Relōn̄ļo̧k

Jen Elder Adrián Ochoa

Jen Doulul eo an Jiljilimjuonn̄oul eo

Rainin ej iien n̄an pukōt eo ej unjen m̧ool im lukkuun lale bwe naan in kam̧ool ko ad ren kajoor.

Ke ekar ralitōk aō iiō, ruo rilikkū im n̄a kar jilkinļo̧k n̄an wia tok m̧ōn̄ā bōkan 15 ran n̄an 10 armej ro rej jokwe ilo mweo imōm ilo juon jikin epaak. Ke ij reilikļo̧k kōn en̄jake in, ij bwilon̄ kōn an bubu im juon jino kōrā kab ļeo unleppa lōke kōm̧jeel. Jibbon̄ōn eo eaar em̧m̧an lan̄ im det ke kōmij iuwe ļo̧k ioon kidia ko waam n̄an am etal ilo ial eo am 10 maeļ aetokan.

Ibuļon ļo̧k ujoj ko raitok, ekar jiktok juon ļōmņak emāletlet bwe kōmjel en to im ikkure. Kōn an ļap amjel lukkuun limo kōmjeel arjab kalimjek “kōkkaļļein tōre ko renana” iion boram ke kōdo̧ ko rekilmej rej kalibubuk lan̄. Tōre eo kiō kōmjeel ar kile ta eo ej waļo̧k, ejjelok kiō amjel iien n̄an bar kōpooj kidia ko waamjel. Kōn an ļap an wōt mejeljel im kōņņōk wōt ko, men eo de eo kōmjel kar ļōmņake ej n̄an utik eran jijet ko ioon kidia ko n̄an amjel kōjato kaki.

Jab le kidia, tutu, im piieo, kōmjeel kar wōnm̧aanļo̧k wōt ilo al eo am̧, kiō kajeon̄ kōkaiuriur jon̄an wōt am maron̄. Ke kōmij epaake ļo̧k jikin eo, kōm ar lo ial leplep eo ļo̧k n̄an jikin eo ibwijleplep im āinwot n̄e juon repa ej iioke tok kōm. Kiō kelet eo am de eo ej n̄an joļo̧k lipopo ko am im tallōn̄e worwor lōklōk ko rej jebole jikin eo. Kiō eaar kanuuj bon̄ tōre eo, kōm mōk, ikinejnej im tutu ļomjako. Kōm ar kabok jikin kōjato ilo m̧weo moktata ke kōmij deļo̧n̄e ļo̧k bukwōn eo. Juon baam̧le eo em̧m̧an dettan im ejouj ekar kōmrāik kōm̧, naajidik kōm bean burrito ko renno, im letok juon am baj ruum in kakkije ļo̧k iiam. Eaar jab to kōm ar lo ke ilal ilo ruum eo ettoon, im ekar bar wor juon am ļōmņak em̧m̧an. Kōm kar kōm̧m̧ane juon doulul ilal im bar kōm̧m̧ane ejja ikkure eo am wōt mae iien kōm kar kiki im etton̄.

Kōnke kōm ajri wōt kōm kar ļōmņak wōt kōn kōm. Kōm kar jab ļōmņak kōn ro me eļap aer aol im inepata kōn kōm ilo kabijuknen—eļan̄n̄e komin kar, kōm ban kar rumij ilo juon jekjek eo ekaburomōjmōj. Im, eļan̄n̄e kōmin kar bar kapel ļo̧k jikid, komin kar aikuj lale lan̄, lo an ejak kōdo ko, im kōkaiuriurļo̧k jen jon̄an eo n̄an am le iman utar eo. Kiō ke ewōr jidik aō jeļā, ij kakeememej iō make aolep iien, aolep iien ij kakeememej iō n̄an relōn̄ļo̧k, “Jab Meļo̧kļo̧k im reilōn̄ļo̧k.”

En̄jake eo ao iben ro riliku ekatakin io bwe in jela kile kōkaļļein tōre in ad enana. Jej mour ilo juon tōre enana, tōre ko renana Paul ej ba kake: “Armej ro renaaj yokwe er make, … kipiliia n̄an jemaer im jinier, im ro re jab kam̧m̧oolol, im ri nana, … kōnnaan naan in riab, re jab kōmmaanwa, … ro rej yokwe men in kabun̄būrueir eļap jān aer yokwe Anij” (2 Timote 3:2–4).

