E Kultura di Cristu
Nos por apresiá e mihó di nos kulturanan individual terenal i ta partisipantenan kompletu di e eterno ku ta bini for di e evangelio di JesuCristu.
Ki mundu magnífiko nos ta biba aden i kompartí, kas pa un gran diversidat di pueblonan, idiomanan, kustumbernan i historianan—repartí den mas ku shen paisnan i míles di gruponan, kada un riku i pober. Humanidat di hopi kos pa ta orguyoso di e i di selebrá. Pero apesar di e komportashon ku a siña—e kosnan ku nos ta wòrdu eksponé na e dor di e kultura ku nos a krese aden —por sirbi komo un fortalesa grandi den nos bida, pero tin bes e por bira un opstákulo signifikante tambe.
E por parse manera kultura ta asina ankra den nos pensamentu i komportashon ku e ta imposibel pa kambia. Despues di tur kos, hopi di loke nos ta sinti ta definí nos i di kual nos ta sinti un sentido di identidat. E por ta un influensha asina fuerte ku nos por stòp di wak e debilidatnan i fayonan kometé dor di hende den nos propio kultura, kual ta resultá den un antipatia pa deshasí di algun tradishonnan di nos mayornan. Un fasinashon eksaherá riba identidat kultural di un persona por hib’é na rechaso di loke ku ta bale la pena—asta divino—[manera] idenan, atributonan i komportashonnan.
Mi a konosé un kabayero maravioso, no muchu tempu pasa, ku tabata yuda ilustrá e tipo di prinsipio universal aki di miopia kultural. Mi a konosé na Singapore ora ku mi a wòrdu asigná pa ta maestro orientado di su famia. Un profesor distinguí di Sanskrit i Tamil, e tabata bin di e parti Zùit di India. Su kasa maravioso i su dos yunan [hòmber] tabata miembro di Iglesia, pero e nunka a uni su mes na Iglesia tampoko el a skucha mashádi e enseñansanan di e evangelio. E tabata kontentu ku e manera ku su kasa i yunan tabata desaroyando i a apoyá nan plenamente den nan promesanan i responsabilidatnan di Iglesia.
Ora ku mi a ofresé pa siñ’é e prinsipionan di e evangelio i kompartí nos kerenshanan kuné el a nenga na inisio. A tuma mi un tempu pa diskubrí ta di kon: el a sinti ku dor di hasi esei e lo ta un traidor pa ku su pasado, su hendenan i su historia! Segun su forma di pensa e lo tabata nenga tur loke e ta, tur loke su famia a siñ’é di ta, su propio herensia di India. Durante e siguiente lunanan nos por a papia tokante e kuestionnan aki. Mi a keda asombrá (ounke no a sorprendé mi!) e forma kon e evangelio di JesuCristu tabata por a habri su wowo nan pa un punto di bista diferente.
Den mayoria kultura krea pa hende, por haña tantu bon komo malu, kontruktivo i destruktivo.
Hopi di e problemanan di nos mundu ta un konsekuensha direkto di konfliktonan entre esnan ku tin idea diferente i kustumbernan ku ta sali for di nan kultura. Pero práktikamente tur konflikto i káos lo disminuí rápidamente si e mundu aseptá únikamente su kultura original, esun ku nos tur tabata poseé no muchu tempu pasa. E kultura aki ta sali for di nos eksistensha pre mortal. E tabata e kultura di Adam i Enoc. E tabata e kultura funda riba e enseñansanan di e Salbador den e tempu meridiano i e ta disponibel pa tur hende muhé i hòmber atrobe den nos dianan. E ta úniko. E ta e mas grandi di tur e kulturanan i ta bin for di e gran plan di felisidat, ku Dios komo outor i defendé pa Cristu. E ta uni mas ku e ta dividí. E ta kura na lugá di daña.
E evangelio di JesuCristu ta siña nos ku tin un propósito den bida. Nos eksistensha aki no ta djis un aksidente kósmiko grandi òf fayo! Nos ta aki pa un motibu.
E kultura aki ta basá riba e testimonio ku nos Tata den Shelu ta eksistí, ku E ta real i ta stima kada un di nos individualmente. Nos ta Su “obra i [Su] gloria.” 1 E kultura aki ta ta defendé e konsepto di balor igual. No tin rekonosementu di prestigio o klase. Nos ta al final, rumannan, yunan spiritual di nos Mayornan Selestial—literalmente. No tin prehuisio òf “nos kontra nan” mentalidat den e mas grandi di tur e kulturanan. Nos tur ta “nos.” Nos tur ta “nan.” Nos ta kere ku nos ta responsabel i tin ku duna kuenta i rason pa nos mes, un na otro, E Iglesia, i nos mundu. Responsabilidat i duna kuenta i rason ta faktor nan importante den nos kresementu.
Karidat, kuido di bèrdat manera Cristu ta e base di e kultura aki. Nos ta sinti un preokupashon real pa e nesesidatnan di nos próhimo, temporal i spiritual, i ta aktua riba e sintimentunan ei. Esaki ta kore ku prehuisio i odio.
Nos ta disfrutá di un kultura di revelashon, sentrá den e palabra di Dios ku ta wòrdu risibí dor di e profetanan ( i personalmente verifikabel pa kada un di nos dor di e Spiritu Santu). Hinter humanidat por konosé e boluntat i mente di Dios.
