Reim̧aanļo̧k im Tōmak
Jen Elder Edward Dube
Jen Jiljilimjuonn̄oul eo
Im̧aan mejān Irooj, ejjab lukkuun ļap ta eo jaar kōm̧m̧ane ak ijo jaar pād ie ak elukkuun ļapļo̧k an aorōk ļo̧k ijo jej m̧ōņōņō in etal n̄ane.
Āinwōt juon ļaddik, iien in iaar jerbal ilo jikin kallib ko ippān jinō, eaar katakin eō juon iaan katak ko raorōk ilo mour. Eaar rālep ilo jibbon̄ eo, aļ eaar tak im kōm̧ ar rarō kōn ta eo iaar ļōmņake juon iien eaitok. Iaar bōjrak im reilikļo̧k n̄an ijo kōm̧ ar kōttōprake im ba n̄an jinō, “Lale jon̄an in jaar kōm̧mane!” Jinō eaar jab uwaak. Iaar ļōmņak eaar jab ron̄ ainikieō, iaar bar āliji ta eo iaar ba ilo juon ainikien eļļaaj. Eaar jab uwaak. Kotak ainikieō bar jidik, iaar bar āliji. Āliktata, eaar oktak tok n̄an n̄a im ba, “Edward, lakwōr reilikļo̧k, reim̧aanļo̧k wōt n̄an ta eo eo aikuj in kōm̧m̧an.”
Ro jeiū im jatū, bujen eo jaar kōm̧m̧ane ippān Irooj ke jaar peptaij, “n̄an jutak āinwōt ri kam̧ool ro an Anij ilo aolep iien ko im ilo aolep men otemjeļo̧k, im ilo aolep jikin ko [kōj] maron̄ pād ie” (Mosaia 18:9), ej juon kalim̧m̧ur toonwōt ad mour. Būreejtōn Dieter F. Uchtdorf eaar kapilōk: “Jabdewōt ro raar deļo̧n̄ ilo dān ko an peptaij im bōk menin letok eo an Jetōb Kwojarjar kar likūt neer ioon iaļ in rikaļoor im rej eddo n̄an ļoor dim im tiljek ilo bun̄tōn ne ko an Rilo̧mo̧o̧r eo” (“Saints for All Seasons,”Ensign akLiahona, Sept. 2013, 5). Irooj jen rikarejar ro An ej kūr kōj n̄an jerbal ilo kūr ko rellōn̄, ko jej būki kōn kalim̧m̧ur. N̄e juon ej kōtļo̧k jen jerbal im juon kūr ilo juon ijjitōn̄ eoktak emoj leļo̧k, jej lan̄lōn̄ bōke, āinwōt rūtto ro raar jeļā, bwe “ilo jerbal an Irooj, ej jab ia eo kwoj jerbal ie ak ekojkan”(J. Reuben Clark Jr., ilo Conference Report, Apr. 1951, 154).
Barāinwōt n̄e juon stake būreejtōn ak juon bisop emōj kōtļo̧k jen jerbal, ej m̧ōņōņō bōke kōtļo̧k eo an, im n̄e ej kūr ej leļo̧k n̄an jerbal ilo jabdewōt wāween Irooj eo, jen rikarejar ro An, “ej lo ekkar” (Mosaia 3:19 ), ej jab kōjaorōke jen imminene eo an m̧okta, barāinwōt ej jab reilikļo̧k im ļōmņak bwe eaar bwe an kar jerbal. E ejjab “mōk ilo kōm̧m̧an em̧m̧an,” kōnke ejeļā bwe ej “kalek pedped eo an juon jerbal eļap” kōn juon visōn ealikkar bwe kain kijejeto rot kein rej kōjeram̧m̧an mour ko n̄an indeeo. Im jen men ko reddik ej wōnm̧aanļo̧k men eo eļap (lale D&C 64:33).
Kōj wōj aolep aikuj bōk koņaad ilo juon jerbal em̧m̧an, im kōm̧anm̧an elōn men ko kōn ankilaad [make], im kōttōprak eļap wāppen (lale D&C 58:27).
Elder Jeffrey R. Holland jen Doulul eo an Jon̄oulruo Rijilōk ro eaar kapilōk: “Iien eo em̧ootļo̧k ej n̄an katak jene ak jab mour ilowaan. Jej reilikļo̧k n̄an ekkatak jen m̧ōttan ko rem̧ootļo̧k jān en̄jake ko rem̧m̧an ak jab menkwaraar. Im n̄e jaar ekkatak jej aikuj in ekkatak im kar bōktok ippād em̧m̧antata eo jaar en̄jake, innām jej reim̧aanļo̧k im keememejtōmak ej aolep iien jitōn̄ļo̧k ilju im jekļaj” (“The Best Is Yet to Be,” Ensign, Jan. 2010, 24; ak Liahona, Jan. 2010, 18).
