Mwe Sang Wolacna ke Wen
Kacl Jisus Kraist, kuht kuh in kahinglac liki mwe kweok ke tena oraclah lasr ac kuhtanglah mwe kweok ke ongaiyac lasr ke moul se inge.
Ke nga riti Puk luh Mormon nuh ke Fahsruh, Fahsr Tukuk mwe luti suhmuhr tari ah, fahk lal Alma ke el etuh kwewa ac lohacng ke ma koluk lal arulacna fakihsyucwi, wacngihn ma wolacna oacna pwacnwacng upac kweok [lal].” 1 Nga fahkwack, sramsram ke kweok upac sruokyac nuhnak luhk ke srihpen mweun luhk ke wik sac ke mas ke kidney-stone ma millimeter-itkohsr. Wacngihn sie mwet puhlakihn “ma yohk” oacna ma inge ke ma “srihsrihk ac fihsrwacsr” in “sikyak uh”. 2
Kahs lal Alma ah nga akihlen mweyen kahs se inge exquisite, ke lwenglah ke Puk luhn Mormon, ahkuhtweyac ma upaclah oaskuhiyac kuh wolacna tiac kuh in kapsreyuck. Ke mwe srihkasrak, Joseph Smith el fahk lah lipufacn Moroni el nukum nuknuk “fasrfasr na upac,” sie fasrfasr ma ahluhkwelah ma nuhkwewa el liye fin facluh se inge.” 3 Ne ohinge exquisite kuh pac in luhma nuh ke upaciyacn ma koluk uh. Pwacnwacng Alma ac tiksinacri ma luhng emet ngi kapsreni kweok na upac nuh ke “ahkkolukyeyuhk,” 4
Petsac se lal Alma ah ahkuhtweyac atacn ma pwacye inge lah ke sie pacl, puhlah koluk yohk lasr ke ma koluk nuhkwewa ma kuht oraclah enenuh in puhlakihnyuck. Nuhnuhnkuh suwohs kena ma se inge, ac God sifacna tiacna kuh in ekuhllah. 5 Ke Alma el esamwack “nohfohn” ma koluk lal—finne nuh ke ma ma kuhnahoslah luhlahlfongi luhn mwet sahyac—kweok lal arulacna upac in kuhtangyuhklac, ac nuhnak in tullac ye muhtahl God pwacnwacng el sesseslah ke “sahngweng tiac kuh in ahkuhtweyuhki.” El kena tuh in “ekihn wacngihnlac ke kwewana nguhn ac mahno.” 6
Ne ohinge, Alma el fahk muh ma nuhkwewa eklac ke pacl se ma “nuhnak lal nuhnkweyac na” ma palyeiyuhk “ke tuhkuh luhn Jisus Kraist se fanna … in iwaclah ke ma koluk luhn facluh” ac el “tuhng lun [insiyacl]: O Jisus, kom Wen nuhtin God, nuhnak muhnahs nuh sihk.” Ke nuhnak se ngwacn ac ke siyuck se ngwacn, Alma el sesseslah ke engan na “upac” ma “ahluhkwelah kweok lal.” 7
Kuht enenuh in tiac muhlkuhnlah lah srihpen auliyak uh pa in kweok ac ekuhllah nuh ke ma wo pwacye. Kuloh ke “wo silahklahk lal,” 8 pacl se na kuht fahsr nuh yohrohl Kraist uh—ahkkahlwemye luhlahlfongi in El ac eklac pwacye ke insiacsr—toasriyacn ma koluk lasr e kihluhk liki fintohkohsr nuh ke Fintohkohl. Ma se inge kuh in sikyak ma na ke srihpen El suc wacngihn ma koluk la kweokkihn “kweok ma pahtpaht ac tiac kuh in luhmweyuck sac” 9 ke ma koluk nuhkwewa ke facl el oraclah inge, nuh ke ma nuhkwewa el oraclah—kweok se suc arulacna upac, srah tuh sohrohrlah liki pat in fioh nuhkwewa kacl. Ke ma, el sifacna puhlakihn Mwet in Molwelah el sensenkackihn nuh sesr, ke ma suhmuhslah ke pacl inge, lah kuht tiac etuh lah fuhkah “upaciyen” mwe “kweok” lasr fin kuht tiacna auliyak. Tuhsruhk ke kuhlwacng ma tiac kuh in kahlwem kac El ahkpwacyeiye lah “Nga, God, kweok kihn ma inge luhn nohfohn, tuh elos in tiac kweok kihn fin elos e auliyak” 10 —auliyak se ma e lwelah kuht in “ema” “engan wolacna” ma Alma el ema. 11 Nuh ke mwe luti se muhkwena inge, “Nga tu arulacna fwefwelac.” 12 Ne ohinge, mwe ahklut inge, Kraist el use yohk liki na met ah.
