Ewe Sou Apung mi Wenechar
Mi wor ew chok an sipwe tongeni apung non wenechar, usun Jises Kraist, ewer sipwe usun I.
Nemun manauan won fonufan, Jises Kraist emon “Sou apung mi tong, tipachem me nikitu. Sia sinei me non ekkewe pukefel pwe I “ewe souapung mi wenechar” (2 Timothy 4:8; Moses 6:57), An aurur ngeni kich pwe sipwe “apung non wenechar” (nengeni an Joseph Smith Translation, Matthew 7:1–2 [in Matthew 7:1, footnote a]) me wanong om epinukunuk non Ewe Ngun mi emwen ngeni met fofor mi mwirino … [me] opung non wenechar” (D&C 11:12).
An anisi kich ach sipwe apung usun I, A emirit ngeni ekewe Mwichen Engon me Ru chon Nifai: “Oupwe sou apungu ekkei aramas, usun ai apung upwe ngeni kemi, epwe wenechar. Iei mine, met sokkun aramas oupwe usun? Ewer uwa apasa ngeni kemi, usun chok ngang” (3 Nephi 27:27; Fan ekoch sia menuki pwe nupwen a eurur pwe sipwe usun I, wewen chok nge a esine ngeni kich, ifa usun sipwe apung non wenechar.
Kapung ese Wenechar
Ew awewe mi asaw usun apung mi ngaw a pwa non ewe kapas monomon usun ewe siip mi mwanecheno nupwen ekewe Pharisees me sou annuk ra ngunungunu Ewe Chon Amanau me chiechian kewe ne mongo, ra apasa, “Ei mwan a etiwa ekewe chon tipis o a pwan fitir ne mongo” (Luke 15:2)—nge rese fen ekieki pwe non ennetin pungun pwe iir chon tipis, A wor rer netip mi ngaw, ekewe sou annuk me Pharisees rese tongeni sinei usun apwapwan an emon anisi emon siip mi mwanecheno.
Pwan iir ekewe “sou annuk me Pharisees” ra emwenato ren ewe Chon Amanau “emon fefin re sererni an tipisin nisou”(John 8:3) repwe katon ika Epwe apungu ren ewe anukun Moses (nengeni wokisin 5). Ka sinei soposopun ei porous, usun An etipetekisoner ren ar apung mi ngaw, me usun ar mengiringir ren pusin ar ekiek” ra no “emon me emon iir” (wokisin 9; esinisin mi kapachanong). A apasa ngeni ewe fefin, “Iwe usap pwan etipisuk: kopwe feino, nge kosap chiwen fori tipis. Iwe Neminewe a mwareiti Kot seni na kunok, me a nuku non itan” (Joseph SmithTranslation, John 8:11 [non John 8:11, footnote c]).
Ewe aionen aramas non emon me emon kich mi tongeni oput aramas me apung mwan, ika ekieki pwe en ka pung fansoun meinisin. Mi fisingeni neun ewe Chon Amanau Wan Paro, James me John. Ra wesen song nupwe ewe ew Sopun Samaria ra osufonungawei ewe Chon Amanau. (nengeni Luke 9:51–54):
“Nupwen [ra] kuna ei, ra apasa, Samon, kose mochen ampwe koratiw ekkei seni nang pwe epwe nireno, usun me Elias a fori?
“Nge A sapesefan. O a apungur, o apasa, Ouse sinei ifa tapin ngun ouwa feito seni.
“Ewe Neun mwan ese feito pwe epwe nienoi aramas, pwe epwe amanauer” (wokisin 54–56).
“Apung” minen ikenai (D&C 107:74) sipwe kaeo ne nikitano ne mwitir koput, usun met James me John ra fori. Emon sou apung mi wenechar epwe penuweni kewe fofor mi ngaw non tong me mirit. Emon kukun mi foforungaw, Ei kapas awewe, epwe suseni an bisopwe ofis nge epwe mefi tongen ewe Chon Amanau re ewe Bisop me numunong non pwapwan me kinamwen manamanen ewe Achasefan—kosap tongeni no nge kopwe mefi saw ika mefi tipis. Ika kose mefi ei, ewe bisop ina esapw mefi pwe a otowawano ewe siip mi mwanecheno. (nengeni Luke 15:4).
