Hañando goso den Cristu

Pa Steven J. Lund

Presidente General di Hombres Jovenes

E manera mas sigur pa haña goso den e bida aki ta uni ku Cristu den yuda otronan.

Señor no ta pidi nos hubentut di Saserdosio Aaróniko pa hasi tur kos, pero loke E ta pidi ta impreshonante.

Un par di aña pasá, nos famia chikitu a pasa den lokual hopi famia ta enfrentá den e mundu dekaí aki. Nos yu menor, Tanner Chistian Lund, a haña kanser. E tabata un alma inkrehibel, manera muchanan di nuebe aña sa ta. E tabata hilárikamente malamucha, i, na mes momento, spiritualmente inkreibelmente konsiente. Mala mucha i angel, maluku i simpátiko. Tempu ku e tabata mas chikí i tabata sorprendé nos tur dia ku su payasadanan, nos tabata puntra nos mes si el lo bira e profeta òf un ladron di banko. Di kualke manera, tabata parse ku e lo a bai laga un marka riba mundu.

Despues el a bira malu desesperadamente. Durante e siguiente tres añanan, medisina moderno a usa medidanan drástiko, inkluyendo dos transplante di manteka di wesu, kaminda el kontraé pulmonia, ku a pone ku e mester a pasa 10 siman inkonsiente den un ventiladó. Milagrosamente, el a rekuperá pa [un] tempu kòrtikiu, despues su kanser a regresá.

Un poko promé ku el a muri, e enfermedat di Tanner a invadí su wesunan, i asta ku remedinan fuerte, ainda e tabata sinti doló. Apénas e por a lanta for di kama. Un djadumingu mainta, su mama, Kalleen, a drenta den su kamber pa wak konta ku né promé ku e famia sali pa bai Iglesia. El a keda sorprendí di mira ku di algun manera [òf otro] el a bisti paña i tabata sinta na rant di su kama, luchando ku hopi doló pa botoná su kamisa. Kalleen a sinta abou banda di dje. “Tanner,” el a bisa, “bo ta sigur ku bo ta fuerte sufisiente pa bai Iglesia? Kisas bo mester keda kas i sosegá e restu di e dia.”

El a keda wak suela. E tabata un diákono. E tabata tin un quorum. I e tabata tin un asignashon.

“Supuestamente mi mester reparti e Santa Sena awe.”

“Bon, mi tin sigur ku un hende por hasie pa bo.”

“Si,” ei a bisa, “pero … mi ta mira kon hende ta mira mi ora ku mi ta reparti e Santa Sena. Mi ta kere ku e ta yuda nan.”

Kermen Kalleen a yud’e botoná su kamisa i mara su dashi, i nan a kore bai Iglesia. Opviamente algu importante tabata pasando.

Mi a yega Iglesia for di un reunion ku mi tabatin promé i mi a keda sorprendí di mira Tanner sinta den e rei di e diakononan. Kalleen a bisa ku un bos abou dikon e tabata ei nan i kiko el a bisa: “Mi ta kere ku e ta yuda hende.”

I asina mi a wak kon e diákononan tabata dal stapnan pa yega na e mesa di Santa Sena. El a lèn kuidadosamente na un otro diakono miéntras e presbiteronan a pasa nan e bandeha di pan. Tanner a skùif bai na e lugá asigná na dje i a tene na e final di e banki di misa pa e stabilisá su mes miéntras e ta ofresé e Santa Sena.

Tabata parse manera tur wowo den e kapia tabata dirigí riba dje, konmoví pa su esfuerso miéntras e tabata hasi su parti simpel. Di algun manera Tanner a ekspresá un sermon den silensio sigun ku e tabata totobiá moviendo di rei pa rei—su kabes limpi muha di sodo—representando Señor manera e diákononan ta hasi. Su kurpa di diákono, un tempu indominabel tabata riba su mes un tiki herida, kibra, i dispuesto pa sufri boluntariamente pa sirbi dor di hiba e emblemanan di ekspiashon di e Salbador den nos bida.

Mirando kon el a yega na pensa tokante ser un diákono a pone nos tambe pensa diferente— tokante e Santa Sena tokante e Salbador, i tokante e diákononan i maestronan i presbiteronan.

Mi ta puntra [mi mes]di e milager ku a impulsé pa reakshoná ku asina kurashi na e yamada ketu, chikitu pa sirbi, i tokante e forsa i kapasidat di hubentut ku ta lantando segun nan ta pusha nan mes pa reakshoná riba e yamada di e profeta pa ta disponibel den Dios Su batayon i uni den obra di salbashon i eksaltashon.

Kada bes ku un diákono ta tene un bandeha di Santa Sena, nos ta rekordá e historia sagrado di e último sena, di Getsemani, di Kalvario, i e tumba di e graf di hardin. Ora ku e Salbador a bisa su Apòstelnan, “Hasi esaki den memoria di mi,” ¹ E tabata papiando atraves di siglonan ku kada unu di nos. E tabata papia di e milager ku E lo a proporshoná ora futiro diákononan, maestronan i e presbíteronan mester presentá Su emblemanan i invitá Su yunan pa aseptá Su don di ekspiatorio.

Tur e símbolonan sakramental ta señalá nos riba e don ei. Nos ta reflekshoná riba e pan ku un biaha El a kibra—i e pan ku e presbiteronan dilanti di nos ta, na nan turno, , awor, partiendo. Nos pensa riba e nifikashon di e líkido konsagrá, na e momentu ei i awor, ora ku e palabranan di e orashon sakramental ta pasa solèmnemente di e boka di e presbíteronan hóben na nos kurason i den shelu, renobando kombenionan ku ta konekta nos ku e podernan mes di e Cristu Su salbashon. Nos por pensa riba loke e ta nifiká ora ku un diakono ta hiba e emblema sagrado pa nos, pará manera ku ta Jesus ta pará einan si E tabata einan, ofresiendo nos pa lanta nos karga personal i kura nos doló.

