Ke Kuht Tuhkweni Puhla se Fanna uh, Kuht Eis kuh sin God.
Ke kuht suk in ma se fanna ke puhla se, kuht ac pahngonyac kuh luhn God in oruh srihke lasr in oasr kuhiyac kuh orekma.
Ninac kiyacl Gordon ah fahk nuh sel muh fin el ahksahfyelah orekma lal lun lohm ah, elac oraclah sie pae ah nwacl. Kain se el luhngse emeet ah. Ma nwacl muhkwena. Gordon el som muhtwacwacack oruh orekma lal in tari sahflah, na ninac kiyacl ah ahruhkwack fuhlao nuh ke pae sac. Muhtwacn mahtuh se wiyacl ah Kathy el utyak nuh lun lohm ah wi kawuck se lal. El liyacack pae sac ac siyuck lah el ac kawuck lal ah kuh in eis sie ip ah nwacltahl.
“Moh,” Gordon el fahk, “manak pa pae sacn. Ninac el muhnanlah nak, ac nga enenuh in orekma ne fah eis.”
Kathy el muhlati tuhlihk mukul srihsrihk se wiyacl ah. El arulacna nuhnkuh kacl sifacna ac srohwohsr. Elac fuhkah sifacna kanglah nohfohn?
Ao ekahsr tohkoh ke Kathy el ikucslah sruhnguhl in stosah ah in uslah kawuck se lal ah ne lohm sel, el liyacack ipin pae na luhlahp luo an ke puhlwet wi nacpkin luo lihmlihmi wo ac fork luo an fac ah. Kathy el sruhmuhn sramsram soko inge in akacsruhi kac ke Gordon el kuh in eklac ac in kuhlwacng nuh sin mwet ma tiacna fal in eis kuhlwacng pacl nuhkwewa uh.
Ke yac 1842 ah, Mwet Luhlahlfongi ah elos orekma upac in muhsahelah Tempuhl Nauvoo ah. Tukun tulokyak luhn Rilif Sosaiti ke Mahs ah, Mwet Pahluh Joseph el kwacna tuhkuh nuh ke toeni lalos in ahkkweyelos nuh ke akwuck muhtahl elos ac oraclah lun tempuhl ke pacl na sa.
Ke Jun lwen 9 ah, Mwet Pahluh “el fahk muh elac luti ke pahkotwen[.] Fin pa Jisus Kraist ac lipufacn lal tiac eis kuht ke ma suhfal tahfuhn kahs, meac ac sikyak nuh sesr? Kuht enenuh in pahkotwen ac tiac suhnuhnkuhi ma srihsrihk uh.” Prestuhn Smith el tahfwelah pac in fahk, “Mwe ahsor se nuh sihk in liye lah kuht tiac arlac tuhkweni—fin mempuhr se kweok nohfohn ac puhla—ke kuht tuhkweni puhla se fanna uh, kuht eis kuh sin God.” 1
Pohloh kahs srihsrihk se inge tuhngalyucwi oacna sahrom ma uh. Ke kuht tuhkweni puhla se fanna uh, kuht eis kuh sin God. Nga tiacna ke facluh se in angwe. Puhkantwen ma nga ke ekuhllah ac oraclah in wolac. Ac in fahk na pwacye, puhkantwen ma lain ma nga finsrak nuh kac uh, ac kuhtuh pacl uh nga puhla muh wacngihn ma nga kuh in oruh. Ke pacl inge, nga siyuck sihk sifacna kihsensiyuck inge: Nga ac kahlwem sin mwet rauniyuclac ngwe fuhkah? Nga el sramtweack fuhkah “puhla in tuhkweni” se inge ke kuht arulacna siena uh? Kuh fuhkah se nga kuh in eis sin God fin nga oruh ngwacn kuhpahsr nuh sin mwet uh kuhtuhsrihk? Ke nuhnak yohk ac loal luhk, oasr ma tolu nga ke akacsruhi. Sahp elos ac kahsrwe kom pac.
Oasr Pahkotwen La
Jacob 2:17 el fahk, “Nuhnkuh ke mwet wiowos oacna kowos sifacna, ac akihlen nuhkwewa ac ahksukohsohkye kowos liki ma lowos, tuh elos in kahsruhp oacna kowos.” Lwelah kuht in ahollah kahs se inge mwe kahsruhp nuh ke pahkotwen—akacsruhi ke pahkotwen lom elos in muh kahsruhp oacna kom.
Kuht kwacna nuhnkuh ke ma kahsruhp uh muh mongo kuh mani, tuhsruhk sahp ma kuht nohfohn enenuh yohk ke kahsruh lasr uh pa in pahkotwen.
Rilif Sosaiti Prestuhn luhk el fahk ke pacl na fototo somlah: Ma se ma nga … olwelah … nuh sum uh pa nga e karihngihn inem. … Nga ac liye kom ke kuhiyom ac wo lom. … Nga ac fah tiacna fahk oacna sie ma keim ma tiacna wo, ma ac tiac sruhk komyak. Nga siyuck sum in oruh nuh sihk oacna ke srihpen nga sahngweng, in fahk ma na pwacye uh, ke ahksuhpwacrye kom uh.”