Iien eo katak eo an jinō ej kōn reim̧aanļo̧k ekar iookļo̧k ujooj ko ilo jikin kallib eo, eaar dik ilo keidi n̄an ta eo Rikwojarjar ro m̧okta raar kijoone. Elder Joseph B. Wirthlin eaar em̧m̧an an kōmeļeļe en̄jake in: “Ilo 1846, elōn̄ļo̧k jen 10,000 armej ro raar likūt bukwōn eo em̧weie ilo [Nauvoo] eo eaar ekkal ilo turtur ko ilo Mississippi River. Kōn tōmak ilo rikanaan in ritōl ro, membōr ro m̧okta an Kabun̄ in raar em̧m̧akūt jen ‘Nauvoo’ im etal ilowaan āne jem̧den in tuiiōn̄ in tōrere ko ilo United States. Raar jab lukkuun jeļā ia eo rej etal n̄ane, jab jeļā jejjet in m̧aiļ ej pād im̧aan, aitokan iaļ eo enaaj bōk, ak ta kobban ilju n̄an er. Ak raarjeļā bwe raar tōl jen Irooj im rikarejar ro An” (“Faith of Our Fathers,” Ensign, May 1996, 33).
Raar jeļā kar elmen n̄an reim̧aanļo̧k im tōmak. Ium̧win jon̄oul iiō im jim̧ettan m̧oktaļo̧k, jet iaan membōr rein rekar pād ke juon revelesōn kar bōke:
Irooj eaar ba bwe aolep rej jeram̧m̧an jen kōjparok kien ko An, mekarta ilo mour ak mej. N̄e jej tiljek ilo en̄taan, jenaaj bōk juon nōbar eļapļo̧k ilo aelōn̄ in lan̄.
Jejjab maron̄ lo kōn mej ko remōjņo̧ mejād, kōn iien in, jon̄ok eo an ad Anij kōn men kein naaj itok tokālik im aiboojoj eo ej itok ālkin eļap en̄taan (lale D&C 58:2–3 ).
Kōj barāinwōt maron̄ reim̧aanļo̧k im tōmak. Jemaron̄ m̧ōņōņō in bōk kūr eo an Irooj, eo eaar erļo̧ke im kōppeļļo̧k pein im karuwaineneik kōj:
“Kom̧win itok n̄an Ippa, kom̧ otemjej rej jerbal im ban, im Inaaj kakkijeik kom̧.
“Kom̧win bōk Aō ine im likūte i aerami, im katak Ippa, bwe Ij ineem̧m̧an im ettā būruō, im kom̧ naaj lo an ami kakkije.
“Bwe Aō ine ej em̧m̧an, im men eo Ij ineeke e m̧ōrā” (Matu 11:28–30).
Rikanaan eo ad ejitōn bōro, Būreejtōn Thomas S. Monson; rikakpilōklōk ro an; im Doulul eo an Jon̄oulruo Rijilōk ro kar letok juon kūr n̄an kōj aolep n̄an bōk koņaad ilo jerbal in lo̧mo̧o̧r in. Rioktak ro rekāāl, jodikdik ro, rūm̧m̧an ded ro, ro emōj aer kakkije jān jerbal ko aer, mijenede ro rej jerbal aolep raan aikuj jon̄an wōt juon ineek ilo kōmakajļo̧k jerbal in lo̧mo̧o̧r in.
Būreejtōn Boyd K. Packer jen Doulul eo an Jon̄oulruo Rijilōk ro kar pād ilo juon jiāe kankan men ko reddo, ijo eaar ekkatak juon katak. Eaar ba kōn en̄jake in: “Juon wa alal kar kanne kōn jimāān ko: jon̄oul taujin baun ko [4535 kg]—ļalem tōn ko. … Jibadbad ko rekar n̄an an kau eo kōm̧akūt wa alal eo jilu ne [91 cm]. … Iaar kile jon̄an eo em̧m̧an an menin mour ko relukkuun kilep, rekōļarļar, menin mour ko rebūļu-kūre … kau eo ekilep im bļu jen tōre ko m̧okta.”
Ilo kōnono kōn waļo̧k in jiāe in, eaar ba: “Tiim ko raar tūm̧ juon ļo̧k juon. … Kau eo ekilep im bļu eaar jab bōk jikin! Menin mour ko reddik, ejjeļo̧k kōļarier, rej jab jon̄er wōt kōn dettan, kar kōm̧akūt wa alal eo aolep iien ko jilu.”
