2010–2019 թթ․
Ինչ պետք է իմանա Ահարոնյան քահանայության յուրաքանչյուր կրողը
2018թ․ ապրիլ


2:3

Ինչ պետք է իմանա Ահարոնյան քահանայության յուրաքանչյուր կրողը

Ահարոնյան Քահանայության ձեր կարգումը կարևոր դեր ունի՝ օգնել Աստծո զավակներին ստանալ Քրիստոսի քավիչ զորությունը:

Եղբայրնե՛ր, մեծ պատիվ է ձեզ հետ լինել այս պատմական համաժողովին: Երբ ես միսիայի նոր նախագահ էի, ոգևորվել էի, երբ մեզ միացավ միսիոներների առաջին խումբը: Մեր փորձառու միսիոներներից մի քանիսը պատրաստվում էին նրանց հետ կարճատև հանդիպում ունենալ: Ես նկատեցի, որ նրանք մանկական աթոռներ էին շարել շրջանաձև դասավորությամբ:

«Ինչո՞ւ են այստեղ փոքր աթոռներ շարված»,- հարցրեցի ես:

Միսիոներները համեստորեն ասացին. «Նոր միսիոներների համար են»:

Ես կարծում եմ, որ այն, թե ինչպես ենք մենք նայում ուրիշներին, զգալիորեն ազդում է նրանց ընկալման վրա, թե ով են իրենք և ինչպիսին կարող են դառնալ: Մեր նոր միսիոներները մեծ աթոռների վրա նստեցին այդ օրը:

Երբեմն, ես վախենում եմ, որ մենք մեր Ահարոնյան Քահանայություն կրող երիտասարդներին փոխաբերական իմաստով մանկական աթոռներ ենք տալիս նստելու, փոխանակ օգնենք նրանց հասկանալ, որ Աստված նրանց սրբազան վստահության է արժանացրել և տվել է կարևոր աշխատանք:

Նախագահ Թոմաս Ս. Մոնսոնը մեզ խորհուրդ էր տվել նպաստել, որ երիտասարդ տղամարդիկ հասկանան՝ «ինչ է նշանակում լինել Աստծո քահանայության կրողներ: Նրանք պետք է առաջնորդվեն հոգևոր իրազեկվածությամբ՝ իրենց կոչմանսրբության մասին»:

Այսօր ես աղոթում եմ, որ Սուրբ Հոգին ուղղորդի մեզ ավելի լավ հասկանալ Ահարոնյան Քահանայության զորությունն ու սրբությունը և ոգեշնչի մեզ ավելի ջանասիրաբար կենտրոնանալ քահանայության մեր պարտականությունների վրա: Ուղերձս Ահարոնյան Քահանայության բոլոր կրողների համար է, ընդգրկելով նաև նրանց, ովքեր Մելքիսեդեկյան Քահանայություն են կրում:

Երեց Դեյլ Գ. Ռենլանդն ուսուցանել է, որ քահանայության դերն է՝ Աստծո զավակների համար հասանելի դարձնել Հիսուս Քրիստոսի քավիչ զորությունը: Մեր կյանքում Քրիստոսի քավիչ զորությունը ստանալու համար մենք պետք է հավատք ունենանք Նրա հանդեպ, ապաշխարենք մեր մեղքերի համար, արարողությունների միջոցով սուրբ ուխտեր կապենք և պահենք ու ստանանք Սուրբ Հոգին: Սրանք միանգամյա սկզբունքներ չեն, այլ գործում են միասին, ամրապնդելով և կառուցելով մեկը մյուսին առաջընթացի շարունակական գործընթացում՝ «[գալ] Քրիստոսի մոտ և կատարելագործվե[լ] Նրանում»:

Այսպիսով, ո՞րն է Ահարոնյան Քահանայության դերն այստեղ: Ինչպե՞ս է այն մեզ համար հասանելի դարձնում Քրիստոսի քավիչ զորությունը: Ես համոզված եմ, որ պատասխանը բանալիների մեջ է, որոնք կրում է Ահարոնյան Քահանայությունը՝ հրեշտակների սպասավորության և նախապատրաստական ավետարանի բանալիները:

Հրեշտակների սպասավորություն

Եկեք սկսենք հրեշտակների սպասավորության մի գործոնից: Նախքան Աստծո զավակները կկարողանան հավատք ունենալ Հիսուս Քրիստոսի հանդեպ, նրանք պետք է իմանան Նրա մասին և նրանց պետք է ուսուցանվի Նրա ավետարանը: Ինչպես ասել է Պողոս Առաքյալը.