E kultura aki ta defendé e prinsipio di libertat di eskoho. E abilidat pa skohe ta ekstremadamente importante pa nos desaroyo i nos felisidat. Hasi eskoho sabí ta fundamental.
E ta un kultura di siña i studia. Nos ta buska konosementu i sabiduria i e mihó den tur kos.
Ta un kultura di fe i obediensia. Fe den JesuCristu ta e promé prinsipio di nos kultura, i obediensia na Su enseñansanan i mandamentu nan ta e resultado. Esakinan duna empuhe dominio propio.
E ta un kultura di orashon. Nos ta kere ku Dios lo no solamente skucha nos pero tambe yuda nos.
E ta un kultura di kombenio i ordenansa, moralnan standard hopi haltu, sakrifisio, pordon i arepentimentu, i kuido di e tèmpel di nos kurpa. Tur esakinan ta testiguá di nos kompromiso ku Dios.
E ta un kultura goberná pa e saserdosio, e outoridat pa aktua den nòmber di Dios, e poder di Dios pa bendishon Su yunan. E ta edifiká i permití individuonan pa ta mihó persona, lidernan, mama, tata i kompañeronan—i e ta santifiká e hogar.
E milagernan berdadero ta abundá den esaki, e mas bieu di tur e kultura nan, krea dor di e fe den JesuCristu, e poder di e saserdosio, orashon, superashon personal, konvershon di bèrdat i pordon.
E ta un kultura di trabou mishonal. E balor di alma nan ta grandi.
Den e kultura di Cristu, hende muhé ta wòrdu elevá na nan estado apropiá i eterno. Nan no ta supordinado di e hende hòmbu, manera den hopi kulturanan di e mundu aktual, pero sosionan pleno i igual aki i den e mundu binidero.
E kultura aki ta ratifiká e santidat di e famia. Famia ta e unidat básiko di eternidat. E perfekshon di e famia ta bal kualke sakrifisio paso manera a wòrdu siña, ningun otro éksito por kompensá e frakaso den e hogar.” 2 E hogar ta kaminda nos ta hasi nos mihó trabou i kaminda nos ta alkansá nos felisidat mayó.
Den e kultura di Cristu, tin perspektiva—un enfoke i direkshon eterno. E kultura aki ta preokupá pa kosnan di balor duradero! E ta bin di e evangelio di JesuCristu, ku ta eterno i ta splika e dikon, kiko i unda di nos eksistensha. (E ta inklusivo, no eksklusivo.) Debí ku e kultura aki ta resultado di e aplikashon di nos Salbador Su enseñansanan, e ta yuda proveé un bálsamo sanado kual nos mundu tin ndesesperadamente esesidat di dje.
Ki bendishon ta pa ta parti di e forma di bida grandioso i noble aki! Pa ta parti di esaki, e mas grandi di tur [e] kulturanan, lo rekerí kambionan. E profetanan a siña ku e ta nesesario laga tras kualke kos den nos kultura antiguo ku ta inkonsistente ku e kultura di Cristu. Pero esei no ta nifiká ku nos mester laga tur kos atras. E profetanan tambe a enfatisá ku nos ta invitá, un i tur, pa trese nos fe, talentonan i konosementu—tur loke ta bon den nos bida i nos kulturanan individual—kunos i laga Iglesia “agregá” na e pa medio di e mensahe di e evangelio. 3
E Iglesia di JesuCristu di e Santunan di e Delaster Dianan ta meramente un sosiedat oksidental òf un fenómeno kultural Merikano. E ta un Iglesia Internashonal, manera semper e intenshon tabata. Mas ku esei, e ta supremo. Miembronan nobo di rònt mundu ta trese rikesa, diversidat i entusiasmo den nos famia ku ta sigui krese. Santunan di Último Dianan na tur parti ta sigui selebrá i honra nan propio herensia i héroenan, pero awor nan ta parti di algu muchu mas grandioso. E kultura di Cristu ta yuda nos wak nos mes manera nos ta realmente, i ora ku nos ta wak dor di e lènsnan di eternidat, meskla ku rektitut e ta yuda oumentá nos abilidatnan pa kumpli ku e plan grandi di felisidat.
Pues kiko a pasa ku mi amigu? Wèl, el a wòrdu siñá e lèsnan i el a uni na Iglesia. Su famia a wòrdu sea pa tempu eternidat den e tèmpel di Sydney Oustralia. El a renunsia na tiki—i a gana e potensial patur kos. El a deskubrí ku ainda e por selebrá su historia, sigui ta orguyoso di su antepasadonan, su músika, su baile i literatura, su kuminda, su pais i su hendenan. El a deskubrí ku no ta problema pa inkorporá e mihó di su kultura lokal den e kultura di mas grandi di tur. El a diskubrí ku trese e loke ta konsistente ku bèrdat i rektitut for di su bida bieu den esun nobo, ta sirbi solamente pa mehorá su kompañerismo ku e Santunan i pa asistí den uni un Sosiedat di Shelu.
Di bèrdat nos tur por apresiá e mihó di nos kulturanan individual terenal i tòg sigui ta partisipantenan kompletu di e kultura mas antiguo di nan tur—e original, e ultimo, e kultura eterno ku ta bini for di e evangelio di JesuCristu. Ki herensia tan maravioso nos tur ta kompartí. Den e nòmber di JesuCristu, amèn.