Sruokyac Ma Yolyak An
Kacl Jisus Kraist, utuckuh nuh sesr kuh in oruh eklac lasr uh in mana ne tok. Ke kuht for nuh sel ke insepuhsisacl uh, elac ahkyohkyelihk kuh lasr in eklac.
Tahmtahel, nga engan in wi kowos!
Nuhnkuh muh mwet se som nuh ke stoh se in molwelah ma se. Fin el sang mani yohk liki molin ma sacn, na mwet orekma ke stoh ac fah sang ma yolyak an.
Tohkohsrah Benjamin el luti mwet lal ke pacl met fin ac Macrike ke mwe insewowo yohk ma kuht eis sin Mwet in Molwelah lasr, Jisus Kraist. El oraclah inkuhsrao, facluh, ac ma kahto nuhkwewa ma kuht luhngse inge. 1 Ke Iwaclah Lal, Wl use innek se nuh sesr in moliyucklac liki ma koluk ac misac. 2 Ke kuht sang kuloh nuh Sel ke kampare in liyacacng masap Lal, El ahkinsewowoye kuht ke pacl na sa, pwacnwacng kuht soemoul Sel ke pacl nuh kwewa.
El use nuh sesr yohk, yohk liki na ma kuht kuh in fohlohkihn nuh Sel. Ohinge, meac kuht kuh in sang nuh Sel, suc elah molin ma koluk lasr uh? Kuht kuh in sang nuh Sel eklac. Kuht kuh in sang eklac lasr nuh Sel. Kuh in sahp eklac in nuhnak, eklac ke mukwikwi, kuh eklac ke fahsr lasr uh. In fohlohk nuh ke molwelah sacohklacna Lal, Leum El siyuck sesr in ekuhllah insiacsr. Eklac ma El siyuck sesr tiac ke wo Lal tuhsruhk nuh ke wo lasr. Na, siena liki mwet se ma moul ke stoh ah ma sruokyac ma yolyak lal ah, Mwet Lahngo El siyuck sesr in sruokyac na ma yolyak uh.
Tukun elos lohng kahs lal Tohkohsrah Benjamin ah, mwet lal tuhng ac fahk, lah insiaclos eklac, “Ke sripen Nguhn luhn Leum Kuhlwacna, suc oraclah eklac na kuh se in kacsr, … wacngihnlac ke lasr in oruh ma koluk, tuh in oruh na ma wo.” 3 Ma suhmuhslah tiacna fahk muh elos wolac na ke pacl sacn na; tuhsruhk, kena lalos in eklac moklwelos in mukwiyak in eklac. Kalmacn eklac ke insiyac lalos uh pa in ngwet liki ma luhn facluh ac porongo nuh ke Nguhn ke elos kampare in eklac oacna Jisus Kraist.
Prestuhn Henry B. Eyring el luti: “Eklac pwacye el wiwi na sukohsohk in suk ke luhlahlfongi, ke kuhiyac yohk ac kweok. Na Leum pa kuh in sang … ma usrnguck ke nwacsnwacslah ac eklac.” 4 Ke kuht kapsreni kuhiyacsr nuh ke kuh luhn Mwet in Molwelah in ikihlkuhtlac uh, kuht eklac nuh ke mwet sasuc.
Ke nga fuhsr ah, nga petsaciyuclac ke nga fahsr nuh met, ke innek suwohs soko nuh ke finsrak luhn moul ma pahtpaht. Kais sie pacl ma nga oraclah kuh fahklah ma se tiacna wo uh, nga puhlakihn sihk sifacna lah nga kihlac liki innek, in sifilpac muhtwacwacack ke fuhfahsryucsr luhk. El oacna ke sritacl se luhn tuhlihk srihsrihk ah ma pahngpahng Chutes and Ladders ma fohlohkihn komlac liki sahflahiyac ah nuh ke muhtwacwacackiyac ah. Arulacna ahksuhpwacr! Tuhsruhktuh ke nga muhtwacwacack in kahlwem ke mwe luti luhn Kraist 5 ac in orekmakihn fuhkah lwen nuhkwewa ke moul luhk uh, nga sokwack finsrak.