Kuhtuh pacl uh kweok upac [uh tiacna tuhkuh ke ma koluk tuhsruhk ma tuhkuh ke tahfonglac pwacye, mukwikwi luhn mwet sahyac, kuh kuh ahluhkwelah ma kuht tiac kuh in oruh kac. Ke kain pacl inge, kom enenuh in tuhng oacna mwet suhmuhslah Psalm wowo sac:
“Insiyuhk kweoklac ke ngal: ac mwe ahksahngweng ke misac puhtatyang nuh feik.
“… Ac sahngweng afihnyuclac.
“… Oh sacohk in asr mwe sohksohk luhk oacna dove soko! nga in muh kuh in sohklah, ac kuh in eis monglac.” 13
Sains ke ono, kahs in kahsruh pihsrlac, kuh mwe ahkwoyelah kuh in kahsruh ahkfihsrwacsrye kweok inge. Tuhsruhk esam, nohfohn mwe kihte wowo uh—wi pac ma inge—ma tuhkuh sin Mwet in Molwelah me. 14 Finne ma sikyak ke ma upac lasr uh ngal ac akngalye insiacsr, ip yohk in ahkkweye sac e oacyac ah na: Jisus Kraist. El muhkwena oasr kuh fohnlah se ac paho in onwelah in ahkpwacyei tahfonglac nuhkwewa, ahkpwacyelah ma suhtuh nuhkwewa, ahkwoyelah suhfas, onwelah kihnet nuhkwewa, ac use mwe insewowo pahtlac nuhkwewa. Oacna ke mwet loh ke pacl met ah, Nga fahkwack lah “wacngihn sie priest fuhlwact lasr suc tiac kuh in puhla ma suhfal lasr” 15 tuhsruhktuh sie Mwet Molwelah pahkotwen ma tuhkuh luhng me liki tron lal ac som “kweokkihn mwe kweok ac ma upac ac mwe sruhf luhn kain in ma nuhkwewa … ,tuh elan kuh in etuh … lah elac fuhkah kahsruh mwet lal.” 16
Nuh sin oacna sie mwet misenge ma asr kweok lah ma arulacna upac kuh siena kain oruh kom puhla muh wacngihn mwet sahyac kuh in kuloh kihn, kuh in asr srihpac se lom. Sahp wacngihn sucu se lom, kawuck, kuh mwet kol ke pristut se—finne etatwen kuh wo kais sie kuh in ekihn—suc etuh na pwacye ma kom puhlakihn kuh etuh kahs fal in kahsrwe kom kwelac. Tuhsruhk etuh ma se inge: oasr sie suc kahlwem na pwacye ke ma kom puhlakihn, suc “kuh liki facluh nohfohn,” 17 ac suc “kuh in oruh ma puhkantwen ahluhkwelah ma nuhkwewa ma [kom] siyuck kuh nuhnkuh.” 18 Ohiyac se inge e ikucslah ke innek lal ac ke pacl Lal, tuhsruhk Kraist el ahkolah na pacl nuhkwewa in onwelah nohfohn ip ke kweok lom.
