Tiac oacna ke Facluh Acsot
Kuhfa ma kuht enenuh in oraclah ke lwen kahlwem ac in ahkwoye economy luhn mukwikwi wo oasr ke ohiyac puhkantwen ke wosasuc luhn Jisus Kraist.
Kuhpahsr nuh ke Istuh, se ma Jisus El ahksahfyelah akwuck sasuc se ke sacrament ke El luti nuh sin Mwet Singucul Luo ah, El muhtwacwacack ke ohiyac fuhlwact in wihlkacs ac som na met nuh Gethsemane, ahkkolukyeyuck, ac uniyucki. Ne ohinge, puhlakihn nuhkanlah ac sahp finne sahngweng upac luhn kuhtuh sin mwet ma wi ah, El fahk nuh selos (ac nuh sesr):
“Nikmet fulwelah insiom in fosrngah: kom luhlahlfongi ke God, luhlahlfongi keik pac. …
“Nga fah tiac som liki kom ahkkolukye kom: Nga fah tuhkuh nuh yurum. …
“Nga filiyac misla yuruwos. Misla luk sifacna pa nga asot. Nga tia asot oana ke faclu asot. Nikmet fuhlwelah insiom in fosrnga ku toasr,oayapa nikmet sangeng.”1
Pacl upac uh tuhkuh ke facluh suhkawihl se inge, weacng luhlahlfongi, tuhsruhk tuh mwe fahkwack ahkkweyeyuck luhn Kraist pa lah El, lahm luhn Istuh, fah som oacna “sie sip oan ye mwet kulkul kolo [lal]”2 ac na fah mayak, finne in, oacna ke sie mwet sihm on muhtahl se fahk, in “pain moullac lasr ac kuhiyacsr, kahsruh na [lasr] ke pacl sacn ke [pacl in] fohsack se.”3
Ke Kraist El akihlen ma upac in tuhkuh ke El som nuh ke sahksin soko ac ke mwet tuhma lutlut Lal ke elos ac us wosasuc Lal nuh fin facluh ke pacl sacn, wiyuck som ingena nuh ke pweng oacna nuh sin mempucr ke Alu luhn Mwet Lahngo ke lwen sahflah. Ma se inge oasr inmahsrlon nacmpuh ke fuhs lun Puk luhn Mormon ma kwacfeacng nuh ke fohs luhn sie kuh mwet se sahyac, ke elah in ahkmucngmucng lal Laman ac Lemuel ne ke mweun sahflah wi solse siofok nuh ke tausin ah. Sie srihpac na kahlwem nuh ke kalmeyacn fohsack an pa oacna ke ma Puk luhn Mormon sihmlac nuh sin mwet mihsenge uh, mwet suhmuhslah inge (suc liye mweun puhs sifacna) palyei in sensenkihn kuht lah mwe ahkngal ac fohs fah ohiyac in akucliyac kuhpahsr nuh ke pacl sahflah uh.
Ahok, nuhnak luhk ke fohsack ke lwen-sahflah uh tiac ma napwacye se. Yac tausin luo somlah ah, Mwet Lahngo el sensenkackihn lah ke lwen sahflah ac fah oasr “mweun, sruhmuhnyacn mweun,”4 tohkohyang fahk lah “mihs [fah] itucklac liki facluh.”5 Pwacye lah Fihsrwack luhn Mihslac, suc luti in kahlwem lah mwe srihkasrak luhn devil,6 fah tuhng wi na Pahpah Tuhmwacl liki sucu luhn mwet ke lwen lasr suc ma “wacngihn luhngse” la ma suhmuhslah fahk, ac suc tiac kuh in konwacack lah elos ac tuhkweni muhta fuhkah ke luhngse.7
Tamuhlwel ac tahmtahel, kuht liye akuhkuhin puhslac, ahngyahng, ac ma koluk sahyac raunikuhtlac. Ohinge, fihl se mihsenge uh sonna oasr Mweun Ahktolu Facluh in wi acnwuck, finne in oasr etuh lasr ke muhsahllah luhn kasrpacn acn sesr oacna ke sikyak ke yac 1929 kolyucklac nuh ke sie Kweok Yohk. Kuht, tuhsruhktuh, ohsun nuh ke kain Mweun Ahktolu ma tiac sie mweun in kuhnahoslah mwet koluk lasr tuhsruhk suhpweyuck in oracni tuhlihk nuhtin God in karihngihn sie sin sie yohk liki met ah ac in kahsruh ahkkweyelah kihnet kuht konwacack ke facluh mas se. Kweok Yohk se kuht ingena oasr kac uh srihklac kuhphasr la ke wacngihnlac luhn mani ac yohk na ke tuhlac luhn kuh lasr, ke ahksrihkyeyucklac luhn luhlahlfongi ac finsrak ac luhngse pwacye nuhkwewa raunikuhtlac. Tuhsruhk kuhfa ma kuht enenuh in oraclah ke lwen kahlwem ac in ahkwoye economy luhn mukwikwi wo luhn mwet oasr ke ohiyac puhkantwen ke wosasuc luhn Jisus Kraist. Kuht tiac kuh in sang—ac facluh se inge tiac kuh in sang—tahfonglac lasr in sang mwe luti luhn wosasuc inge ac ahkyohkye olwelah muhtahl in orekmakihn yohk in sifacna lac ac un mwet se.