Jisus Kraist El use nuh sesr atac se in eklac. El suli kuht in ahkyohkye luhlahlfongi lasr kacl uh, suc pahtok kuht in auliyak—“suc pa luhlahlfongi ac auliyak use eklac ke insiyac.” 6 Ke kuht auliyak ac forlah insiacsr nuh Sel, kuht eis kena yohk in oraclah ac moulkihn olwelah muhtahl. Kuht kampare nuh ke sahflah ke kalweni in sang mwe luti inge nuh ke moul lasr ac suli Leum in ekuhlkuhtlac. Kalmacn kampare nuh ke sahflah pa eklac nuh ke sahflah. Ingena nga kahlwem kac lah nga tiacna sifilpac muhtwacwacack ke kais sie pacl nga tiacna oraclah, tuhsruhk ke kais sie pacl nga srihke uh, nga kalweni in oruh eklac luhk.
Oasr pohloh kahs na mokleyuck soko ke tim luhn Muhtwacn Fuhsr ma fahk, “Nga seko mwe sang luhn auliyak ac suk in wolac ke kais sie lwen.” 7 Nga pruhe tuh kuht in seko mwe sang wolacna se inge ac kuht in oruh in suk kuht in eklac. Kuhtuh pacl uh eklac ma kuht enenuh in oruh uh el kuhpahsr nuh ke ma koluk upac. Tuhsruhktuh kwacna inkaiyacn pacl uh, kuht kampare in ahkwoye ohiyacsr in ahksuwohsye kuht nuh ke ohiyac lal Jisus Kraist. Sulaclah lasr ke lwen nuhkwewa ac kahsruh kuh ikolyac kapwack lasr uh. Srihk tuhsruhk fahsr na, kahkahsrihk eklac ac kahsrwe kuht in wolac. Tiacna suhpwacrlac. Eklac uh el orek lusen moul loeloes se. Nga kuloh lah ke kweok lasr in eklac uh, Leum El muhtweng nuh sesr.
Kacl Jisus Kraist, utuckuh nuh sesr kuh in oruh eklac lasr uh in mana ne tok. Ke kuht for nuh sel ke insepuhsisacl uh, elac ahkyohkyelihk kuh lasr in eklac.
In weacng pac kuh in eklac ke Iwaclah luhn Mwet in Molwelah, nguhn muhtahl ac kahsrwe kuht ac kol kuht ke kuht ac oruh kampare lasr uh. El kuhpacna in kahsrwe kuht in etuh lah meac eklac kuht enenuh in oruh uh. Kuht kuh in sokwack kahsruh ac pahtokyuck ke mwe ahkinsewowo luhn pristut, pruhe, tiac mongo, ac som nuh ke tempuhl.
In oacna, sucu lasr suc kuht luhlahlfongi, mwet kol, ac kawuck kuh pac in kahsruh ke srihke in eklac lasr uh. Ke nga yac alkosr ah, tamuhlwel mahtuh se wiyuck, Lee, ac nga muhta wi kawuck lasr sritacl ke lah in sahk soko ke inkucl lasr ah. Kuht luhngse tuhkweni wi kawuck lasr muhta ke lullul ke sahk soko ah. Sie lwen ah, Lee el puhtatlac liki sahk soko ah ac kotweyac pahol. Ke kaptuhlihk pahol ingwacn, upac nuh sel in sifacna fanyak ke sahk soko ngwacn. Tuhsruhktuh moul luhn sahk soko ah tiacna oacna met ke el wacngihn uh. Oruh, kuhtuh sesr tu tok ahksuwohsyacl na kuhtuh oluhl ke lwac po se ma wo ah, ac ke elyah srihsrihk, Lee el fohlohkyak muhta oasr ke ulun sahk soko ah. Pahol srwackna kaptuhlihk, tuhsruhk el sifilpac wi kuht pwacr ke toeni lasr ke el kwelac ah.