Kōnono kōn iien kein, Elder Dallin H. Oaks eaar ba: “Jej aikuj maanjebpopo ilo jimor mour in kaniōk im jetōb. … Im m̧aanjebpopo eo ekkā an ejerwawa ej eo edik an waļo̧k im eļapļo̧k an pen—jetōb eo” (“Preparation for the Second Coming,” Ensign ak Liahona, May 2004, 9). Ilo naan ko jet, jab meļo̧kļo̧k in reilōn̄ ļo̧k.

Kōpooj aikuj in kōppopo eo an mour in jetōb ilo tōre kein ad renana, ikōņaan kwaļo̧k juon naan in kakkōļ kōn juon lan̄ eo enana. Em̧ōj aō kar ioon e ilo mour eo aō, kōn menin ij kile aorōk eo an, eļaptata ilo iaļen leto-letak meļeļe. Ekanooj lōn̄ meļeļe ko rōm̧ōkaj kar ejaaki jen armej. Ak ilo intōrnet ebarāinwōt obrak kōn etoon im kapo. Kapeel em̧ōj an ļapļo̧k ilo anemkwoj eo ad, barāinwōt ej letok jekjek ko rewaan n̄an armej eo ejekar me eaar je men ko ilo intōrnet me kar riiti jen elōn̄ armej. En̄in ej unin bwe, bwe jen kanooj, kememej pedped eo an indeeo: “kom̧ naaj jeļā kajjier kōn leir” (Matu 7:20).

N̄an kalikarļo̧k, ij rōjan̄ kom̧ bwe kom̧in jab aloje pija ko rettoon ak leļo̧k ami n̄an ro rej kariab Kraist im Rikanaan Joseph Smith. M̧akūtkūt kein jim̧or rej ejaake ejja jekjek in wōt: an jako Jetōb Kwojarjar im An kōjparok, rejetak kajoor. Nana im būrom̧ōj rej bōk jikier.

Ro jeiu im jatu jiten bōro, eļan̄n̄e kwōj ioon jabdewōt men eo ej tōn kajitōkin eok kon naan in kam̧ool eo am kon kojpel in, ij akwelap ipami nan relōn̄ļo̧k. Pukōt unjen meletlet im m̧ool. Najidik tōmak eo am im naan in kam̧ool kōn naan in Anij. Elōn̄ ro ilo lal in rej pukōt n̄an kajejtokjen tōmak eo am ilo aer kariab m̧ōttan m̧ool ko. Un eo in ekanooj aorōk n̄an am pād wōt im wānōk iien otemjej ilo Jetōb. Jemjerā eo an Jetōb Kwojarjar ejab kam̧ōņōņō wōt—eaorōk n̄an an kemourur jetob eo am. Eļan̄n̄e kwonaaj kaorōke naan ko an Kraist im lukkuun keron̄jaki unojdikdik an Jetōb, naaj ban maron̄ moņe eok (lale Joseph Smith—Matthew 1:37). Jej aikuj in kōm̧m̧ane men kein.

Jisōs Kraist, eo aer wāppen, im Joseph Smith, eo eaar ba bwe eaar jab juon eo ewāppen, kar jimor mej jen ro raar riab ņae er im raar bar maron̄ bok kam̧ool ko aer. Ekōjkan ad jeļā ke naan in kam̧ool ko aer rem̧ool—bwe Jisōs Kraist ej nejin Anij im Joseph Smith ej juon rikanaan em̧ool?

“Kom naaj jeļā kajieir kōn leir.” Emaron̄ ke jebar leen ko rem̧m̧an jen juon wōjke eo enana? Ijeļa iba make bwe aō Rilom̧oor eaar jeerlok jerawiwi ko ao im kanemkwoj io jen eddodo ko ao, boktok n̄an eō juon mejatoto in m̧ōņōņō eo iar jab jela ke ear wor. Im ijela iba make ke Joseph Smith ear juon rikaanan konke emoj ao kejjeone kalimuur eo ilo Bok in Mormon.“ Kajjitōk ippān Anij, Jemān Indeeo, ilo etan Jisōs Kraist” (Moronai 10:4). Rej naan ko repidodo, reilōn̄ ļo̧k.