Eaar letok juon kōmeļeļe n̄an kabwilōn̄ waļo̧k eo: “Menin mour ko rebūļū raar kilep im kajoor im em̧m̧an jon̄ok ko aer kōn dettan jen tiim eo juon. Ak kau jiddik ko rekkar em̧m̧an aer jerbal im kōppelļaak. Raar jim̧or den̄ōt ine eo ippān doon. Menin mour ko jim̧or raar kōm̧akūt m̧aanļo̧k ilo jejjet in iien im kajoor kōm̧akūt lout eo” (“Equally Yoked Together,” kōnono eo kwaļo̧k ilo seminar an ro raar bōk jikin’, Apr. 3, 1975; ilo Teaching Seminary: Preservice Readings [2004], 30).
Ilo ad reim̧aanļo̧k im tōmak, jej aikuj ejja tiim in jerbal in ilo kōmakajļo̧k jerbal in lo̧mo̧o̧r in ilo ad karuwaineneik ro jet n̄an itok n̄an Kraist. Ilo eddo ko ad kajjojo, jej aikuj in ļoor kapilōk eo an Būreejtōn Dieter F. Uchtdorf n̄an “jutak epaake doon im kotak ijo jej jutak ie” (“Lift Where You Stand,” Ensign ak Liahona, Nov. 2008, 56). Jemaron̄ loe aolep maron̄ eo ad, āinwōt kar etal e jen Elder L. Tom Perry jen Doulul eo an Jon̄oulruo Rijilōk ro: “Ilo aō ito itak aolepān Kabun̄ in ij bwilōn̄ kōn men ko rem̧m̧an rej waļo̧k. Ij jan̄in kar en̄jake bwe kōj, āinwōt juon armej, rej mour ļo̧k n̄an jibadbad eo ad em̧ool. Aō tōmak ej bwe jej jab aolep iien jerbal ippān doon, bwe jej lukkuun itok limo ilo jibadbad ko n̄an nōbar ko ad make im tōprak, im kwaļo̧k wōt jidik itok limo ilo kōttōpar eo kōn kalōk aelōn̄ eo an Anij” (“United in Building the Kingdom of God,” Ensign, May 1987, 35).
Jen aolep bōro kuk ippān doon ilo juon jibadbad n̄an bōktok jab wabanban im mour indeeo an armej (lale Moses 1:39).
Rilo̧mo̧o̧r eo ad, Jisōs Kraist, eo ej loe jān jinoin n̄an jem̧ļo̧kin, eaar jeļā iaļ eo em̧m̧an Enaaj etal ie n̄an Getsemane im Golgotha ke Eaar kwaļo̧k, “Ejjeļo̧k armej ekkar n̄an aelōn̄ in Anij, eļan̄n̄e ej likūt pein ioon plau, im oktaklik, ej ke jejjet n̄an aelōn̄ in Anij” (Luk 9:62). Ilo im̧aan mejān Irooj, ejjab lukkuun ļap ta eo jaar kōm̧m̧ane ak ijo jaar pād ie ak elukkuun ļapļo̧k an aorōk ļo̧k ijo jej m̧ōņōņō in etal n̄ane.
Pedped ko rej tōl kōj rekar katakin kōj bwe jen Rikanaan Joseph Smith: “Pedped in katak ko an kabun̄ eo ad rej naan in kam̧ool eo an Rijilōk ro im Rikanaan ro, kōn Jisōs Kraist, bwe Eaar mej, kar kalbwini, im kar jerkak bar juon alen ilo raan eo kein kajilu, im wanlōn̄ļo̧k n̄an lan̄; im aolep men ko jet rej ekkar n̄an kabun̄ eo ad rej wōt men ko reddik n̄an e” (Teachings of Presidents of the Church: Joseph Smith [2007], 49).
Ij kam̧ool bwe ilo ad ļoor waanjon̄ok eo an Rilo̧mo̧o̧r eo ad, Jisōs Kraist, im kotak peid ilo jikwea kōn m̧akūtkūt ilo rejtake rikanaan eo ad ejitōn bōro, Būreejtōn Thomas S. Monson, jenaaj lo aenōm̧m̧an, kaenōm̧m̧an, lan̄lōn̄ im jenaaj m̧ōn̄ā em̧m̧an jen āne eo … ilo raan kein āliktata (lale D&C 64:34 ). Ilo etan Jisōs Kraist, amen.