Joseph Smith el fahk nuh sin tahmtahel wiyacl ke lwen se ke Jun 1842:
“Ke mwet uh use finne kihtin kuhlwacng ac luhngse nuh sihk, O kuh fuhkah sruokyac ke nuhnak luhk. …
“… Ke kuht ac fototoyang nuh sel Pahpah Tuhmasr Inkuhsrao uh, ac yohkwelihk pahkotwen lasr nuh sin mwet apkuhran in tuhlac—[kuht puhla muh kuht luhngse] in sruhkuhltahlwack nuh fin pihsacsr, ac sislah ma koluk laltahl nuh fintohkohsr. [Sramsram luhk uh ma nuh sin] nohfohnna—fin kom ac lwelah God elan pahkotwen nuh sum, oruh kom in pahkotwen nuh sin sie sin sie.” 2
Kahs in kahsruh se inge ma nuh sin Rilif Sosaiti. Lwelah kuht in tiac nuhnuhnkuh sie sin sie kuh oruh kahs lasr in ahkngal. Lwelah kuh in karihngihn inesr ac sang mwe sang luhn pahkotwen. 3
Oruh Oak Soko Ukom Ngwacn In Mukwikwi
Ke 1936, u in kalkal lohsr se ke University luhn Washington elos som nuh Germany in wi Olympic Games. Acn lal ke Great Depression. Mukul inge elos tuhlihk lutlut sulpac orekma suc orekma srihsrihk lalos ke pokongo ac pakpuck sahk toeniyac kihtin mani elos in muh kuh in som nuh Berlin. Ma nuhkwewa ke siaii sac oacna in lainuhlos, tuhsruhk ma se sikyak ke akuhtuhn sac. Ke facl in kalkal, elos pahngon ma se inge “pahtok.” Lohng ke mwe ahkuhtweyac se inge ke puk Tuhlihk mukul ke oak soko ah:
Oasr ma se ma sikyak ke kuhtuh pacl uh ma upac in oreklac ac upac in ahkuhtweyucki. Pahngpahng ma se inge “pahtok.” El sikyak muhkwena ke nohfohnna tuhkweni kalkal oruh wacngihn sie fanna mukwikwi sielacna.
Mwet kalkal uh enenuh in tuyak ke fokoko in sifacna ac ke pacl sacn pacna sruokyac na kuh ma elos kuh in oruh. Akuhtuhn uh el tiacna kuh sin ma kikiacp. U wo uh el wo ke tuhkweni uh—mwet se in kol, mwet se in sruokyac ma uh karihngihn, mwet se in acnwuck, mwet se in oraclah mihs. Wacngihn sie mwet kalkal el yohk srihpac liki mwet kalkal sahyac, nohfohnna ip srihpac nuh ke oak soko, tuhsruhk fin elos tuhkweni kalkal wo, kais sie enenuh in oruh in pahlah ke enenuh ac kuhiyacn mwet sahyac—ma fototo paho sac saplak lah kuhtuhsrihk, ma loes paho sac racni paho kuhtuhsrihk.
Ma siena uh kuh in ikihlyucklac nuh ke ma wo sahyacn ma koluk. Pa ingacn pacl ma oak soko ah ac oacna in sifacna mukwikwi. Pa ingacn pacl se ma kweok ac oraclah inkacnek nuh ke moul ma pahtpaht. “Pahtok” wo uh el puhla oacna poem uh. 4
Lain ma upac fuhlwact, u se inge sokwack pahtok se ma wo emet ah ac itto. Gold in Olympic sac arulacna sun na pwacye, tuhsruhk toeni luhn kais sie mwet kalkal ah elos puhlakihn ke lwen sac el sie pacl muhtahl ma weluhlos ke moul lalos.
Ahkwacngihnyelah Ma Koluk In Pihsrpihsr Ma Wo In Kuh In Kapwack
Ke mwe luhmweyuck se inge Jacob 5, Leum luhn acn in yohk krep se el yukwiyac sahk wowo soko ke fohk wowo, tuhsruhk koluklac ke puhluhn pacl tok ac oswelah fukunsahk koluk. Leum luhn imac in krep sac fahk pacl alkosr: “Mwe ahsor se nuh sihk [in] tohllah sahk soko inge.”