Afortunadamente e hòmber i muhernan hóben no tin nodi di bira malu pa diskubrí e goso i propósito di sirbi e Salbador.

Elder David A. Bednar a siña ku pa krese i bira manera misioneronan ta, nos mester hasi loke misioneronan ta hasi, i despues, “liña pa liña i presepto pa presepto, … [nos] por gradualmente yega na ta e misioneroy … ku Señor ta spera.” ²

Asina mes, si nos ta desea “pa bira manera Jesus,” ³ nos mester hasi loke Jesus ta hasi, i den un frase asombroso, E Señor ta splika ku ta e loke E ta hasi: El a bisa, “Paso ata’ki, esaki ta mi obra i mi gloria—pa trese inmortalidat i bida eterno di hende.” ⁴

E mishon di Señor semper tabata i lo sigui ta pa sirbi Su Tata dor di salba Su yunan.

I e manera mas sigur pa bo haña goso den e mundu aki ta pa uni na Cristu den yuda otronan.

Esaki ta e simpel bèrdat ku a inspirá e programa di Mucha i Hóben.

Tur e aktividatnan di Mucha i Hóben i tur enseñansanan di Mucha i Hóben ta tokante yuda hóbennan bira mas manera Jesus dor di uni ku né den Su obra salbashon i eksaltashon.

Muchanan i Hóbennan ta un hèrmènt pa yuda kada mucha di primaria pa krese den disípulado i haña un vishon yen di fe kiko e kaminda di felisidat ta. Nan por siña pa antisipá i anhelá for di e momentonan i señalnan riba e kaminda di kombenio, unda nan lo w}rdu boutisá i konfirmá ku e don di Spiritu Santu i pronto ta bbai pertenesé na e quorum nan i klasnan di Mujeres Jovenes, unda nan lo sinti goso i yuda otronan pa medio di un suseshon di akshonnan di servisio manera Cristu. Nan lo pone metanan, grandi i chikí, ku ta trese ekilibrio den nan bida segun nan ta bira manera e Salbador. Pa e konferenshanan i revistanan di Fortalesa di e Hubentut, e Amigu, i e aplikashon Biba e Evangelio lo yuda nan di ta sentral den e búskeda pa haña goso den Cristu. Nan lo antisipá e bendishon nan di tin un rekomendashon di tèmpel pa usa limitá i sinti e spiritu di Elias dor di e influensha di e Spiritu Santu segun nan ta pursiguí e bendishon nan di e tèmpel i historia di famia. Nan lo wòrdu guia dor di bendishon nan patriarkal. Ku tempu, nan lo mira nan mes ta drenta tèmpelnan pa wòrduinvestí ku poder, pa haña goso ei nan segun ku nan ta konektá eternamente, maske kiko pasa, ku nan famia.

Kontra di e bientunan di e pandemia i kalamidat, hasi realidat e promesanan kompletu di e programa nobo di muchanan i hóbennan ainda ta un trabou den progreso, pero tin un urgensha. Nos Hubentut no por warda pa e mundu drecha su mes promé ku nan yega na konosé e Salbador. Algun ta tumando desishonnan asta awor nan lo no a tuma si nan tabata sa nan berdadero identidat—i di DjE.

I asina, e yamada urgente di Dios Su batayon den training fiel ta pa “tur man na obra!”

Mama i tata nan, boso yu hòmbernan tin mester pa boso sostené nan awor ku mas pashon manera ku boso a hasi den pasado ora ku nan tabata okupá kosnan menor. Mamanan i tatanan, lidernan di saserdosio i Mujeres Jovenes, si boso hóbennan ta luchando, Muchanan i Hóbennan lo yuda trese nan na e Salbador, i e Salbador lo duna nan pas. ⁵

Presidentenan di Quorum i klasnan, lanta para i okupá e lugá ku ta korespondé boso den e obra di Señor.

Obispunan, konektá boso yabinan na esun di e presidentenan di quorum, i boso quorumnan—i boso bario nan—lo kambia pa semper.

Na abo di e generashon ku ta kresiendo, mi ta testifiká, komo un hende ku sa, ku boso ta yu muhénan i hòmbernan stima di Dios, i E tin un trabou pa abo hasi.

Segun ku bo ta elevá na e mahestat di bo posishonnan, ku henter boso kurason,alma, mente i forsa, lo bo yega na stima Dios i warda su kombenionan i konfia den su saserdosio miéntras bo ta traha pa bendishoná otro nan, kuminsando den bo propio hogar.

Mi ta hasi orashon pa boso hasi esfuerso, ku energia dòbel, digno di e tempu aki, pa sirbí, i ehersé fe, arepentí, i pa bira kada dia mas mihó, pa kualifiká pa risibí bendishonnan di tèmpel i e goso konstante ku ta bini únikamente dor di e evangelio di JesuCristu. Mi ta hasi orashon pa bo prepará pa bira e mishonero diligente ei, esposo òf esposa leal, tata òf mama amoroso, ku bo a wòrdu primintí ku finalmente lo bo bira dor di ta un berdadero disípulo di JesuCristu.

Ku boso por yuda prepará e mundu pa e regreso di e Salbador dor di invitá tur pa bini na Cristu i risibí e bendishonnan di Su Ekspiashon. Den e nòmber di JesuCristu, amèn.