Nga kwacna nuhnkuh ke ma sikyak nuh sihk ke sritacl ke sahk soko ah oacna sie ma orek ke wosasuc luhn Jisus Kraist. Ke lah lullul luhn wosasuc uh, kuht pwacrkihn mwe insewowo puhkantwen ma wi olwelah lasr. Kuhtuh sahp puhtatlac liki liyacacng luhn olwelah lalos ac enenuh kahsruh lasr in fanyak fohlohk nuh ke karihngihnyuck luhn wosasuc uh. Kuh in upac nuh selos in sifacna fohlohkoh. Yac kuht kuh in kahkahsrihk ul inse ac sruhk nuh luhng kuhtuhsrihk insoh in kahsrwelos kwelac ke elos pwacrkihn kawuck se inmahsrlosr uh?
Fin kom kweok ke kihnet se ke puhtatlac se, nuhnak muhnahs lwelah mwet sahyac in kahsrwe kom fohlohkyang nuh ke olwelah lom ac mwe insewowo ma tuhkuh kac an. Mwet Lahngo kuh in kahsruh kom kwelac ac eklac ke kom rauniyucklac sin mwet suc luhngse kom.
Kuhtuh pacl nga sun kawuck suc nga tiacna liye ke yac puhkantwen. Kuhtuh pacl uh elos fahk, “Wacngihn na eklac lom!” Kais sie pacl nga lohng ma se inge uh, nga tiac puhla wo, mweyen nga finsrak muh nga eklac ke yac somlah tari ah. Nga finsrak tuh nga eklac ma ekweah! Nga finsrak nga kuhlwacng liki met ah, tilac arlac nuhnuhnkuh mwet, ac luhngse yohk liki met ah. Nga finsrak tuh nga pihsrpihsri in lohacng nuh ke enenuh luhn mwet sahyac, ac nga finsrak nga muhtweng liki met ah finne kuhtuhsrihk.
Nga luhngse fanwack finohl sisken lohm sihk ah. Oasr yot srihsrihk kwacna muhta tilyang nuh lun fahluhk luhk ah ke nga fahsr ke innek soko ah. Te paht, nga tui ac osroklah fahluhk luhk ah. Tuhsruhktuh nga lut lah nga kuh in fan finohl ke puhluhn pacl loeloes se puhla ngal met liki nga tui ac ahkwacngihnyelah ma se ma nga kweok kac.
Ke kuht fahsr ke inkacnek luhn olwelah, kuhtuh pacl uh kuht sruhkwack fihkar ke fahluhk lasr uh ke ohiyac in mukwikwi tiacna wo, ma koluk, kuh elah koluk. Ke kuht sa na osroklah liki moul lasr uh, fuhfahsryucsr lasr ac yohk engan oasr ac oreklac.
Muhtana ke eklac sacn el enenuh orekma. Nga tiac kuh in nuhnkuh in tui ke innek soko ingacn in fohlohkohnwacng fihkar se ma ahkngalyeyuc ke nga tuhfahna eslah uh. Nga ac tiacna kuh oruh ma se ngwacn oacna ke butterfly kahto se ac tiac ke sulaclah in fohlohkyang nuh ke pack in mutul se lal ah.
Nga fahkwack lah ke srihpacl Jisus Kraist, kuht kuh in eklac. Kuht kuh in ikihl ohiyac kuht pahlah kac, ekuhllah nuhnak lasr, ac ahkwoyelah ohiyacsr in eklac oacna el. Ac ke kahsruh lal, kuht kuh in sruokyac na eklac sacn. Ke inen Jisus Kraist, amen.