Mwet in orekma sac fahk nuh sin Leum luhn imac in krep sac: “Sang wihn kuhtuhsrihk pacl an luhn sahk soko ingacn. Na Leum El fahk: Ahok, nga e sang kuhtuhsrihk pacl ah lal.” 5
Ac fah tuhkuh mwe sap ma kuh in orekmakihnyuck nuh sesr nohfohn ma srihke in pihkihn ac sokwack fukunsahk wowo ke imac srihsrihk lasr sifacna: “Kom ac fah eslah ma koluk ma wo uh in kuh in kapwack.” 6
Toeni uh tiacna sikyak oacna mwenmwen; el enenuh orekma. El ohkahrkahr, kuhtuh pacl uh tiacna puhla wo, ac sikyak kais kuhtuhsrihk ke kuht eslah ma koluk
Kuht tiacna muhkwena ke kuht srihke in oraclah toeni uh. Jacob 5 tahfwelah, “Mwet in kuhlwacnsap elos som ac orekma ke kuhiyaclos; ac Leum ke imac in krep sac el weluhlos pac orekma.” 7
Kais sie sesr el sun ma na upac, ma muh enenuh in tiac sikyak. Kais sie sesr el ke pacl puhkantwen, lwelah insefuhlwact ac ngwetngwet luhng in ahkkolukyelah fukunsahk se kuht oswelah uh. Tuhsruhk Jisus Kraist El Mwet in Molwelah lasr ke ma nuhkwewa. Kuh lal som sun acn se na ac ten ah ac oasr na insac ke kuht pahng nuh sel uh. Kuht nohfohn siyuck ke nuhnak muhnahs ke ma koluk lasr ac tiacna oraclah lasr. El sang ke wacngihn molo. Ac el siyuck sesr lah kuht kuh in sang pacna pahkotwen se inge ac kahlwem se inge nuh sin sie sin sie.
Jisus El fahk arlac kahlwem: “Ma sefanna, ac fin kowos tiac ma se fanna kowos tiac ma luhk.” 8 Tuh fin kuht ekihn sie—fin kuht kuh in akacsruhi ke sie ipin pae ah kuh oruh talan lasr in fal oak soko ingacn in kuh in sun toeni se ma sun emet ah—na fah kuht ma lal. Ac elac fah kahsrwe kuht eslah ma koluk uh ma wo uh in kuh in sa na kapwack.
Olwelah Pahluhiyuck
Sahp kuht soenna sun acn kuht ke oasr we uh, ac ingena kuht tiac oasr ke acn kuht ac oasr kac uh ingena. Nga luhlahlfongi muh eklac se kuht suk kacsr sifacna inge ac ke u ma kuht wi inge ac kahkahsrihk tuhkuh ke kuht ac oruh mukwikwi upac ac tuhkuh yohk ke kuht srihke ke lwen nuhkwewa in kahlwem sin sie sin sie. Efuh? Mweyen kuht muhsahi Zion—mwet “ke inse se fanna ac nuhnak se fanna.” 9
Ke kuht muhtwacn ke akwuck uh, yohk kuh in ekuhllah lasr. Ekuhllah sac el orekmakihnyuck lwen nuhkwewa ke pacl nuhkwewa ma kuht wi kawuck se lutlut, ahkmotulyelah tuhlihk, sramsram nuh sin mwet se muhta siskacsr ke pas ah, ahkoo sramsram se wi mwet lutlut se wiyacsr. Oasr kuh lasr in eslah fahsrwelihk sacn ac sramtweack toeni uh.
Rilif Sosaiti ac Muhtwacn Fuhsr uh el tiac kuhlahs muhkwena. Elos kuh pac in pacl ma tiac kuh in muhlkihnyucklac suc muhtwacn ma arlac siena tuhkweni sroacng nuh ke oak soko fanna ac kal nuh ke kuht sokwack ma se kuht suk uh. Nga akacsruhi ke solsol se inge: wi sie kuh ma ac ekuhllah facluh in wolac. Akwuck muhtahl lasr pa in kahsruh, in sruhkwack paho ma ahtlah nuh ten, in sruhkwack mwet kweok nuh fin tohkohsr kuh in pahosr ac usaclos. Tiacna upac in etweyuck lah meac ac orek uh, tuhsruhktuh kwacna lain ke lasr sifacna, ac kuht enenuh in srihke. Muhtwacn ke alu se inge oasr kuhiyac wacngihn tulokihnyac in ekuhllah mwet fin acn uh. Oasr luhlahlfongi in nguhn sesseslah in nga muh, ke kuht suk in ma se fanna ke puhla se, kuht e pahngonyac kuh lal God in oruh srihke lasr in oasr kuhiyac kuh orekma.
Ke Alu uh esam fwackyuck se ke 1987 ke pristut ah, Prestuhn Russell M. Nelson el oraclah olwelah se: “Pruhe luhk ac mwe insewowo uh pa in usot nuh suwohs nohfohn suc lohng tuh kuht in kuh in kuhtanglah ohiyac toasr luhn fahsrwelihk nuhkwewa ac in fahsr suwohs wi God—ac wi sie sin sie—ke mislac wo ac ma se fanna.” 10
Lwelah kuht in fahsr nuh ke mwe ahkinsewowo se inge ac orekmakihn kuh lasr sifacna in ahkyohkye toeni fin facluh se inge. Nga fihliyac luhlahlfongi luhk ke kahs lal Leum Jisus Kraist puhsisacl, pruhe wacngihn sahflahiyac: “Tuh elos nohfohn in kuh in sie; oacna kom, Pahpah, suc in nga, ac nga in kom, tuh elos in kuh in ekihn sie in kuht pac.” 11 Ke inen Jisus Kraist, amen.