Ewōr ro remaron̄ kōnaan bwe en lukkuun wōr am kein kam̧ool bwe ren maron̄ tōmak ilo Jerkakpeje eo an Kraist ak m̧ool eo kōn jepļaaktok in ko̧jpeļ eo An. N̄an er ij kwaļo̧k naan ko an Alma n̄an Korihor, eo eaar kajeon̄ kareel buruon elōn̄ n̄an jab tōmak. “kwaar lo ebwe kam̧ool ko; kwon kapok e am̧ Anij? Kwōn ba ke, Kwaļo̧k n̄an eō juon kōkaļļe, n̄e ewōr ippam̧ kam̧ool an aolep rein jeim̧ im jatūm̧, im barāinwōt aolep ri kanaan ro rekwojarjar” (Alma 30:44).

Kōjro ej kam̧ool kōn pinmuur eo an Rilo̧mo̧o̧r. Jej kam̧ool kōn jerbal in kwaļo̧k eo an Rikanaan Joseph Smith im tarlep in m̧ool eo an ro Rekwojarjar m̧okta ro raar jirok likatōttōt ilo naan in kam̧ool eo aer. Kabun̄ eo an Jisōs Kraist em̧ōj an eddōkļo̧k ilo peļaakin laļ in im ej eddōkļo̧k ejjab āinwōt kar m̧okta―tōmak, āinwōt ilo tōre ko an Kraist, jān armej ro rettā me rejjab kōņaan loe ak jibwe n̄an tōmak.

Ejjeļo̧k juon ejeļā n̄aat eo Irooj enaaj bar jepļaaktok. Bōtab iien ko rekauwōtata rebuñit kōj kiō. Rainin ej iien n̄an reļōn̄ļo̧k n̄an eo unjen m̧ool im kapen naan in kamool ko ad, kōppopo m̧ae ekajet eo aet jenaaj jelm̧ae.

Jepļaakļo̧k n̄an bwebwenato eo ao, ro riliku im na kar rujlok ilo jibbon emeram al im lan eaibojoj. Juon emman ej kollalal ilo kejem eo im bukbukot jilu laddik ro rar jobabwe. Ear likit kom ion ooj ko, im kom ar jino jeblak ibulon ejja ujoj ko wot. Iban meloklok ta kom ar lo ilo iial eo am ļo̧k n̄an mweo im̧ōm—an baj lōn̄ armej raar kapukōt kom aolepen bon̄ōn eo, waan rarō im tirak ko waer repen ilo bedkat. Raar elolo kein jijet ioon kidia ijin im kidia ko ijen, im ke rej lo am jepļaaktok, iaar maron̄ enjake aer kakije im iakwe eo aer. Ilo kōjem in deļo̧n̄ eo n̄an jikin eo, ro rilikim raar ettōr tok n̄an iakiakwe kom, em imanieer tata ekar bubu im eo naaj jinno im kab eo naaj jema. Raar atbakuj kom jan, lan̄lōn̄ bwe raar lo ajri ro nejieer raar jako. Ej juon kakeememej n̄an n̄a bwe eo Jemedwōj Ilan̄ eobrak kōn iakwe ejjeļā kake kōj. E ej kijorore ad bar jepļaakļo̧k n̄an ijo jikid.

Ekanooj lōn̄ kōkaļļein joruur ko ipeļaakid. Jen reilōn̄ļo̧k im kōpooj kōj make. Ewōr aenōm̧m̧an ilo juon naan in kam̧ool ekajoor. Jen m̧ōņōņō im kokajoorļo̧k naan in kam̧ool ko ad aolep raan.

Ijeļā jemaron̄ bar mour ippān doon āinwō baam̧le ko indeeo, bwe Jemedwōj Ilan̄ ej kōttar kōjwōj, ro Nejin, kōn Pein ej erloke tok. Ijeļā bwe Jisōs Kraist, ad Rilo̧mo̧o̧ren, ej mour. Āinwōt Piter, kanniōk im bōtktōk raar jab katakin eok kake, a Jema ej pād i lan̄ Matu 16:15–19). Ilo āt eo ekwojarjar etan Jisōs Kraist, amen.