Na, fin facluh “ohkahr yurin mwe sruhf, ac tiac mihs,” oacna Jehovah El pa fahk, oyac kuht konwacack ma se El pahng “olwacla luhn mihs”? Kuht konwacack ke forlah nuh Sel suc fahk El ac sang pahkomuhta nuh sesr, yurin kuhlacng ma pahtpaht use mihs yohkiyacn tuhlihk nahtuhsr.8 Sahyac na mwe palyei ahksahngweng ac ma suhmuhslah tiac akwucki fahkwack lah mihs fah itucklac liki facluh, mwet pahluh, wiwi na sacohk lasr sifacna Russell M. Nelson, elos luti lah tiac kalmac pa in itucklac liki kuht kais sie!9 Na, ke Istuh se inge lwelah kuht in srihke muhsaheack mihslac lun insiacsr sifacna, pahkotwen ac mwe akmuhsra in onwelah luhn Iwaclah luhn Leum Jisus Kraist nuh sesr sifacna ac sucu lasr ac mwet nuhkwewa infulwac kuht. Wo, finne ma wolacna, mihs inge kuh in tuhkuh nuh sesr ke “wacngihn mani ac wacngihn molo.”10
Kahsruh ac finsrak inge enenweyuck pwacye mweyen ke un mwet luhlahlfongi ke facluh se mihsenge inge pa puhs mwet suc ma elyah ke kain in mwe srihkasrak kuh kuhtwena sahyac—kain in elyah luhn mahno, puhla, nuhnak kuh mani, kuh puhs kain in ma sahyac. Tuhsruhk ma inge puhs kuht tiac na fokoko na pwacye in ahkkahlwemye kaclos ac kacsr sifacna, tuh mihs ma kuht enenuh uh tiac kain se ma ke “facluh acsot” uh.11 Moh, nuh ke ma upac yohk kuht enenuh in oruh ma ma suhmuhslah uh pahngon muh “kuh luhn inkuhsrao,” tuhsruhk in eis kuh inge kuht enenuh in moulkihn pacna ma ma suhmuhslah uh pahngon muh “mwe luti ke suwohswohs.”12 Ingena, kahlwem ke ma oracni ip yohk ac kuh pa inge sie mwe luti ma sucu uh oacna in koflah lotwelah, oacna ke God luhn inkuhsrao ac facluh fahk!13
Ac meac ngac mwe luti muhtahl ingacn? Na, ma ingacn sihmlac tahklac kalweniyuck ke ma suhmuhslah, elos sifilpacna lutiyuck ke toeni luhlahp kain se inge, ac ke we se lasr inge, Mwet Pahluh Joseph Smith el tuh luti kaclos in tohpohklah kahs lal sifacna ke tuhng “God Luhk, God luhk, efu kuh kom som liki yuc?”15 Ke acn ohu, koluk karihngihnyac ke Nien Kaclpous Liberty, lutiyuck el lah mwe luti ke suwohswohs uh oasr kain ma wowo ke muhtweng, insacnweacng, puhsisacl, ac luhngse pwacye.15 Wacngihnlac luhn mwe luti ingacn, oruh kuht in ohsun nuh ke akuhkuhin ac lain.