Kaeo
Ewer, umoumoch ese epeti anen kaeo. Ewe fos discipline a feito seni ewe fosun Latindiscere “ne kaeo,” ika discipulus “chon kaeo,” fori emon chon kaeo emon chon sukun me chon tapw. Om kopwe kait usun anwe Samon kopwe kait non tong me nikitu. Non ekkewe pukefel ewe Samon ekan soun neuneu ewe fos epungu, nupwe fosun kaeo (nengeni, ren awewe, Mosaia 23:21; D&C 95:1). Ewe fos chasten a feito seni ewe fosun Latin castus, wewen “epung ika nimenimoch”, meapungu epwe nimenimoch.”
Won fonufan iei ussun emon souapungun fonufan ewe a etipisi emon aramas me nokeno I non imwen kanapus. . Nge non neuch Puken Mormon a aiti kich pwe nupwen sia pwisin finata sipwe fori och tipis, kich sia winiti “neuch pwisin sou apung” (Alma 41:7) me sia wanong inisich an epwe kapanus non pekin ngun.. Nge ren ei sokun, fen ewe sou apung a wisen komoch ekkewe ki minne rasuki titin asamen ewe imwen kanapus. “ren ewe niwinin tipis ua amonata ew anen ar repwe manau non mettoch meinisin seni sossot” (D&C 95:1; kapacheta mi auchea) Manauen emon sou apung mi wenechar a wor ren umeumeoch, tong, omusomus, ese koput.
Nekukunun Joseph Smithra ngeni ruwanu-ier an epwe amonata manauan mwemwen epwe angei kewe seleich kol, Nge pokiten kose aponueta ekkewe annukkun ewe Samon. Mwirin, nupwe a poutseni Joseph 116 [ipuku engon me woneche] taropwe pin, apwan kaeo seni na wewe, Ina mwo a wesen riaffou, ewe Samon a angei seni ewe mumuta non mochomochun fansoun, pwe io Ngang mi tongei Ngang mi apungu pwe epwe mus tipisir (D&C 95:1).
Joseph a apasa, Ewe chon nang a fokun pwapwa nupwe a eniwinato ewe Urim me Thumim apwan apasa pwe Kot amen ingiti ai manauen nuku me tipetiekison, a tongei ei ren ai manauen aier me nikitu ne iotek. Pokiten ewe Samon a mochen aiti Joseph an epwe siwin netipan. A mochen epwe riaffou epwe asor netipang ngeni—ach asor amen auchea nupwen sipwe kaeo.
Asor
“Fansoun nom, wewen Asor nge metoch mei pin ika emon epwe pinino,” achok wewe ngeni wewen ewe fos chasten—“Enimeochu.” Usun chok, ne muun nom non Israel, om kopwe museno kopwe fori asor mi pin fan iten om tipis me mwan. Ach asor ese chok “itingeni ena napanap me amwuchunon asor; (Alma 34:14) nge efen fori met epwe napeno memefin kinisou ren an ewe Chon Amanau Achasefan. Nupwen sise niamam ren ach fofor mi ngaw usun nge ese wor auchean Anwe asor manauan fan iten na sokun tipis me ka turunufasa An riaffou—akachofesa esisinen nge ese wor om kinisou.
Nge siwinin, ewe ochun asor, sia angeioch feioch ese much—An umeumoch me an epichikichino, me saingonan, mettoch meinisin ewe Sam fen amonnata fan itach. (D&C 84:38). Chiechien ei men aier, asor a fis pwe safei epwe echikara ekewe “memefin niamam” (Alma 42:18) nge wanong kinamwen ekiek” (Mosiah 4:3).Ika ese wor asor, epwe weires ngeni an emon aramas an epwe mefi kinamwe me museno, pokiten ekewe tipis mi eriafoui ekiekin.
In me Sam iir ekewe Sou Apung mi Wenechar
Ekoch neich sipwe wiseni ewe koko sou apung, nongonongen apung mi wenechar sipwe manaueni, mi auchea ngeni in me sam non wiser kewe iteitan ran ngeni neur kewe. Ach sipwe foneu neuch ina auchean mi pwarata in me sam mi oponueta wiser, mi auchea sipwe fon non tong ina auchean wisen emon sou apung.