«Ինչպե՞ս հավատան, որից չլսեցին. և ինչպես լսեն առանց քարոզողի.

Եւ ինչպե՞ս քարոզեն, եթե չուղարկվին…

Ուրեմն հավատքը լսելուց է, և լսելը՝ Աստուծոյ խոսքիցը»:

Ժամանակների սկզբից Աստված «հրեշտակներ ուղարկվեց՝ սպասավորելու մարդկանց զավակներին, հայտնի դարձնելու Քրիստոսի գալուստի վերաբերյալ»: Հրեշտակները երկնային էակներ են, որոնք հայտնում են Աստծո ուղերձը: Եվ եբրայերենում, և՛ հունարենում հրեշտակ բառի արմատը նշանակում է «պատվիրակ»:

Անվան պես հրեշտակները Աստծո կողմից ուղարկված լիազորված պատվիրակներ են, որոնք հայտարարում են Նրա խոսքը և այդպիսով կառուցում հավատք, և մենք, Ահարոնյան Քահանայություն կրողներս, կարգված ենք «ուսուցանե[լու] և բոլորին հրավիրե[լու] գալ Քրիստոսի մոտ»: Ավետարանի քարոզումը քահանայական պարտականություն է: Եվ այդ զորության հետ կապված պարտականությունը միայն մարգարեների կամ նույնիսկ միսիոներների համար չէ: Այն ձեզ համա՜ր է:

Ուրեմն, ինչպե՞ս ենք ստանում այդ զորությունը: Ինչպե՞ս է 12-ամյա սարկավագը կամ մեզանից յուրաքանչյուրը Աստծո զավակների սրտերում հավատ առաջացնում Քրիստոսի հանդեպ: Մենք սկսում ենք քննել Նրա խոսքը, որ դրա զորությունը մեզանում լինի: Նա խոստացել է, որ եթե այդպես անենք, կունենանք «Աստծո զորությունը՝ մարդկանց համոզելու համար»: Կարող է հնարավորություն լինել ուսուցանել քվորումի ժողովին կամ այցելել որևէ անդամի տուն: Կարող է ոչ պաշտոնական որևէ իրավիճակ լինել՝ զրույց ընկերոջ կամ ընտանիքի անդամի հետ: Այս իրավիճակներում, եթե պատրաստված լինենք, ապա կարող ենք ուսուցանել ավետարանը, ինչպես հրեշտակներն են անում՝ Սուրբ Հոգու զորությամբ:

Ջեյքոբը և Եղբայր Հոլմսը

Վերջերս լսեցի Ջեյքոբի մասին, Պապուա Նոր Գվինեայից մի Ահարոնյան Քահանայություն կրողի, ով վկայել էր Մորմոնի Գրքի զորության մասին և թե ինչպես էր այն օգնել իրեն դիմադրել չարին և հետևել Հոգուն: Նրա խոսքերը զորացրին իմ և մյուսների հավատքը: Իմ հավատքը զորացավ նաև, երբ լսեցի, թե ինչպես են Ահարոնյան Քահանայության կրողները ուսուցանում և վկայում իրենց քվորումի ժողովներին:

Երիտասարդ տղանե՛ր, դուք լիազորված պատվիրակներ եք: Ձեր խոսքերով ու գործերով դուք կարող եք Քրիստոսի հանդեպ հավատք առաջացնել Աստծո զավակների սրտերում: Ինչպես ասել է Նախագահ Ռասսել Մ․ Նելսոնը, «Նրանց համար դուք սպասավորող հրեշտակի պես կլինեք»:

Նախապատրաստական Ավետարան

Քրիստոսի հանդեպ աճող հավատքը միշտ հանգեցնում է փոխվելու և ապաշխարելու ցանկության: Այդպիսով, տրամաբանական է, որ հրեշտակների սպասավորության բանալին զուգորդվելու է նախապատրաստական ավետարանի բանալիով, որն «ապաշխարության և մկրտության ավետարանն է, և մեղքերի թողության»:

Եթե ուսումնասիրեք Ահարոնյան Քահանայության ձեր պարտականությունները, դուք պարզ հանձնարարություն կտեսնեք՝ հրավիրել մարդկանց ապաշխարելու և բարելավվելու: Սա չի նշանակում, որ մենք կանգնում ենք փողոցի եզրին, գոչելով. «Ապաշխարեցէք»: Ավելի շուտ դա նշանակում է, որ մենք ենք ապաշխարում, ներում և երբ մենք ծառայում ենք ուրիշներին, առաջարկում ենք հույս և խաղաղություն, որոնք ապաշխարությունն է տալիս, քանի որ մենք ինքներս անցել ենք դրա միջով:

Ես եղել եմ Ահարոնյան Քահանայություն կրողների հետ, երբ այցելում էին իրենց քվորումի անդամներին: Ես ականատես եմ եղել, թե ինչպես են նրանք զգուշորեն հոգ տանում և օգնում, որ իրենց եղբայրները զգան Աստծո սերը: Ես լսել եմ, թե ինչպես է այդ երիտասարդներից մեկն իր հասակակիցներին վկայություն տալիս ապաշխարության զորության վերաբերյալ: Երբ նա խոսեց, սրտերը փափկեցին, պարտավորություններ ստանձնվեցին և զգացվեց Քրիստոսի բժշկող զորությունը:

Նախագահ Գորդոն Բ. Հինքլին ուսուցանել է. «Մի բան է ապաշխարելը: Ուրիշ բան է, որ մեր մեղքերը թողնվեն կամ ներվեն: Սա իրականություն դարձնելու զորությունը Ահարոնյան քահանայության մեջ է»: Ահարոնյան Քահանայության մկրտության և հաղորդության արարողությունները վկայում են մեր ապաշխարության մասին և ամբողջական են դարձնում այն մեղքերի թողության համար: Նախագահ Դալլին Հ․ Օուքսը բացատրել է դա այս կերպ. «Մեզ պատվիրված է ապաշխարել մեր մեղքերը և գալ դեպի Տերը կոտրված սրտով և փշրված հոգով և ճաշակել հաղորդությունը… Երբ մենք այս եղանակով նորոգում ենք մեր մկրտության ուխտերը, Տերը նորոգում է մեր մկրտության մաքրագործող ազդեցությունը»:

Եղբայրնե՛ր, սա սրբազան արտոնություն է՝ սպասավորել այնպիսի արարողություններ, որոնք Փրկիչի քավիչ զորության շնորհիվ ապաշխարող սրտերին տալիս են մեղքերի թողություն:

Վերջերս ինձ պատմեցին մի քահանայի մասին, ով առաջին անգամ դժվարանում էրհաղորդությունն օրհնել: Երբ նա դա արեց, զորավոր հոգի իջավ նրա և հավաքվածների վրա: Ավելի ուշ այդ ժողովի ժամանակ, նա պարզ ու հստակ վկայություն բերեց Աստծո զորության մասին, որը զգացել էր այդ արարողության ընթացքում:

Քահանաների քվորումը Մբուելոնգո ընտանիքի հետ

Սիդնեյում (Ավստրալիա) քահանաների քվորումի չորս անդամներ մկրտեցին Մբուելոնգո ընտանիքի անդամներին: Այդ քահանաներից մեկի մայրը պատմեց ինձ, թե այդ փորձառությունն ինչ զորավոր ազդեցություն էր ունեցել իր որդու վրա: Քահանաները սկսել էին հասկանալ, թե ինչ է նշանակում «լիազորված լինելով Հիսուս Քրիստոսի կողմից»:

Ինչպես տեղյակ եք, քահանաներն այժմ կարող են մասնակցել տաճարում մահացածների համար կատարվող մկրտություններին: Իմ 17-ամյա որդին վերջերս ինձ մկրտեց մեր նախնիներից մի քանիսի համար: Մենք երկուսս էլ խորը երախտագիտություն զգացինք Ահարոնյան Քահանայության համար ևհօգուտ Աստծո զավակների փրկության գործելու արտոնության համար:

Երիտասա՛րդ տղաներ, ջանասիրաբար կատարելով քահանայության ձեր պարտականությունները, դուք մասնակցում եք Աստծո աշխատանքին՝ «իրականացնել մարդու անմահությունն ու հավերժական կյանքը»: Այսպիսի փորձառությունները պատրաստում են ձեզ միսիոներների նման սովորեցնել ապաշխարություն և մկրտել նորադարձներին: Դրանք նաև պատրաստում են ձեզ կյանքի տևողությամբ ծառայության Մելքիսեդեկյան քահանայության շարքերում:

Հովհաննես Մկրտիչը մեր օրինակն է

Ահարոնյան Քահանայության կրողնե՛ր, մենք արտոնություն և պարտականություն ունենք ծառայակիցներ լինելու Հովհաննես Մկրտիչին: Հովհաննեսը ուղարկվել էր որպես լիազորված պատվիրակ՝ վկայելու Քրիստոսի մասին, և հրավիրելու բոլորին ապաշխարել ու մկրտվել, այսինքն, նա գործի էր դրել Ահարոնյան Քահանայության բանալիները, որոնց մասին մենք խոսեցինք: Հովհաննեսն ասել է. «Ես ջրով եմ մկրտում ձեզ ապաշխարության համար. բայց իմ ետևից եկողն ինձանից զորավոր է… նա ձեզ կմկրտէ Սուրբ Հոգով և կրակով»:

Այսպիսով, Ահարոնյան Քահանայությունը, հրեշտակների սպասավորության և նախապատրաստական ավետարանի բանալիներով, Աստծո զավակների համար ճանապարհ է պատրաստում Մելքիսեդեկյան Քահանայության միջոցով Սուրբ Հոգու պարգևը ստանալու համար, ամենամեծ պարգևը, որը մենք կարող ենք ստանալ այս կյանքում:

Ի՜նչ կարևոր պարտականություն է Աստված տվել Ահարոնյան Քահանայության կրողներին:

Հրավեր և խոստում

Ծնողնե՛ր և քահանայության ղեկավարնե՛ր, կարո՞ղ եք ըմբռնել Նախագահ Մոնսոնի խորհրդի կարևորությունը՝ օգնել երիտասարդ տղամարդկանց հասկանալ, թե «ինչ է նշանակում լինել Աստծո քահանայության կրողներ»: Ահարոնյան Քահանայությունը հասկանալն ու մեծարելը կպատրաստի երիտասարդներին լինել Մելքիսեդեկյան Քահանայության հավատարիմ կրողներ, զորավոր միսիոներներ և առաքինի ամուսիններ ու հայրեր: Իրենց ծառայության միջոցով նրանք կհասկանան և կզգան քահանայության զորության իրականությունը, զորություն՝ գործելու Քրիստոսի անունով Աստծո զավակների փրկության համար:

Երիտասա՛րդ տղամարդիկ, Աստված ձեզ համար աշխատանք ունի: Ահարոնյան Քահանայության ձեր կարգումը կարևոր դեր ունի՝ օգնել Նրա զավակներին ստանալ Քրիստոսի քավիչ զորությունը: Ես ձեզ խոստանում եմ, որ եթե այս սուրբ պարտականությունները ձեր կյանքի կենտրոնում դնեք, դուք կզգաք Աստծո զորությունը առանձնահատուկ կերպով: Դուք կհասկանաք ձեր ինքնությունը՝ որպես Աստծո որդի, կանչված սուրբ կոչմամբ՝ կատարել Նրա աշխատանքը: Եվ Հովհաննես Մկրտիչի պես դուք կպատրաստեք ճանապարհը Նրա Որդու գալուստի համար: Այս ճշմարտությունների մասին ես վկայում եմ Հիսուս Քրիստոսի անունով, ամեն:

Հղումներ

  1. Ահա թե ինչ պատահեց Մովսեսի հետ: Աստծո հետ իր ուշագրավ հանդիպումից հետո նա սկսեց իրեն ուրիշ կերպ տեսնել՝ որպես Աստծո որդի: Այս հեռանկարն օգնեց նրան դիմադրել սատանային, որը նրան անվանեց «մարդու որդի» (տես Մովսես 1.1–20): Տես նաև Թոմաս Ս.Մոնսոն, «Տեսեք նրանց ինչպիսին նրանք կարող են դառնալ», Լիահոնա, նոյեմբեր 2012, 68 -71, Դեյլ Գ. Ռենլանդ, «Աստծո աչքերով», Լիահոնա, նոյեմբեր 2015, 93–94:

  2. Thomas S. Monson, general conference leadership meeting, Mar. 2011.

  3. Տես ԴեյլԳ. Ռենլանդ, «Քահանայությունը և Փրկիչի քավող զոհաբերությունը», Լիահոնա, նոյեմբեր 2017, 64-67

  4. Տես 2 Նեփի 31–32, 3 Նեփի 11.30–41, 27.13–21, Եթեր 4.18–19, Մովսես 6.52–68, 8.24:

  5. Մորոնի 10.32, տես նաև «Քարոզիր իմ Ավետարանը. Միսիոներական ծառայության ուղեցույց» (2004), 6:

  6. Տես Վարդապետություն և Ուխտեր 13.1, 84.26–27, 107.20:

  7. Հռովմայեցիս 10.14–15, 17 Ջոզեֆ Սմիթն ուսուցանել է այս նույն ճշմարտությունը. «Հավատը գալիս է Աստծո խոսքը լսելով, Աստծո ծառաների վկայության միջոցով. այդ վկայությանը մշտապես մասնակցում է մարգարեության և հայտնության Հոգին», (Եկեղեցու նախագահների ուսմունքները. Ջոզեֆ Սմիթ [2007], 385):

  8. Մորոնի 7.22, տես Ալմա12.28–30, 13.21–24, 32.22–23, 39.17–19, Հելաման 5.11, Մորոնի 7.21–25, 29–32. Վարդապետություն և Ուխտեր 20.35, 29.41–42, Մովսես 5.58, Մատթեոս 28.19, Հռովմայեցիս 10.13–17

  9. Տես George Q. Cannon, Gospel Truth, sel. Jerreld L. Newquist (1987), 54:

  10. Տես James Strong, The New Strong’s Exhaustive Concordance of the Bible (1984), Hebrew and Chaldee dictionary section, 66, Greek dictionary section, 7:

  11. Վարդապետություն և Ուխտեր 20.59

  12. Տես Հենրի Բ. Այրինգ, «Որ նա նույնպես կարողանա ամրանալ», Լիահոնա, նոյեմբեր 2016, 75–78, Ալմա 17.3, Հելաման 5.18, 6.4–5, Վարդապետություն և Ուխտեր 28.3:

  13. Տես Ա Հովհաննես 2.14, Ալմա 17.2, 26.13, 32.42: Fulfilling My Duty to God: For Aaronic Priesthood Holders is a valuable tool to help accomplish this.

  14. Վարդապետություն և Ուխտեր 11.21, տես նաև Վարդապետություն և Ուխտեր 84.85

  15. Տես 2 Նեփի 32.3, Վարդապետություն և Ուխտեր 42.14, 50.17–22:

  16. Տես Մորոնի 7.25:

  17. Russell M. Nelson, “Honoring the Priesthood,” Ensign, May 1993, 40; see also Alma 27:4.

  18. Տես Ալմա 34.17, Հելաման 14.13

  19. Վարդապետություն և Ուխտեր 84․27

  20. Տես Վարդապետություն և Ուխտեր 20.46, 51–59, 73–79: Fulfilling My Duty to God: For Aaronic Priesthood Holders is a valuable tool to help us understand our duties.

  21. Gordon B. Hinckley, “The Aaronic Priesthood—a Gift from God,” Ensign, May 1988, 46.

  22. Երեց Դ. Թոդ Քրիստոֆերսոնն ուսուցանել է. «Ջրով մկրտությունը ապաշխարության գործընթացի վերջնական կամ հաղթական քայլն է: Մեղքից հրաժարումը, հնազանդության մեր ուխտի հետ համատեղ, ավարտում է մեր ապաշխարությունը, իսկապես, ապաշխարությունն անավարտ է մնում առանց այդ ուխտի», (“Building Faith in Christ,” Liahona, Sept. 2012, 14–15) Տես նաև Դ. Թոդ Քրիստոֆերսոն, «Ապաշխարության աստվածային պարգևը», Լիահոնա, նոյեմբեր 2011, 38–41, Ջոզեֆ Սմիթի Թարգմանություն՝ Մատթեոս 26.24 (Աստվածաշնչի հավելված)