Ke ma inge, lwelah nga in sramsram suwohswohsoht ke kihtin pacl ke wacngihnlac luhn mwe luti ke suwohswohs ke un mwet ke pacl lasr uh. Ke sie kolyuck, nga sie mwet engan, finsrak, ac kuhlwacng, ac oasr ma wo yohk ac kahto ke facluh lasr uh. Pwacyena yohk kuhfa in ahkinsewowoye kuht yohk liki oacna sie fihl, tuhsruhk ke facsin luhn yac luhlahp 21st yohkna tuh ke pacna Alu uh, kuht srwackna liye moul ma oasr in elyah, puhslac etweyacn ma wo koluk uliyucklac sahflahiyac kuhnanuclac olwelah muhtahl ingacn ac ahksuhpwacryelah insiyacn mwet uh. Nuhnkuh ke kahs ma kuhpahsryang muh ke ma koluk ke sopoklotiyacn mahnos, kewana suc ma orek yohk ke petsac mukwikwi kuu ke tv, kuh nuh ke pac ohiyac in sruhnkuhi ac kuhtwena ohiyac sikyak eke acn in orekma suc ma kuht riti yohk ke pacl mihsenge uh. Ke ohiyacn nwacsnwacs ma oreklac ke olwelah, oal uh wacna sikyak ac muhtahl uh wacna oreklac tuh fohkfohk. Nuh sin oacna sie suc srihfweyucki in fahsr kuh sramsram kuh oruh elah ke ohiyac inge—“oacna ke facluh acse,” fahk oacna—nikmet nuhnkuh muh ac kol komlac nuhke ohiyac luhn mihs; Nga olwelah nuh sum ke inen Leum lah ngac fah tiac. “Ma koluk uh tiac mwe engan,”16 sie mwet pahluh mahtuh tuh fahk. Ke sahflah tacn ah, mwet in sritacl on sac pa enenuh in moliyuck nuh se uh, ac inkaiyacn pacl uh molo ke sronin muhta ac auli.17
Kuh sahp kuh liye ohiyac sahyac luhn ahkngalye kuh ahkkolukye. Fuhkah luhpan tahfuh luo past sesr in oacna mwet tuhma lutlut lal Jisus Kraist ke in tiac wi puhtatyang muh ke oacna sie ohiyac. Ke kuhtwena pacl kuht tiac kuh in oruh kuhtwena ohiyacn ahkngalyeyuck kuh kolyuck koluk kuh kaiyuck fohkfohk—tiac kain ma luhn ikoac kuh nuhnak kuh alu kuh kuhtwena kain sahyac. Nga esam ke nga tuh sesseslah ke kuhiyacn sramsram lal Prestuhn Gordon B. Hinckley ke el tuh lac inse inge sie pacl ah sramsram nuh sin mukul ke Alu uh yohk na nuh sin elos suc ma “sifac ke lohm selos sifacna”:18
“Fuhkah luhpan upaciyac ac kolukiyac ke ohiyac se in ahkngalye muhtwacn kiyac,” el fahk. “Kuhtwena sin mukul ke Alu se inge suc ahkngalye muhtwacn kiyac, suc ahksrihkyactwen yacl, suc ahkkolukyacl, suc oruh ohiyac sesuwohs in ahksrihkyactwen yacl el tiac suwohs in sruok kuh luhn pristut. [El] suhfal in eis ahkkweyeyuck luhn tempuhl.”19 Koluk oacna sie, el fahk, pa kuhtwena ahkngalyeyuck luhn tuhlihk—kuh kuhtwena ohiyacn ahkngalyeyuck.20
Ke ohiyac puhkantwen, sahyacna mempucr luhlahlfongi ke Alu uh srwackna kuh in puhlakihn suhfal ke sramsram tuh tiac kuhlwacng, finne in ahkkolukyelah, nuh sin elos suc kwacna fal ac siliyucki nuh selos ke akwuck muhtahl ke tempuhl luhn Leum. Mwet nuhkwewa oasr suwohs la in luhngseyuck, in puhlakfohn mihs, ac in konwacack woiyac e lohmah. Nuhnak muhnahs, lwelah kuht in srihke ahkwoye ma raunikuhtlac we. Olwelah se in ekihn sie mwet in ahkmihs uh pa fah oasr sum Nguhn Muhtahl nuh sin mwet se ma kwacna wi kom an ac mwe insewowo fah ukiyuckwot nuh sum “wanghin srihpac yohk in tulokihn” nuh tok ma pahtpaht.23 Wacngihn mwet kuh in fahk ma koluk kuh tiac kuhlwacng ac srackna “onkihn on luhn luhngse molwelah”22
Lwelah ngacn kaliyac acn nga muhtwacwacack kac ah. Litu pa Istuh, sie pacl nuh ke mwe luti suwohswohs ke wosasuc luhn Jisus Kraist ac Iwaclah Lal in “ahluhkelah”— ahluhkwelah fohs ac mwe sruhf, ahluhkwelah ahsor ac muhnahs, ac yohkna ahluhkwelah misac. Sie pacl in sang nofohn suwohs la nuh sin Lahm nuhtin God, suc “[wis] ahsor lasr, ac us suhpwacr lasr,” “ikuslah inwacluhl”24 tari in lain ke sulwaclah Lal in ahksahfyelah orekma ke molwelah ke srihpacsr.
Sahyacn ahkkoluk ac ngal, sahyacn tiac karihngihn wo ac ahkkolukye ac oruh ma koluk luhn sucu nuhkwewa, Wen Moul nuhtin God Moul kuh in ngweti liye inkacnek loeloes ke moul suhkawihl, liye kuht ac fahk: “Mihslac nga fihliyac yurum, mihslac luhk nga acsot nuh sum: tiac ma facluh acsot, nga pa acsot uh. Nikmet fuhlwelah insiom in fosrnga ku toasr,oayapa nikmet sangeng.”24 Lwelah in insewowo, engan, ac mihs Istuh se lom uh. Tiac sruhmuhnyuck fihsracsriyac ma tuh moliyucklac tari sel Fihsrwack luhn Mihslac, suc nga luhngse ke insiuck nohfohn ac suc pa la Alu se inge, ac lacn suc nga wi fahkwack, ke Inel, finne Leum Jisus Kraist, amen.