Ke kom lwelah Elan oruh uh, kom e fah konwacack lah kweok lom an tiac ispacl. Sramsramkihn ke mwet puhlaik ke Pwacpuhl ac ke ahsor lalos, Mwet Sap Paul el fahk nuh sel “God … sang kuhtuh ma wowo ah lalos ke kweok lalos, ke sripen fin wacngihn kweok elos tiac kuh in oreklac wolac.” 19 Kom liye, srihpac yohk lal God ac finsrak lal nuh ke muhta lasr fin facluh se inge uh pa engan, 20 tuhsruhk kuht tiacna kuh in eklac mwet fas ke engan wolacna fin wacngihn ma sang srihke kuht, kuhtuh pacl uh in srihke kuht neke kuhiyacsr kwewa. Paul el fahk lah finne Mwet in Molwelah sifacna el “oreklac wolac ma pahtpaht [kuh fohnlah] ke kweok lal.” 21 Pwacnwacng sensenkihn mahmah lal setuhn muh fin kom mwet wowo se, na kom e kahingkihn ma upac inge.
Kom enenuh pac in tiac lohng ma kikiacp ma fahk muh kalmac na kweok lom pa kom tu lihk ke raun lal God ke mwet sollac ah, suc oacna in muhta ke mwe insewowo se nuh ke sie pac mwe insewowo. Sahyac na, liyekom oacna ke Mwet fahkwack John el liye kom na pwacye ke fwackyuck wolacna lal ke lwen sahflah. John el liyacack “u luhlahp se, suc wacngihn sie mwet kuh in oacklah, ke muhtuhnfacl nuhkwewa, yen nuhkwewa, ac mwet, ac kahs, [suc] tulac ye tron, ac ye muhtuhn Wen, nukumyucklac ke nuknuk fasrfasr, … [suc] tuhng ke sie puhsra luhlahp, ac fahk, Molwelah nuh sin God lasr.” 22
Ke siyuhkyuhk: “Meac ngwe suc tu tahklac ke nuknuk fasrfasr inge? ac elos tuhkuh oyac me?” John el eis top: “Pa inge mwet ma tuhkuh liki fohs luhlahp, ac ohllah nuknuk lalos, ac oruh fasrfasrlah ke sra luhn Wen.” 23
Tamuhlwel ac tahmtahel, kweok ke suwohs kahsrwe kom ahkwoyekomlac nuh ke, liki na na srwikomlac liki, sulaclah lal God. Ac el oraclah olwelah lalos in olwelah lom. Oacna ke John el fahk, “Elos fah tia sifil masrinsral, ku malu; ac faht uh, ku kutena fol upa, ac tia sifil akfolyalos. “Lamb, su muta infulwen tron, el ac fah mwet shepherd lalos, ac el ac fah kololos nu ke unon in kof in moul. Ac God El ac fah eela sronin mutalos.” 22
“Ac e tuhfah wacngihn sifilpac misac, kuh ahsor, kuh tuhng pac, ac e wacngihn pac kweok.” 25
Nga loh nuh sum lah ke wolacna lal Jisus Kraist ac ke Iwaclah Ma Pahtpaht lal, kuht kuh in kahingkihn ma upac ke tahfonglac lasr ke moul se inge ac kuhtanglah kweok ke ongiyac ke moul in mahno lasr. Ye kohkoh lal, ma e sikyak nuh sum e sie ma na wolacna ac engan tiac kuh in ahkuhtweyuhki—sie engan arulacna upac ac siena kain nuh sum, mulut lom ac eklac ma kahto lom, “ahluhkwelah ma nuhkwewa fin facluh.” 26 Tuh kom in kuh in wi puhlakihn engan se inge ingena ac sesseslah kac ne tok ma pahtpaht, nga suli kom in oruh oacna ke Alma el oruh: lwelah nuhnak lom in sruokyac na wolacnaiyacn mwe sang ke Wen nuhtin God oacna ke fwackyuhk ke wosasuc lal ke ma se inge, Alu pacye ac moul lal. Ke inen Jisus Kraist, amen.