    Հաղորդության արարողությունը մեզ տալիս է «հնարավորություն ամեն շաբաթ նորոգել այն սրբազան ուխտերը, որոնք թույլ են տալիս մեզ ճաշակել Փրկիչի քավիչ շնորհից մկրտության և հաստատման նույն մաքրագործող ազդեցությամբ» (“Understanding Our Covenants with God,” Liahona, July 2012, 21). See also Dallin H. Oaks, “Always Have His Spirit,” Ensign, Nov. 1996, 59–61.

  23. Dallin H. Oaks, “The Aaronic Priesthood and the Sacrament,” Liahona, Jan. 1999, 44.

  24. Երեց Դեյվիդ Ա. Բեդնարը բացատրել է. «Փրկության և վեհացման արարողությունները, որոնք սպասավորվում են Տիրոջ վերականգնված Եկեղեցում, շատ ավելին են, քան ծեսերը կամ խորհրդանշական ներկայացումները: Դրանք ավելի շուտ ներկայացնում են լիազորված ուղիներ, որոնց միջոցով երկնքի զորությունները կարող են հորդել դեպի մեր անձնական կյանք» («Միշտ պահեք ձեր մեղքերի թողությունը», Լիահոնա, մայիս 2016, 60)

  25. Վարդապետություն և Ուխտեր 20․73

  26. Մովսես 1.39

  27. Մատթեոս 3․11

  28. Եկեղեցական շատ ղեկավարներ Սուրբ Հոգին անվանել են մահկանացության մեծագույն պարգև:

    Նախագահ Դալլին Հ․ Օուքսն ասել է. «Սուրբ Հոգու շարունակական ընկերակցությունն ամենաթանկ բանն է, որ կարող ենք ունենալմահկանացու կյանքում», (“The Aaronic Priesthood and the Sacrament,” Liahona, Jan. 1999, 44).

    Երեց Բրյուս Ռ. Մակքոնկին ուսուցանել է. «Եթե հավերժության տեսանկյունից խոսենք, հավերժական կյանքը Աստծո բոլոր պարգևներից ամենամեծն է: Բայց փոքրացնելով տեսանկյունն այնպես, որ միայն այս կյանքը դիտվի, Սուրբ Հոգու պարգևը ամենամեծ նվերն է, որը կարող է վայելել մահկանացուն» (“What Is Meant by ‘The Holy Spirit’?” Instructor, Feb. 1965, 57)

    Նախագահ Վիլֆորդ Վուդրուֆը վկայել է. «Եթե Սուրբ Հոգին ձեզ հետ է, և ամեն մեկը պետք է ունենա, ես կասեմ ձեզ, որ չկա ավելի մեծ պարգև, չկա ավելի մեծ օրհնություն, չկա ավելի մեծ վկայություն, տրված մարդուն երկրի վրա: Դուք կարող եք ունենալ հրեշտակների սպասավորումը, դուք կարող եք տեսնել շատ հրաշքներ, բազմաթիվ հրաշալիքներ երկրի վրա, բայց ես պնդում եմ, որ Սուրբ Հոգու պարգևն ամենամեծ պարգևն է, որը կարող է շնորհվել մարդուն» (Teachings of Presidents of the Church: Wilford Woodruff [2004], 49)

    Երեց Դեյվիդ Ա. Բեդնարը հավելել է. «Աստծո պատվիրաններին հնազանդվելով և Եկեղեցու ղեկավարների հոգևոր խորհրդին հետևելով, մենք մեծապես կենտրոնանում ենք Հոգու ընկերակցությանը հասնելու վրա: Հիմնականում ավետարանի բոլոր ուսմունքներն ու միջոցառումները կենտրոնացած են մեր կյանքում Սուրբ Հոգին ստանալու միջոցով դեպի Քրիստոսը գալու վրա» («Ստացիր Սուրբ Հոգին», Լիահոնա, նոյեմբեր 2010, 97)

  29. Thomas S. Monson, general conference leadership meeting, Mar. 2011.

  30. Տես Մովսես 1.6