̄e jej jerbal aolep raan ko ad ñan kwaļo̧k ukwelo̧k n̄an ro jet im bōktok juon wōt armej n̄an e, enaaj ļap ad lan̄lōn̄ ippān armej eo ilo aelōn̄ in kiin̄ eo an Jemed!
Im eļan̄n̄e lan̄lōn̄ eo enaaj ļap kōn juon wōt jetōb eo jaar bōktok e n̄an Rilo̧mo̧o̧r ilo aelōn̄ in kiin̄ eo an Jemed, ewi jon̄an ad naaj lan̄lōn̄ eļan̄n̄e jenaaj bōktok elōn̄ jetōb ko n̄an E! (D&C 18:13, 15–16)..
Ilo an kar waļo̧k tok n̄an n̄a eoon kein rejej uwaaer raar kōm̧m̧ane juon jerbal eaorōk ilo ijjitōn̄ eo aō kein kajuon āinwōt juon Eria Jiljilimjuonn̄oul. Iaar ikūm̧kūm jidik āinwōt eo m̧ōttan juon Rijilōk, Elder Quentin L. Cook, ilo juon kweilo̧k elap an stake. Ke iaar etetalļo̧k n̄an lowaan opiij eo an stake būreejtōn eo n̄an kweilo̧k ilo wiik āneo, iaar kile juon pea in juuj repotaktak, bronze ioon credenza itulikin tebōļ eo an, ippān juon eoon eaar jem̧ļo̧k kōn exclamation point. Ke iaar riiti, iaar en̄jake Irooj eaar jeļā kōn ekkatak eo aō, eaar uwaake jar ko aō, im bwe Eaar kanooj jeļā ta eo iaar aikuji n̄an kaenōm̧m̧an būruwō.
Iaar kajjitōk ippān stake būreejtōn eo n̄an jiron̄ eō kōn bwebwenato eo kōn juuj ko.
Eaar ba:
“Juuj kein rej an juon ļaddik edik eaar oktak n̄an Kabun̄ in me baam̧le eo an raar jeram̧ōl, kōn menin eaar kōņaan jerbale juon mijen eo em̧m̧an im ekar jerbal ilo Guatemala. Ke ej ro̧o̧l tok iaar ioon e n̄an kōtļo̧k e āinwōt juon mijenede im kar kile juuj ko an ke raar jorrāān, epotaktak. Ļaddik in eaar kōmat an maron̄ n̄an Irooj kōn ejjab bwe, eļan̄n̄e wōr, jipan̄ jān baam̧le.
“Eaar jeļā iaar kalimjōkļo̧k juuj ko im eaar ba, ‘Būreejtōn, ewōr jorrāān ke?’
“Iaar uwaak, ‘Jaab, Elder, em̧m̧an aolep men! Imaron̄ ke bōk juuj kein?’”
Stake būreejtōn eo eaar wōnm̧aanļo̧k wōt: “Aō kautiej im iakwe n̄an mijenede eo ej ro̧o̧ltok eaar ļap! Iaar kōnan kakememej eō kōn eñjake eo, kōn menin iaar bōk juuj kein an rem̧ōņakņak. Ej juon menin kakememej n̄an eō n̄e ij deloñe opiij eo aō kōn em̧em̧ļo̧kjeņ kōn aolep kijejeto ko ad jekdo̧o̧n jekjek rot ko ad. Eoon eo jān Aiseia: ‘Re nan̄in wūlio ilo toļ ko neen eo ej bōktok naan em̧m̧an, ej kwaļo̧k aenōm̧m̧an, ej kōnnaantok kōn em̧m̧an, ej kwaļo̧k men in lo̧mo̧o̧r, ej ba n̄an Zaion, “Am̧ Anij ej Kiin̄!’”(Aiseia 52:7).”
Ro jeiū im jatū jitōnbōro, kōrā eo pāleen bisop eo em̧m̧an emaron̄ in kar bwilōn̄ etke rikanaan eo eaar kūri. Ij kam̧ool liin im kōj aikuj jab bar bwilōn̄—EXCLAMATION POINT!
Ijeļā kōj kajjojo aikuj kōļapļo̧k im bōk karōk in ikkure in ad make n̄an jerbal kōn itok-limo ippān mijenede ro rej jerbal aolep raan—EXCLAMATION POINT!
Ij kobaik naan in kam̧ool in aō ippān eo an Rikanaan Joseph Smith: Im kiō, alkin elōñ kam̧ool ko kar letok kake, eñin naan in kam̧ool eo, āliktata, eo jej lelok kake: Bwe ej mour! (D&C 76:22). Ilo āt eo ekwojarjar etan Jisōs Kraist, amen.