President Joseph F. Smith a emrit pwe, “Ika emon semirit a nukumach me weires sipwe fos ngeni, kopwe nikitu ngenir tori kopwe winenir ren tong, … ka tongeni anisir ngeni met repwe usun.”
A men auchea nupwen kopwe fon, ekewe soufos repwe chok soun fosun manauen ewe Samon. Doctrine and Covenants a tichikieti usun fon:
Ese wor ew pochokun ika manaman epwe tongeni ponueta ren nimochun ewe pochokun me mumuta meren kot, a tufich ren pesepes, mosonotam, kinamwe me tekisoson, pwan tong mi wenechar;
Ren kisaso, me mirit mi ennet, ewe a tongeni amari ewe ngun ese wor eningeput, ese mwaken—
Fon epwe pochokun, ren amemefin ewe Ngun mi Fel; pwan pwarano tong mi napanap.(D&C 121:41–43).
Neuch pukefel ra ait ngnei kich pwe sipwe fon “nupwe sia mefi Ngun mi Fel,”esapw ika sia mefi song. Ewe Ngun mi Fel me song rese tongeni chu, pwe “i ewe a wor ren ewe ngunun anini i ese feito seniei, nge a feito seni ewe tefin, i ewe semenapen anini, iwe i a amwasangata netipen aramas pwe repwe anini ren song,” (3 Nifai 11:29). Preseten George Albert Smith a aiti kich pwe “ach fos mi ngaw ese feito seni amemefin ewe Samon. Ngunun ewe Samon ew ngun mi eoch; ew ngunun nikitu; ew ngunun tong me engino me mosonotam. … Nge ika a nom rech ewe Ngunun eniwowo… napanap mi ngaw, ina ese feito seni Ngunun Semach won Nang mei pwan efeiengaw. … Aramaseoch ewe manaman Kot a ngeni kich sipwe suki netip mi pochokun me emweni kewe ngun mi rongonap. …
“… Nge ika a wor rech ewe ngunun kuna mwan … non ew awosukosuken nikinik, ena ese tongeni epwe ina pungun emwenien ewe Ngunun Samach won Nang me mi efeiengaw iteitan
“… Kirekiroch ina ewe pochokun Kot a ngenikich ach sipwe suki pochokunen netip me wineni aramas mi tipeforea.”
Ennetin Ion Neuch kewe Semirit
Nupwen ewe Chon Amanau a churi ekewe Chon Nifai, a fori metoch mi amwarar ren ekkewe semirit:
“Iwe non ewe fansoun pwe a aiti me angang ngeni ekkewe semiriten ewe mwicheich … , iwe a apwetetei channawer, iwe ra kapas ngeni semer kewe mettoch mi auchea me amwarar,.
“… Iwe ir me ruemon ra kuna me pwan rongorong ngeni ekkei semirit, pwan mwo monukon ra suki awer me apasa mettoch mi amwarar” (3 Nifai 26:14, 16).
Ese chok suki awen kewe monukon, ewe Samon a suki mesen me senigen semer me iner kewe ir mi ingeno. Ekewe sam me in ra angei ar mumuta pwe repwe kuna ekis usun nang ra kuna io ennetin neur kewe semirit me nikinikir non ewe manau me mwen ei. Om nuku esap siwin nikinikin kewe sam me in ngeni neur kewe? Uwa men sani an Goethe ewe itenap: “Mi pwaa met ke kuna won [emon semirit] ren nikinikum ngeni, me napanapom ngeni en semirit ina met repwe usun.” Non om kopwe chemeni emon semiritika iir enletin io ew nifangen oseni mi anisi ekiekin emon sou apung mi wenechar.
Nemochunon
President Thomas S. Monson a aiti kich pwe, “Kosap tongeni mut ngeni om kopwe atawei ew osukosuk epwe kan auchea mwen om kopwe tongei emon aramas.” A fokun auchea nongonong non ach sipwe emon sou apung mi wenechar, ngeni konien neuch kewe semirit.
Mi wor ew chok an sipwe tongeni apung non wenechar, usun Jises Kraist, ewer sipwe usun I. Iei mine, “met sokun aramas oupwe usun? Ennet ua apasa ngeni kemi, usun chok ngang” (3 Nifai 27:27). Non iten Jises Kraist, amen.